اتحاد مالكي الفيات اونو

**ssd** · 22-10-2009 01:47 AM

احب اشكر صاحب فكره نادي او منتدى لفيات اونو
انا يا جماعة عن نفسي احترمت السيارة دي جدا من بين اكتر من نوع كانوا معايا بعد ما و هي فعلا سياره عمليه و اقتصادية في الوقود و قطع الغيار و كمان الجلوس فيها مريح و السياره سحبها كويس جدا بالنسبه لحجمها و قوة محركها و العزل تبع الصوت و الحرارة جيد جدا
بس فيها عيب وحيد بالنسبة ليا بس مش عاجبني خالص في التابلوه هو لوحه العدادات لانها فقيره جدا مفيش فيها rpm و لا مقياس لدرجة الحراره و دي حاجات المفروض انها بقيت عاديه جدا في اي سيارة

و لفيت كتير علشان الاقي لوحة عدادات زي اللي بشفوهم علي النت بس مش لاقيهم في اسكندرية خالص
في ياريت يا شباب لو في حد عنده فكره الاقي اللوحه دي فين و تقريبا بكام بس يكون فعلا عارف انها موجوده ياريت يقولي مع الشكر طبعا

**amrbakly** · 22-10-2009 03:01 AM

المشاركة الأصلية كتبت بواسطة ssd

احب اشكر صاحب فكره نادي او منتدى لفيات اونو
انا يا جماعة عن نفسي احترمت السيارة دي جدا من بين اكتر من نوع كانوا معايا بعد ما و هي فعلا سياره عمليه و اقتصادية في الوقود و قطع الغيار و كمان الجلوس فيها مريح و السياره سحبها كويس جدا بالنسبه لحجمها و قوة محركها و العزل تبع الصوت و الحرارة جيد جدا
بس فيها عيب وحيد بالنسبة ليا بس مش عاجبني خالص في التابلوه هو لوحه العدادات لانها فقيره جدا مفيش فيها rpm و لا مقياس لدرجة الحراره و دي حاجات المفروض انها بقيت عاديه جدا في اي سيارة

و لفيت كتير علشان الاقي لوحة عدادات زي اللي بشفوهم علي النت بس مش لاقيهم في اسكندرية خالص
في ياريت يا شباب لو في حد عنده فكره الاقي اللوحه دي فين و تقريبا بكام بس يكون فعلا عارف انها موجوده ياريت يقولي مع الشكر طبعا

التابلوة كامل يا معلم في بورسعيد بكل حاجتة بسلطاتة بباغنوجة مرمي في بورسعيد مش مكمل 400 جنية، بس يا ريت لو روحت و جبتة تقولي هو فين و سعرة الواقعي كام علشان انا كمان عايز اروح اجيب واحد و اجيب طقم جنوط من اللي اخوك سمسم بيقول عليهم دول

**Nader** · 22-10-2009 12:01 PM

المشاركة الأصلية كتبت بواسطة semsem_uno

غالبا ممكن يبقي متسقط بس انا شوفت اكتر من اونو 1300 هنا و بيبقي فيها ار بي ام و كمبيوتر اعطال و كماليات علي حسب تكييف و ازاز كهرباء

اونو فاير الشكل الجديد والقديم نزلت بمواتير 1300 سي سي

**dr_timo** · 23-10-2009 10:04 PM

بص هوة غالبا كل اللي بييجي يبيع بيكون تقريبا الترخيص خلص او علي وشك وبعدين تيجي انت تظببطها وتديها رشة نضافة وتروح ترخخص التلت سنين دول وتغرم فالراجل يعتبر موفرلك الفين علي الاقل دة غير وجع الدماغ بتاع الرتخيص والرش فدي ميزة في حد زاتها

**amrbakly** · 24-10-2009 06:18 AM

يا جماعة عايز نصيحة في الفتيس

الفتيس بيطلع عيني كل يوم اول ما أدور العربية بيبقي تقيل و غلس ما بين الأول و التاني و صوتة عالي جدا في الأول و التاني، يعني تقريبا التاني صوتة اعلي من المارشدير

تفضل كدة لحد ما تسخن و امشي شوية و احرق علي غيار حبتين، تبدأ تتعدل و تمشي بأدبها.

