ال 1242 ده موتور فيات بونتو 75 بيكون 8 صباب نفس قطع غيار الاونو عادا البساتم والبيلات ودول مش هتيجي جمبهم غير في عمرة لو هتجري هتحتاج تركب مساترفرامل امامي بتاعة التيبو او البرافو لو مشيك معقول مش محتاج حاجة.
الموتور ده هتجيبو تركب عليه كربراتيرك ومانفول بتاعك وفرن شكمانك القديم وكل حاجة عندك هتحتاج بس طرمبة بنزين كهرباء
يعني تشتري المكنة بالدينامو فقططططط
ولو انت معندكش تكيف ممكن تجيب الا 1000 بتاعتها او 1108 بتاعت البونتو ودي افضل لو مش بتجري او معندكش تكيف
لو عايز موتور تربو دي قصة اولا دة اذا لقيتو وهتكلف مبلغ محترم مش اقل من 8 الاف جنية
المكنة خفيفة يعني بتاكل زيت وفي الحالة دي تحط زيت التعاون الرخيص الي بيعد الف كيلو وكل ماالزيت ينقص تزودو وتغير كل 2000 كيلو وتفضل ماشي بيها لحد متجيب اخرها خالص وبعدين تجيب موتور البونتو ال 1242 نفس المشاركة الي فوق عندك واعتقد موديل 2000 بتكون انجكشن في الحالة دي مش هتحتاج طرمبة البنزين
ممكن حضرتك تيجي مركز الصفا هنا في القاهرة واعلانو هتلاقيه على صفحات نايل موترز
اسباب التنتيش دي كتير ممكن يكون عيب دورة بنزين وممكن يكون كهرباء
نبدا بالبنزين:
1- فلتر البنزين قديم ومحتاج يتغير.
2- طرمبة البنزين لمت وساخة من التانك وضعفت ومحتاجة تتغير.
3- الرشاش الي في الكربراتير محتاج يتغير.
4-حساس ال ideal مش شغال وده لازم العربية تبطل وهيا واقفة في الزحمة.
5-حساس الشكمان وده العربية مش بتجمع كويس وتسحب بنزين زيادة جدا وده اقرب حاجة لكلامك
الكهرباء بقى :
1- البوجيهات وصلت لحالة رديئه جدا
2-شاكوش الاسبراتير محتاج تغير
3- واخيرا الكنترول نفسو بيهيس ودي معتقدش لان صعبة جدا تحصل الا لو طالو مية
تاخير العجلة دي مفيهاش دق دي السمكري بيربط العربية من المقص في الارض ويزق العربية لحد متجيب المسافة المطلوبة وافضل اننك تركب المقص القديم وتضبط بيه عند السمكري ولما تخلص ترجع المقص الجديد
عداد ال rpm بتاع الاونو الاصل يعمل مستعمل من 200 لي 400 وانت وشطارتك وممكن تجيب rpm منفصل ابتداء من 150 يركب بس بيكون شكلو وحش مش حلو وكتير مش بيدي قرايات صحيحة