الموضوع: اتحاد مالكي الفيات اونو

المشاركة الأصلية كتبت بواسطة roma++

السلام عليكم
كيف حالكم جميعا اولا انا معجب بالرابطة جدا جدا بجد والله انا حبيت الاونو
بسبب التعاون الرائع بين ملاكها وحيادتهم بالنسبة لاي استفسار
ودا اللي خلانى افكر اجيبها بس نبدء بيا الاول اخوكم متعلم جديد
وبسوق على ادي يعني وبركب عربيات اخواتي زي الانوس وال 127
بس لفيت المنتدى كتير وقرات مواضيع كتير وبصراحة اخدت فكرة
ومعلومات غزيرة احسن من ارهاق الاخوة بكثرة الاسئلة
بس في كم استفسار لازم الخبرا زى الاخ سمسم وباقى الاخوة ربنا يباركلهم
يوضحوها لى معلش استحملونى بقى
1-انا عاوز اجيب الاونو بس عاوزها تكون نضيفة وفابريكة مش مشكلة السعر
2-اكثر اراء الاخوة ان الواحد يجيب الاوتوماتيك احس ومشتريش موديلات
قديمة زى 128-127وكدة عشان هاتكرهنى في السواقة من كثرة الاعطال
والذهاب للميكانيكية فنصحو انى اجيب حاجة فى التسعينات ولو اوتو
احسن وانا عامتة بحب الاوتوماتيك
3-انا بردو بفكر انى اغير بعد فترة في حاجة اعلى يعني مش هااثبت
على كدة فاعاوز اعود نفسى على عربية كويسة مؤقتا
ومتتعبنيش من كثرة اعطالها انا بحثت كتير فيى الموقع وبرة علي الانو
مستعمل وشوفت اسعار كتير بس عجبني موديلات الاستيراد وشوفت
واحدة مويل 89 استيراد 1500ccازتوماتيك بس مش معاقين بس
فبريكة برة وجوة عاملة 90000ك كل حاجة فيها بتقول انها استخدام
نادر جدا يعنى من الاخر فبركة من كلو جوا وبرة عاملة38000ج
فا ايه راىكم وتنصحونى بايه بس يكون اونو لانى حبيت العربية دى جدا
بس عاجبني الاوتو المستورد منها اوى
ولو الاونو دى اشتريتها وحبيت ابيع هاتباع بسرعة ولا لا
معلش هاتعبكو معايا واسف على عدم تنسيق الكتابة

شوف حضرتك .. الاونو من العربيات المحترمة جداً انا معايا اون موديل 2000 وشايف ان كلها مزايا وعيوب قليلة جدا واعطالها نادرة لأن انا مش ببخل عليها ومش بستنى على اي عطل مهما كان صغير ... العربية عملية جدا واقتصادية جدا في مصاريفها وناعمة في مشيها وجراية ... جبت بيها 150 للتجربة والطبيعي مش بزيد عن 120 كلم/ الساعة ، بس مش هعمل كده تاني ههههههههههههه وعلى فكرة كان ثابتها معقول جدا بالنسبة لحجمها ... ميكانيكيتها بسيطة جدا وسهلة ... عيبها الوحيد هو الحجم لو انت عاوزها لأسرة كبيرة ، لكن لو انت عايزها لأسرة صغيرة او شبابي هتنفعك أوي ... نصيحة مني لو لقيت حالة كويسة ما تتردتش .. اشتري وانت مطمن بس المهم ما يكونش السعر مبالغ فيه عشان في ناس بتزودها شوية ... ونصيحة تانية لو انت لسه مستجد في السيارات ابعد عن سوق العاشر ودور على حد معرفة أو عالنت بس تكشف عليها كويس جدا من كله سمكرة وميكانيكا وياريت لو بإسم صاحبها ومايكونش عليها توكيلات عشان تريح دماغك من الكلام الكتير .... وهتلاقي منها كتير بس دور على حالة كويسة وبيتي زي ما بيقولوا ... لأن اخلاق البيع اختفت واصبح الغش هو السائد إلا من رحم ربي