ربنا يبارك فيك يا باشا احنا هنا كلنا ان شاء الله اخوات و رد الاخ عمرو بردو فيه فوائد اكتر و كل اللى عارف حاجه بينفع بيها الجميع و ده الهدف من الرابطه الجامده دى:verygood:
عرض للطباعة
انا حغير كاوتش العربية ايه رأيكو في المقاس 175/60-13
كويس المقاس ده وايه الانواع الكويسة في السوق للكاوتش ولو ممكن السعر .
تسلم يا حبيبى وان شاء الله قريب هعملها
بس الاول هروح لبتاع الدوكو يديلى العربية بتاع يخليها تلمع كدا لانها اسود مط مش ميتاليك
مش عارف دا بيتكلف كام بس اتمنى ميكنش كتير
انا لسة مغير من اقل من شهر
انسب مقاس ليك
13-165-65 او 13-165-60
175 هيحك معاك
انا جبت الكاوتش ماكسيس دا ب 230 تقريبا او 220 الى فى حروف بيضا ظاهره دا شكلها
جميل
انا بفكر اخلى الفرديتن اللي ورا 175/60 واللي قدام 165/65 ينفع اللكلام ده ولا الاحسن كله يبقى نفس المقاس .اقتباس:
انا لسة مغير من اقل من شهر
انسب مقاس ليك
13-165-65 او 13-165-60
175 هيحك معاك
انا جبت الكاوتش ماكسيس دا ب 230 تقريبا او 220 الى فى حروف بيضا ظاهره دا شكلها
جميل
أنا كنت مركب عندي في العربية جنوط 14 والكاوتش اللي ورا كان أعرض من اللي قدام والأداء ماشاء الله منتهى الثبات وكنت مركب كاوتشة مرسيدس عشان أعلى العربية حبة صغيرة عشان علبة الديفل ماتحكش في المطبات لأن العربية كانت واطية جداً طبعاً لو ركبت عتب هيغطي تماماً على الأرتفاع اللي حتعملة الكاوتشة مع أنه مش كبير ولكن العتب هيبين العربية سبور أكثر وكمان عشان أكصدامات الأونو من قدام واطية فممكن تركبوا فيها فوجات هتبقى شكلها جامد جداً وانا كنت مركبهم في نص الأكصدام من تحت يعني مش مطرفهم زي كل الفوجات وشكلهم جامد بس مش الأتنين قريبين من بعض لأ في مسافة كويسة مابينهم عشان الشكل يبقى حلو ودي صورة للسبويلر اللي كنت مركبة كان لونه ساعة ما أشتريته فضي :
وبما أن العربية لونها أسود يبقى عشان التناسق والشكل العام يبقى حلو وطبعاً دي أذواق أنا دهنتة أسود بقى كدة .
ودي أقرب صورة لشكل الفوجات اللي كنت مركبها ولاحظوا أنهم مش متطرفين ولا لازقين في بعض وشكلهم في منتهى الجمال الفوجات اللي جوا المستطيل الأصفر .
ودورت على النت على صورة قريبة من عربيتي ملقيتش يعني لو كنت صورتها ورفعتها كنت أتصيت هههه بس دي أقرب حاجة لقيتها جنوط وسبويلر وعتب ولكن مع الأختلاف في الأسبويلر واللون كان أسود ميتاليك كل العربية من غير أي لون تاني والجنوط كانت سيلفر مط تحفة غير اللي في الصورة ولكنها أنا جبتهالكم عشان تاخدوا فكرة عن التعديل وطبعاً فرش جلد أسود وزجاج فيميه دارك بلاك وأدفع يامعلم كل أسبوع حق تظبيط أمين الشرطة عشان يجيب الرخصة ولكن شعور أنك تكون مميز حاجة كويسة خدوا بالكم كمان أن فوانيس الأشارات الجانبية للأونو سواء اللي في الفانوس قدام أو اللي في الرفرف بيبقى لونها برتقالي مكانش لذيذ وغيرته بلون أبيض تلجي كان عامل شغل جامد وطبعاً في الصورة هو مغيرهم بردو .
ودي قريبة أوي وخدوا بالكم من شكل الأسبويلر أحلى من اللي في الأونو الزرقاء وهو قريب جداً للي كنت مركبه وأعتقد شكله حلو وهي مسألة أذواق طبعاً
كلام جميل وتعديل وهمى بصراحة
واناوى اعمله
بس التكلفة كام للعتب والفوجيات
وكمان انا عايز اخليها اسود ميتاليك بدل انها اسود مط (هحتاج ادهن تانى ولا فى كريم او حاجة اخليها ميتاليك) و برضة هيتكلف كام ؟
وبرضة الرسمة الى على الباب دى بتتعمل عند مين اوازى
وليها علاقة بالتجديد الرخصة والفحص ؟ يعنى هيعترضوا؟
بفكر اغير العدادات كلها للاونو تربو وهى برضة ديجيتال يعنى شكلها اشيك
فـ هل دا عادى؟ ولا هيعمل مشاكل وسعرها كام اصلا ؟
ولو فكرت اغير التابلوه كله هيتكلف كام برضة
وهيفرق فى قراية العدادات ؟ وشكرا جدا ليكم
كنت عاوز اشترى عوامة بنزين اونو موديل 93 عاملة كام والقيها فين