ركبت سكانر على العربية علشان اشوف زمن فتح الرشاشات
فا لقيتة من 2.2 ms الى 2.4 ms
و عند تشغيل التكيف يعلى عن 3.0 ms
هل الزمن دا مظبوت ولا اية الاخبار؟
عرض للطباعة
ركبت سكانر على العربية علشان اشوف زمن فتح الرشاشات
فا لقيتة من 2.2 ms الى 2.4 ms
و عند تشغيل التكيف يعلى عن 3.0 ms
هل الزمن دا مظبوت ولا اية الاخبار؟
الكلام دة والعربية على السلانسية.......وخللى بالك زمن فتح الرشاشات بيفرق مع السرعات وعوامل أخرى
او فى السلانسية
انا مركب رشاشات Bmw
واضح ان الزمن كدة كويس ....لأننى وجدت بالكتالوج ان الخطورة فى زمن فتح الرشاشات لو زاد ووصل لقيمة 8 مللى ثانية .....والخطورة هنا ان حيكون فية مشكلة فى وحدة التحكم الالكترونى.....وممكن تكون بدأت تخرف.....فطالما الزمن بتاع نبضة الحقن بالقيمة اللى حضرتك موضحها .....فدة بيدلل على أن عملية التحكم للمحرك بتاع عربيتك كويس...ودا واضح برضة من قيمة نبضة الحقن لما شغلت التكييف ....على أساس أن الفرق فى الزيادة بين الحالتين بيدلل على أن وحدة التحكم الالكترونى بتعمل بكفاءة
بس الفنى الى ركب السكانر قال ان ان نفس الوضع فى الهيونداى النترا1600 الزمن لا يزيد عن 1.8 ms
يعنى فرق من 4 الى 6 اجزاء من الثانية و اعتقد ان دا زمن ليس بقليل
انا عارف ان المتحكم فى زمن الفتح هوا ال ECU بس عايز افهم فين الفرق
و لو حد جرب نفس القرائة على رشاشات دايو يعرفنا فى اختلاف فى الزمن ولا لا
ماهو أكيد فى اختلاف فى أنواع وحدات التحكم من طراز سيارة للتانية....وأكيد دة مرتبط بتصميم الرشاش الملائم لكل وحدة تحكم وبالتالى زمن الفتح حيفرق......... فمنقدرش نقارن الوضع بتاعك بالوضع الموجود بالألنترا(ومالناش دعوه بكلام الفنى لأنه علميا كلامه لايقبل)..........والحل دلوقتى ننتظر يمكن يكون فية زميل عمل نفس الأختبار اللى أنت عملتة......وفى الحالة دى تقدر تقارن.............
انا مركب رشاشات بى ام و قراءة زمن فتح الرشاش 1.7 :1.8 و اعتقد انها كدة كويسة و الطبيعى
انا برضه الزمن عندى في اللانوس 1.8
انا عندى بالرشاشات الاصلية كانت 1.8 مللى ثانية من غير التكييف وبالتكييف 2.2
بالرشاشات ال بى ام
الله اعلم
كلامك مضبوط.....بس دة فى حالة لما تكون دورة الكنترول شغاله بطريقة closed loop (وضع التشغيل العادى)........انما لما تكون دروة التحكم بتاعة الECU شغاله بطريقة الopen loop وبالذات فى فترة البدايه(فترة التسخين اللى فيها وحدة التحكم مابتديش اهتمام لحساس الأكسجينO2 sensor ولا حساس الMAP ).....علشان بيكون مطلوب من الECU بأن تجعل الخليطRich mixture للاسراع بعملية تسخين المحرك وحيث أن الاعتماد كلة بتاع وحدة التحكم فى عملية الحسابات المطلوبه......... بيكون على القراءات الواردة من حساس درجه حرارة المحركECT وحساس الTPS فقط فى الدورة المفتوحة بتاعة البدايه.........مع ثبات الPulse widith فى الحالة دى حيكون فية فرق فى استهلاك البنزين بين الحالتين(الرشاش ذو معدل سريان أكبر والاّخرذّو معدل سريان أقل...على سبيل المقارنه).......وحيكون ليه تأثيرمش مرغوب على جيب الفرد منا مع تكرار عمليات الدوارة والتبطيل على المدى البعيد
المفروض ان العربية الى شغالة Open Loop بتفضل على طول Open loop والعربية الى بتشتغل Closd Loop بتفضل على طول شغالة على طول Closd Loop مش بتشتغل كده شوية وكده شوية
اما بالنسبة للانوس....
العربيات الى فيها حساس اكسجين وEgr بتبقى شغالة Closd loop
اما العربيات النص كماليات الى فيها بتنشيوميتر بدل حساس الأكسجين ومفيهاش Egr بتبقى Open Loop هذا والله اعلى واعلم
الكلام منطقى جدا....
طيب ايه هى الحالات اللى بتبقى فيها لعربية شغالة open loop??
