اتحاد مالكي الفيات اونو

**amrbakly** · 06-08-2009 05:19 PM

يا جماعة انا عندي سؤال غريب

هو كاوتشة الكوبلن دية ملهاش حل يعني؟

يعني مفيش كاوتش من نوع ميعن او يركب حاجة فوقة او اي افتكاسة يعني علشان لو اتقطعت و الواحد مخدش بالة ميلبسش تمن الكوبلن

**semsem_uno** · 07-08-2009 02:51 AM

لا يا باشا مفيش حل هي كلها اصلا ب 10 جنيه و جميلة زي الفل و خليه ينضفهولك بالجاز كويس الأول و يشحمهولك و يركب عادي و ركب الكاوتشة و ممكن لو في مشكلة تربطها كويس بكوليه و الواحد بنص جنيه باين او جنيه

**amrbakly** · 07-08-2009 02:54 PM

ما هو دية النصيبة يا عم سمسم

انك تضيع ساعتين عند الميكانيكي و تروح للميكانيكي أصلا علشان كاوتشة بستة جنية كمان مش 10 و بعدين غلبة و شحم و حاجة نيلة

الفكرة انها اتقطعت مرتين في تلات شهور بجد زهقت من ام المطبات و الشوارع المدغدغة

كمان صحيح انا عندي سؤال، انا ساعات بيحصل عندي ان العربية علي السلانسية الاقي نور التابلوة يضعف و مرة واحدة اول ما أدوس بنزين تاني يرجع قوي، مش عارف دية مشكلة اية في الكهربا ؟؟ حد يعرف؟

**shshtawy** · 07-08-2009 04:45 PM

العربيه عاوزه تضبط كهراباء وممكن الكرابيراتير عاوز يتنضف

**amrbakly** · 07-08-2009 07:19 PM

علي فكرة يا شباب انا صحيح لاحظت ملاحظة غريبة في عربيتي

انا كنت اخر مرة مغير زيت حطيت شيل الأصفر و اشتغلت و كنت مسافر و كدة و الزيت قعد حوالي 7000 كيلو علما بأن أخرة 6000، الغريب ان الزيت نزل لسة فية لمعة ذهبية، هو اة بقي خفيف شوية لكنة كان لسة بيلمع، لكن لاحظت ان في اخر ايام الزيت دة العربية بقت بتاكل بنزين اكتر من العادي بشوية

لأني لسة مغير زيت من يومين و معاه فلتر، لاحظت بعدها ان العربية بقت بتاكل بنزين اقل و بتسحب اعلي كتير يعني علي المحور مثلا بقت بتجيب 90 علي الخامس و انا يادوبك مشعر بنزين

و نصيحة بصراحة بعد تجربة شل الأصفر ، زيت ممتاز لا يقارن بية الموبيل إطلاقا تحت اي بند

**semsem_uno** · 08-08-2009 10:18 AM

ده كلام مظبوط فعلا شيل الأصفر ميتقارنش و برده توتال كوارتز علي فكرة
و انا حاطط شل الأصفر و مجرب التوتال في الهيونداي بتعت والدي

**semsem_uno** · 08-08-2009 02:23 PM

عايزين نتقابل يا جماعة ايه رأيكم في الموضوع ده :)

**shshtawy** · 08-08-2009 05:04 PM

نتقابل ياسمسم بس انتا الى هتدفع الحساب

**semsem_uno** · 09-08-2009 09:38 AM

هههههههه
ماشي
بس انا بتكلم بجد

**ayman 2010** · 15-08-2009 04:04 PM

طيب يا جماعة عاوز رد قاطع فى اللى هقولة دة
الأونو ال 1000 سى سى موديل 92 ينفع يركب لها تكييف
واية مدى تأثيرة على المحرك ياريت يا جماعة كلام علمى ومنطقى وينفع نركب تكييف ولا هية كدة كويسة والسلام