ازيكم .. ولا بلاش ازيكم .. ما تيجوا نتخانق شوية

اكتر حاجة عجبتني في نايل موتورز كم الناس الجميلة اللي فيه ومواضيعهم الرائعه المتنوعه ما بين متخصصة في السيارات او مواضيع عامة في الاجتماعي وقفاشتم وخفة دمهم
بصراحة انا كن مشتركة في منتديات كتير بس بعد نايل موتورز بقيت مركزة عليه هو بس

لكن جات فترة على المنتدى كل ما ادخل الاقي خناقة اشي عن الكرة واشي في مواضيع غزة واحيانا في اي موضوع الاقي 2 شبكوا مع بعض وهاتك يا خناق
حسيت ان المنتدى بقه كئيب ويسد النفس .. بس الحمد لله القترة دي في هدنه والخناقات قلت ... احمدك يارب


السؤال بقه دلوقت ليه بنوصل نفسنا لدرجة الخناق والشخصنة
في الاخر اي موضوع عبارة عن وجهات نظر وكل انسان ليه وجهة نظر والطبيعي اننا نكون مختلفين في وجهات النظر ...... والمثل بيقول ايه..؟؟؟
اختلاف الرأي لا يفسد للود قضية


لكن علشان الموضوع يتحول من ابداء للرأي او طرح فكر معين او مناقشة موضوع معين لتشابك وتبادل للتهكم ومش بعيد لو كنا نقدر نمسك في خناق بعض بالتشابك بالايدي كنا هنعمل كدة

احنا بقه مش عايزين خناقات في المواضيع
انا عملت لكم موضوع مخصوص للخناقات هههههههههههههه
اي حد نفسه يتخانق يدخل هنا ويشوف حد يتخانق معاه ويطلع الطاقة اللي عنده
بس بما اني صاحبة الموضوع بلاش تتخانقوا معايا انا :k26:


لألألألألألألألأ انا بهزر خلينا في الجد

السؤال اللي عايزين الموضوع يدور حواليه ...
انت او انتِ بتحس بأيه لما تلاقي عضو عمل معاك مشكلة علشان مش عجباه وجهة نظرك او عشان رد او كلمة اتفهمت غلط او مكنتش تقصدها حرفيا وتلاقي الموضوع كبر واصبح في اهانات متبادلة او عشان مش عاجبه فكرتك موضوعك من الاساس
وهل بترد على الاهانة باهانة مماثلة فورية ولا بتصبر شوية


أنت او انتِ بتحس بايه بعد ما تعمل مشكلة مع عضو من الاعضاء بسبب موضوعه او بسبب رد من ردوده
هل بتحس انك ارتحت ومبسوط وطلعت الكبت اللي عندك.. ... ولا بتراجع نفسك وتقول مكنش الموضوع يستحق اني اخده على اعصابي بالشكل ده واخسر عضو كان ممكن يكون لي صديق .. وكان ممكن
اتناقش واوصل فكرتي بهودء