حنلاقى ان فيه حالتين: اما التسخين صباحا و الموتور بارد و اما Wide Open Throttle
يعنى تاثير الرشاشات الاكبر حيفرق فى فترة التسخين اللى هى اخرها دقيقتين تلاتة قبل الدخول فى closed loop و دى مهياش حالة بتاخد وقت طويل عشان تبقى ذات تاثير كبير على استهلاك لوقود مقارنة بظروف التشغيل الطبيعية للعربية
و الفرق حيظهر مع الكبس لدواسة البنزين على الاخر و باتلاى دى حتبان مع الناس اللى بتحرق كتير و كبس الدواسة للارض من عاداتهم اليومية... و اعتقد الناس دى متعودة على استهلاك البنزين العالى و ممكن ميحسوش اوى بزادة فى الاستهلاك خصوصا اننا بنتكلم فى 10% زيادة فى حالة كبس الدواسة للارض
من الناحية التانية ممكن يكون دة كويس لما واحد يركب فلتر رياضى و الموتور بيسحب هوا اكتر و بالتالى يبقى عندة فرصة يحرق بنزين اكتر و هو كابس الدواسة للارض... و الفرق هنا حيبان فى حساس الMAP لما يلاقى vacuum اقل من المعتاد فى حالة الWOT
الفكرة بقى فى العربيات اللى مفيهاش حساس اكسجين و ماشية open loop على طول... اكيد فرق الاستهلاك حيبقى اكبر فى العربيات دى.... السؤال بقى المهم:
هل ممكن اعادة ضبط البوتنشيوميتر بعد تركيب الرشاشات البوش لمعادلة فرق معدل سريان الرشاشات؟؟؟؟؟؟؟
MMamdouh
+ا1111 وعلى فكره النظام ده اللى موجود فى النوبيرا.......وياريت يامحمد تقولى على النظام اللى موجود فى الانوس.....سواء 1 أو 2 وهل يوجد فرق بين النوعين........وماذا تعنى بالبوتنشومتر....لأننى أعلم أنه هو النظريه المبنى على أساسها فكرة عمل حساس الtps وليس حساس الأكسجين(الشكمان)....من خلال التغيير فى المقاومه المتغيره للبوتنشميتر مع اختلاف عملية التحكم فى البوابه للخانق مع حركة الاكسراتير.......ياريت التواصل.......وحيث أننى أيضا قد قرأت أن حساس الأكسجين مبنى على أساس نظرية الpiezo electrec وطريقه التراسل بينه وبين وحدة التحكم مختلفه كلية عن نظرية البوتنشومتر مثل المطبق فى حساس الtps
الفروق بين مواتير اللانوس مشروح فى الموضوع دة... بص علية بصة و نرجع نكمل كلامنا :049:
http://www.nilemotors.net/Nile/showthread.php?t=38324
MMamdouh
اى خدمة يا باشا
MMamdouh
أنا ألقيت نظره سريعه على الايضاح الشيق منك ...وللأسف لم أكمل تعليقات الزملاء وردودك عليهم..................وأنا لاحظت الاّتى.....حساس الشكمان بتاع لانوس 1998 مش راكب على صاجة مانيفولد العادم....وبالتالى فهو أكيد راكب قبل علبة البيئه مثل الo2 sensor الموجود للموديلات ...اللى فيها 2حساس أكسجين.....على مانيفولد الشكمان وقبل علبة البيئه....................وبالنسبه لموضوع البوتنشوميتر اللى موجود فى الانوس2000 ومكانه زى ماوضحت خلف البطاحه الشمال.....مش قادر أتخيل نظرية عمله .....هل ياترى مع السرعه بيحصل تغيير للمقاومه المتغيره وبالتالى بتروح الاشاره لوحدة التحكم وبتقول لوحدة التحكم التغير فى المقاومه على الوضع الفلانى ومن خلال وحدة المقارنه داخل الوحده بيتم التعرف على السرعه بتاعة السياره وبالتالى بيتم تحديد فترة ضخ البنزين وبيتعمل حساب التسارع المطلوب داخل الوحده.....انا حاسس ان التحليل ده منطقى...............ياريت التعقيب للتواصل للتصديق أو لتصحيح التحليل........لأننى دايما بأتطلع الى المزيد من الفنيات
انا بصراحة مش عارف البوتنشيوميتر دة بيشتغل ازاى
اساسا الصورة اللى انا حاطتها عبارة عن مسمار ضبط للموتور و الضبط دة بيحصل و العربية على السكانر... فى الغالب المسمار دة عامل زى مسمار الهوا فى العربيات الكربراتير و فى اللانوس المسمار دة بتضبط متغير معين فى الfuel map بتاعت الECU و الله اعلم
بالنسبة لحساس الاكسجين فهو راكب فى اخر الفرن خالص و لان الدايو اللى فى مصر شغالة بنظام OBD I فا مفيش حساس اكسجين تانى ورا علبة البيئة و اصلا هى فيها علبة بيئة واحدة