دة غير كمان انها بقت بتطلع عيني علي ما تسخن و بتاخد وقت طووووووويل موت، لدرجة اني احيانا بسيبها دايرة 10 دقايق علشان تسخن و لو ركنتها ساعتين و نزلت قعدت علي القهوة تبقي عايزة تسخن تاني

هي غير كدة مؤدبة و محترمة بس المشكلتين دول بقوا سخاف قوي و مزهقيني

**dr_timo** · 24-10-2009 01:35 PM

المشاركة الأصلية كتبت بواسطة amrbakly

يا جماعة عايز نصيحة في الفتيس

الفتيس بيطلع عيني كل يوم اول ما أدور العربية بيبقي تقيل و غلس ما بين الأول و التاني و صوتة عالي جدا في الأول و التاني، يعني تقريبا التاني صوتة اعلي من المارشدير

تفضل كدة لحد ما تسخن و امشي شوية و احرق علي غيار حبتين، تبدأ تتعدل و تمشي بأدبها.

دة غير كمان انها بقت بتطلع عيني علي ما تسخن و بتاخد وقت طووووووويل موت، لدرجة اني احيانا بسيبها دايرة 10 دقايق علشان تسخن و لو ركنتها ساعتين و نزلت قعدت علي القهوة تبقي عايزة تسخن تاني

هي غير كدة مؤدبة و محترمة بس المشكلتين دول بقوا سخاف قوي و مزهقيني

همة مش مشكلتين اوي ولا حاجة هوة طبيعي ا صوت الغيار بيبقي عالي شوية ابل متسخن ولان الجو ابتدي يسققع فالعربية فعلا بتقعد حبة طويلة شوية علي متسخن وممكن تدوس بنزي كام مرة ورا بعض تسررع تسخينها ودة طبيعي جدا وكويس كمان الناس بتشتكي ان عربيتهم بتسخن مش يشتكو انها بتبرد عامة ربنا معاك وتتعود علي كدة لان الشتا لسة داخل

**ayman 2010** · 24-10-2009 07:36 PM

المشاركة الأصلية كتبت بواسطة amrbakly

يا جماعة عايز نصيحة في الفتيس

الفتيس بيطلع عيني كل يوم اول ما أدور العربية بيبقي تقيل و غلس ما بين الأول و التاني و صوتة عالي جدا في الأول و التاني، يعني تقريبا التاني صوتة اعلي من المارشدير

تفضل كدة لحد ما تسخن و امشي شوية و احرق علي غيار حبتين، تبدأ تتعدل و تمشي بأدبها.

دة غير كمان انها بقت بتطلع عيني علي ما تسخن و بتاخد وقت طووووووويل موت، لدرجة اني احيانا بسيبها دايرة 10 دقايق علشان تسخن و لو ركنتها ساعتين و نزلت قعدت علي القهوة تبقي عايزة تسخن تاني

هي غير كدة مؤدبة و محترمة بس المشكلتين دول بقوا سخاف قوي و مزهقيني

عاوز نصيحتى المشكلة دى حصلت معايا وسألت ميكانيكى قالى دة شىء طبيعى لازم العربية تسخن والله كانت نفس مشكلتك
المهم انا كنت بغير زيت موبيل وبعدين قولت انا هغير لشيل الأصفر ودة على اعتبار انى استخدمتة قبل كدة فى كذا عربية وغيرت كمان فلتر
تصدق حصل فرق زى ما كنت متوقع بالظبط عملية تسخين العربية لا تستغرق اكتر من دقيقتين
والعربية تبقى معاك حلاوة ودى تجربتى والله اعلى واعلم

**dr_timo** · 25-10-2009 12:47 AM

لو الكلام دة صح يبقي معني كدة ان زيت شيل خفيف واخف من موبيل ودي مش ميزة دة عيب

**amrbakly** · 25-10-2009 02:49 AM

المشاركة الأصلية كتبت بواسطة ayman 2010

عاوز نصيحتى المشكلة دى حصلت معايا وسألت ميكانيكى قالى دة شىء طبيعى لازم العربية تسخن والله كانت نفس مشكلتك
المهم انا كنت بغير زيت موبيل وبعدين قولت انا هغير لشيل الأصفر ودة على اعتبار انى استخدمتة قبل كدة فى كذا عربية وغيرت كمان فلتر
تصدق حصل فرق زى ما كنت متوقع بالظبط عملية تسخين العربية لا تستغرق اكتر من دقيقتين
والعربية تبقى معاك حلاوة ودى تجربتى والله اعلى واعلم

ايمن انا عايز اقولك بقي المفاجأة اني اصلا بحط شل الأصفر بقالي مرتين

هو يمكن الزيت بقالة فترة اة متغيرش و عمل بتاع 5000 كيلو، و للعلم انا كل مرة بغير فلتر زيت

سمسم كان قالي انة جرب توتال كوارتز ولاقاة كويس المرة الجاية حجربة و اشوف اية اخبارة لأني بصراحة حاسس ان الماتور صوتة اعلي مع الشل الأصفر حجرب التوتال و اقولك.