اتحاد مالكي الفيات اونو

**السريع** · 03-09-2013 08:54 PM

المشاركة الأصلية كتبت بواسطة mostafa_shandy

بسم الله الرحمن الرحيم
انا بقالي ساعه بدور علي رابطه الاونو عايز اقولكوا إن العربيه دي انا بحبها جداً
عربيتي موديل 93 وهي معانا من 2001 لحد دلوقتي هي عامله لحد دلوقتي 141000 ك بس
العربيه تحت رجلي من سنه بالظبط بس عايز اقول كام نقطه
أولا انا غيرت الموتور وجبت موتور البونتو 1300 وركب زي الفل علي الفيتيس بتاع الاونو
لكل الناس اللي بتسأل علي مؤشر الحراره او اللمبه انا بعد الشر عنكوا كلكوا عملت حادثه من حوالي 3 اسابيع طبعاً الحمد لله مسامير قواعد الفتيس ووش السلندر اتكسروا غيرت الفتيس ووش السلندر
اتعرفت في الوكاله علي واحد الله يباركله المهم لقيت عنده عدادات فيها r.b.m و عداد الحراره طبعاً حسبلي التابلوه كامل بالعدادات ب 300 و خد التابلوه القديم
انا بقي عايز اسال حد يكون فاهم في الاونو كويس عايز ازود عزم و سحب العربيه أعمل ايه ياريت الرد

نورت الرابطه يا مصطفى , ما شاء الله على الموتور الى معاك و قدر الله و ما شاء فعل الحمد لله انتا بخير العربيه تتعود
جرب بوجيهات ngk او boschاو mareli ب السلوك بتبعتهم 4 شمعه و دى مجاربها عندى و ممكن تغير علبه شكمانك كامله من اول الموتور لحد الديل و دى موجوده
عند واحد فى اكتوبر و فى الملك الصالح و لو خليت علبه الشكمان straight دا هايفرء فى الاداء لانك بتسهل خروخ االعادم و بردو فلتر سبور هايفرء معاك على الrpm العالى

**unoman** · 04-09-2013 10:16 AM

المشاركة الأصلية كتبت بواسطة السريع

متوسط يبقى من 25000 و اخرها يوم متكون لقطه يعنى 27500

بحالتها دى متوسط سعرها 25 الف ...
اصل فى حد قالى اخرها 20 وانا استغربت جدا

**mostafa_shandy** · 04-09-2013 10:32 AM

المشاركة الأصلية كتبت بواسطة السريع

نورت الرابطه يا مصطفى , ما شاء الله على الموتور الى معاك و قدر الله و ما شاء فعل الحمد لله انتا بخير العربيه تتعود
جرب بوجيهات ngk او boschاو mareli ب السلوك بتبعتهم 4 شمعه و دى مجاربها عندى و ممكن تغير علبه شكمانك كامله من اول الموتور لحد الديل و دى موجوده
عند واحد فى اكتوبر و فى الملك الصالح و لو خليت علبه الشكمان straight دا هايفرء فى الاداء لانك بتسهل خروخ االعادم و بردو فلتر سبور هايفرء معاك على الrpm العالى

انا مركب دونسون 2 شمعه و جبت فلتر سبور بس قولي اجيب الشكمان منين في أكتوبر

**mostafa_shandy** · 04-09-2013 10:57 AM

متشكر علي الاجابه بس انا جايب بوجيهات دونسون 2 شمعه و لسه حاطط الفلتر الاسبور طبعاً علشان العمه اتكسرت السؤال علبه الشكمان او الشكمان كله اجيبه منين في اكتوبر و هيعمله كام تقريباً
وشكراً علي الاجابه

**unoman** · 04-09-2013 11:05 AM

المشاركة الأصلية كتبت بواسطة السريع

متوسط يبقى من 25000 و اخرها يوم متكون لقطه يعنى 27500

بحالتها دى متوسط سعرها 25 الف ...
اصل فى حد قالى اخرها 20 وانا استغربت جدا

**WHATZUP** · 06-09-2013 02:52 AM

شباب اخباركم عاملين اية؟؟؟؟؟
انا معايا اونو 93 من زمان ( 3 سنين)
وعمر ماحصل فيها عطل كموتور
اليوم حصل حاجة اول مرة تحصل....
اجي ادور العربية الصبح ... تدور حوالي 20 ثانية فقط وتبطل لواحدها ... بدون مااجي يمها
واما احاول ادور تاني .. ماتدورش خالص
وريتها لميكانيكي ... قال المشكله في الكهربا وغالبا الموبينة
وغير فيوز كان محروق بس المشكله زي ماهي
ولسة ماجبتش كهربائي يشوفها....
ايه رايكوا المشكلة ممكن تكون ايه؟؟؟؟؟
ياريت رد بسرعة عشان انا مابخرجش من البيت من غير العربية ومعتمد عليها جدا...
وشكرا مقدما....
......

**mostafa_shandy** · 06-09-2013 12:26 PM

هو في فمصر مكان لتظبيط الاونو كما ينبغي ولا مافيش ؟

**السريع** · 07-09-2013 08:34 PM

unoman

20 ليه يعنى عدت ال128 ب 5 الف جنيه لالالالالالا يا باشا ابعد عن التجار و النلس البتجيبلك سعرها الارض و اولا و اخيرا البيحدد السعر الحاله العامه بتاعت العربيه من موتور و صاج و عفشه و كهربا

mostafa basha

المنطقه الصناعيه الثانيه, قطعه 117-118 اسمو ابو اليزيد و ليه فرع قى الملك الصالح دى ورشه كبيره اوى و ناس مشهوره اوى و دى النمر0238331091-0238334090-0238334071 و السعر تقريبا بيعتمد انتا عايز صاج تقيل ولا خفيف و التكلفه تقريبا 430 ل 500

**golden_knight** · 14-09-2013 03:43 PM

شباب سلام عليكم ... أنا معايا فيات أونو فاير 2006 وكنت عاوز المانوال بتاعها أو جدول الصيانة ... لحسن أخوكم ضايع خالص في موضوع العربيات ده :))

**a.dreeny** · 16-09-2013 12:09 AM

السلام عليكم و رحمة الله و بركاته
ياجماعة ارجوا المساعدة
انا معايا اونو 2001 هاف انجكشن 1000 cc
و الانجكشن قارفنى و باظ منى و العربية بتنتش و بتبطل
و اشتريته استيراد مرتين و كل مره حساس ال ideal يبوظ تانى
سألت , قالولى ده عيب شائع فى الاونو , و كل ما هتغيره هيبوظ بعد 6 شهور عشان العربية دى فيها مشكلة فى الضفيره و الله اعلم
المهم , العربية محتاجة 1200 جنيه عشان تغيير الحساست و الانجكشن
و دلوقتى عايزة نص عمرة , طقم شمبر وده تقريبا بيتعمل ب 800 جنيه

انا بفكر اشترى مكنة جديدة , و تكون كاربراتير , و افكنى من نص العمرة و الانجكشن خالصصص
بس قلقان من :
1- البيع للسيارة فيما بعد
2 - قطع غيار المكنة الجديدة

تنصحونى اغير وللا لا , ولو اغير , اجيب مكنة ايه ؟؟