اما فى الافيو و الاوبترا بيبقى فيه علبتين بيئة و حساسين اكسجين
MMamdouh
موضوع شيق متابع باهتمام
البوتنشيومتر هو مقاومه متغيره وفى الغالب يستخدم كحساس لتحديد الوضع الموجود عليه المنظومه الهندسيه...........والبوتنشيوم تر له ثلاث أطراف كهربيه......الأول لدخول القدره(التيار) الذى يغذيه......الثانى للاتصال الأرضى......الثالث لاخراج الاشاره الذاهبه منه الى وحدة التحكم الالكترونى فى صورة فولت متغير......وهو جهاز ميكانيكى يمكن تغيير مقاومته من خلال زراع يتحرك على مقاومه ثابته ........هذا الزراع المتحرك ينزلق على المقاومه الثابته وبالتالى يتم التغيير فى قيمتها.......ونتيجه لذلك تتغير قيمة الفولت الخارج من البوتنشيومتر والذاهب الى وحدة التحكم الالكترونى.........قيمة الفولت هذة بعد ذهابها الى وحدة التحكم.....تعتبرanalouge signal ويتم تحويلها الى digital signal...ومن هنا تأخذها دائرة المقارنه الموجوده داخل وحدة التحكم لتقييم الوضع الجديد والتفاعل معه
مفيش وضع جديد ووضع قديم ابوسمرة البتنشيوميتر بيبقى مظبوط على قيمة معينة ومش بتلعب فيه خالص يعني يعتبر مقاومة ثابتة بعكس حساس الأكسجين القرائة بتعته بتبقى متغيرة وبتختلف حسب ظروف التشغيل وهو ده الى مجننى
لا ياريس سامحنى.....احنا لسه مادخلناش فى ا لتفاصيل........البوتنشيومتر هو نفس نظرية حساس الtps .....وممكن يتعمله setting دا لو كان ممكن فكه أو لو تم التعرف على وضع تركيبه على المكان المركب عليه وطريقة التغيير فى الاشاره اللى رايحه لوحدة التحكم.... أما حساس الأكسجين له نظريه عمل مختلفه خالص
حلو اوى الكلام دة... يعنى احنا متفقين على البوتنشيوميتر شخصيا... طيب الsignal اللى رايحة للكونترول دى بقى بتغير ايه؟؟
اعتقد انها بترفع او تقلل من الfuel map اللى متخزنة فى الكونترول على اعتبار انك رسمت الfuel map على ورقة فى صورة رسم بيانى و بلتالى لما بتزود او تقلل المقاومة بترفع او تخفض الخط البيانى اللى بيمثل زمن فتح الرشاشات بالنسبة للفات الموتور
اعتقد دة اقرب تفسير منطقى لنظرية عمل العربيات دى
MMamdouh
شوف ياأبو يوسف....من الشرح السابق لنظرية عمل البوتنشيومتر.....عرفنا ان الأشاره الخارجه منه....بتروح فى صورة فولت كهربى (متغير على حسب وضع الزراع المتحرك الموجود واللى بيستقطع من قيمة المقاومه الثابته).......الفولت المتغير ده بيتم تحويله داخل وحدة التحكم الى صوره رقميه علشان يقدر يتعامل معاه....وبيتعرف على القيمه فى وحدة المقارنه داخل الحاسب....وفى نفس الوقت زى ماأنت بتقول كده بيشوف فى الfuel map ....الفولت ده يلزم ليه pulse widith قدد ايه
وبناء على كلامكم
وبما إن البتنشيوميتر في اللانوس بيبقى مظبوط على وضع معين ومتغطي بكاب اصفر إذا قيمة مقاومته ثابته مهما تغيرت ظروف التشغيل بعكس حساس الأكسجين
انا قريت الموضوع كويس وفاهم كويس الكلام وكلامك انت ومحمد مظبوط 100% بس انا اقصد حاجة تانية وهي ان البتنشيوميتر عشان حضرتك تغير في قيمته لآزم تجيب مفك وتظبط البتنشيومتر بأيك وده طبعا والعربية متوصلة على سكانر او جهاز ألـ C/O يعنى العربية بتزل من المصنع بالبتنشيوميتر مظبوط على وضع معين
.بعكس حساس الأكسجين (انا معرفش نظرية عمله علمياً) بس الجهد الموجود بين طرف الحساس والأرضي حوالى 450 ملى فولت والحساس بيقوم بزياده الجهد ده إلى 1 فولت في حالة إذا كان العادم Rich وبيقلله لحوالى 100 مللى فولت في حالة إذا كان العادم Lean
وبكده يبقى العربيه الى فيها بتنشيوميتر بتبقى ماشية بـقيمة ثابته مهما ارتفعت نسبة الأكسجين في العادم او انخفضت
والعربية الى فيها حساس O2 بتظبط نفسها اول بأول
وكمان حساس الأكسجين هو الى بيبقى مسئول عن ان العربية تبقى ماشية open Lop عند بدئ التشغيل
والبتشوميتر المفروض يقرا على الجهاز كام
لان الميكانيكى لعب فيه وانا عاوز اتاكد القراءة بتعتة صح ولا لأ