الموضوع: أسبرانزا A213

المشاركة الأصلية كتبت بواسطة evram

انا اسمي افرا من احد ملاك العربية اسبرانزا A516 موديل 2008 و صدقني والله العظيم شديت مع لانسر 2007 اتوماتيك و كسبتة و عربية اشهد من اي حاجة زي فرنا و زية زي افيو و زي نيو اكسنت انا عربيتي حلوة اوي ممكن لو عايز تناقشني كلمني علي ايميلي evramandbavly@yahoo.com

باشا انا بقول وجهة نظري بس
اولا انت متأكد ان اللانسر اللى شد معاك 1600؟ لان فيه 1300 اوتوماتيك برضه
مواتير الياباني محترمة جدا و اكيد اللى كان سايق مكنش عارف يجمع معاك صح بس او هو 1300 زي ما قلتلك
بس كل اللى انا بقوله ان الغالي تمنه فيه
مفيش عربية كل الكماليات و بسعر عربية تانية مفيهاش كل الكماليات دي
و بعدين البريليانس سبلندور مثلا نفس فئة a516 بس 110 الف مش ب 65000 و انا عارف ان السبلندور و الجالينا عربيات نضيفة جدا و انا اصلا كنت بفكر اجيب frv بس قلقت و قلت اجيب بونتو ايطالي اضمن رغم اني بحترمها
هي وجهات نظر
بس قارن ما بين الـ A516 و السبلندور و هتعرف ان الصيني بريليانس و بس
و في راي الشخصي الباقى كله فشنك و زي ما قلت عمره ما هيعيش زي الياباني و الاوربي
عموما ربنا يبراكلك فيها و حافظ عليها.

بص يا باشا مع احترامي ليك انا عمري ما بذم في عربية و خلاص
انا بقول رأي على اساس حاجات شفتها قدام عيني كل اللى اعرفهم جايبين عربيات صيني - باستثناء البريليانس - بيشتكو منها و فيه فعلا منهم اللى باعها و واحد جاب A516 و باعها بعد ماجابها بشهرين لقى فيها بوش في كل حاجة و العربية بتترقص منه و هو ماشي و كان فيها مشاكل كهرباء و مشاكل ما تتلم فا باعها جاب الانترا و قال عمري ما هبص للصيني تاني و الله لو عملوه بيطير.
و غيره ناس تانية فا انا بقول على الاساس ده مش اكتر
انما البريليانس فعلا كل الناس بتشكر فيها اوي بكل عربياتها و هي شركة نضيفة فعلا سواء المتقفلة في الصين زي السبلندور و الـ Frv او المتقفلة في البافارية زي الجالينا و محدش اشتكى منهم خالص و انا قعدت فيهم في معرض المصرية بجد حاجة محترمة جدا و عربيات ماسكة نفسها و تحس ان تقفيلها متكلف مش اي حاجة.