بتجيلك أحلام يقظه.خش هنا

**hookyelyak** · 19-01-2009 01:16 AM

سعات بيجيلى احلام يقظة وبفكر ان اوبرا وينفرى المذيعة الأمريكية استضافتنى ,وأنى بتكلم معاها عن الأسلام والعرب ومصر ومؤخراً عن فلسطين والمجازر الى هناك
,و بفكر أزاى ادافع عن الأسلام اوانى اشرح ليها أحنا ليه بنساند حماس وحقوق الشعب الفلسطينى المنهوبة,أو اشرح ليها اية الى بيطلع من بينا امثال بن لادن (من عمايل امريكا فينا).
وسعات تانية بتجيلى احلام ان انا رئيس الجمهورية وبعض افكر أزاى ممكن نهزم أسرائيل ونرجع القدس وأزاى ننتقم منهم من الى بيعملوه فينا.
وسعات بحلم انى بقيت مرياردير غنى وأنى بساعد الفقرا وبساعد الجيش المصرى .

حد بيحلم احلام زيى ولا انا بس الى كده.

**نور القمر** · 19-01-2009 01:35 AM

كلنا بنحلم احلام يقظة
وكل واحد بتكون احلامه بالشيء اللي يتمناه
طبعا مش هنقدر نقول على العام كل احلامنا لان اكيد في جزء منها خاص
بس ممكن اقولك ان من ضمن احلامي في اليقظة ان الدول العربية اتفقت واتوحدت وحاربوا اسرائيل
وبحلم اني اشارك معاهم واموت شهيدة
اكبر امنية في حياتي اموت ميتة الشهداء

**TeXo** · 19-01-2009 02:24 AM

انا بحلم احلام يقظه كتير جدااا

و اغلبها ببقي فيها انا بطل و بحارب و بقضي علي الشر بأنواعه :) يعني بحلم اني امتلك منصب يمكنني من التحكم و التغير في أشياء , مش عارف ليه علي طول أحلامي كده ممكن علشان نفسي كلنا نعيش في مكان مفيهوش شر من الأساس !

**youssefmustang** · 22-01-2009 04:29 AM

بحلم انى راكب فورد موستانج ومظبطها (فيها نيتروس اوكسيد) وطاير بيها .... ياااااااااااااااااااااه نفسى بجد اغمض عنيا وافتحها الاقى العربية دى قدامى
اخوكم يوسف

**Ahmed_Elkhateb** · 22-01-2009 01:23 PM

المشاركة الأصلية كتبت بواسطة youssef_00

بحلم انى راكب فورد موستانج ومظبطها (فيها نيتروس اوكسيد) وطاير بيها .... ياااااااااااااااااااااه نفسى بجد اغمض عنيا وافتحها الاقى العربية دى قدامى

اخوكم يوسف

ههههههههههههههههههههههههه هههههههههههههههههههه حلم جامد اوووووى ونعم الأحلام انا بجد مش قادر امسك نفسى من الضحك

انا بئه يوميا قبل ما انام لازم اقعدى بتاع نص ساعه على السرير احلم احلام يقظه بئه وانا بقيت رجل اعمال كبيييييييير

وبعد كده بقيت وزير السياحه وبقيت اساعد كل الناس واشغل الناس اللى اعرفهم

وطبعا احلام تانيه خاصه

**kemo0o** · 22-01-2009 01:26 PM

اه اكيد كلنا لينا احلام يقظة
بس يعني صعب اقولها هنا ...

**hookyelyak** · 24-01-2009 10:56 PM

لية صعب انا لسة قايل الفضايح بتعتى فى البوسط على الملاء

**Ayman_52** · 24-01-2009 11:09 PM

كل يوم عندى حلم يقظه مختلف...يعنى فى الامتحانات قبل ما أنام بحلم ان المعيد يكلمنى و يجبلى الامتحان او الامتحان يجيى فى اللى انا ذكرته بس...وياسلام بقى لو اللى بيراقب عليا كنت اعرفه..:10D5C8~1107:

دى احلام اليقظه عندى حاليا

**pro_samir** · 25-01-2009 03:06 AM

مش بس أوقاتى بتحلو .. دى العيشة والناس و الجو
احم
لا مؤاخذة احلام يقظة

حلم انك تبقى ملياردير وتساعد الجيش دة كان بيلح عليا قوى الأيام اللى فاتت وغزة بتنضرب
والواحد يشترى سرب طيارات حلو كدة ويطلعهم يضربو تل أبيب مش مهم يرجعو بس يفشو غلنا شوية

وساعات بيجيلى احلام يقظة انى بعمل حادثة بالعربية من ساعة ما كنت هعمل حادثة فى رمضان