متشكر ليكم على ردودكم الجميلة - بصراحة انا نفسى اجيب اونو من كثرة كلامكم عليها بس انا حاسس انها عربية ضعيفة شوية ومش بتاعة صفر كتير ولا تحميل عالى على العربية ممكن - حاجة تانية لو قارنا بينها وبين الفليشيا انهى احسن . ممكن تفيدونى ولكم الشكر
عرض للطباعة
متشكر ليكم على ردودكم الجميلة - بصراحة انا نفسى اجيب اونو من كثرة كلامكم عليها بس انا حاسس انها عربية ضعيفة شوية ومش بتاعة صفر كتير ولا تحميل عالى على العربية ممكن - حاجة تانية لو قارنا بينها وبين الفليشيا انهى احسن . ممكن تفيدونى ولكم الشكر
اي عربية في الدنيا تنفع في السفر بس بالاصول يعني نسوق بالعقل وسوق صح يعني تمشي علي السرعة القانونية ومتحرقش عالغيارات وهتوصل بالسلامة ومش هتضر العربية اية يعني لما وانت مسافر تمشي علي سبعين تمانين ياخي دة الواحد لو مشي علي سرعة تمانين هيوصل اسكندرية في ساعتين ونص مش لازم بقي المية وعشرين والمية واربعين لو التزمت كدة يبقي سهل جدا تسافر مش بس باونو لا كمان بماروتي وم رئيي الاونو افضل قطع غيارها ارخص وسعر بيعهها كويس وفيات والناس بتطمن للفيات دة غير بعض المشاكل اللي بسمعها عن الفيليشيا وممك تتئكد من دة لو قريت بعض المواضيع في قسم الاسكودا علي فكرة انا لا عندي دي ولا دي فمش متحيز لحاجة تحيز اعمي انا بتكلم بالواقع والمنطق وشكرا
بص الفيليشيا عربية كويسة مش وحشة بس فيها عيبين زي النيلة، أولا عربية خشنة جدا تحس أنك راكب لادا، كمان عيبها السخونة، عربية بتسخن بشكل غريب و تحديدا جوا المدينة ، علي السريع بتبقي كويسة، بس طبعا هي ماتورها اقوي من الأونو
انا حاصل معايا حاجة غريبة امبارح يا شباب، امبارح لظروف طارئة كنا راكبين 6 في العربية، هي كانت ماشية و كل حاجة و زي الفل بس حسيت الفرامل ضعيفة حبتين مش عارف لية
علما بأني لسة مغير التيل الأمامي، هل دة ممكن يبقي عيب التيل الخلفي مثلا؟ ولا دة طبيعي و لا اية
لا ياعم الاربعة احتمال لكن الواحد بروبعومية ازاي
ما هو برضة مستحيل يكون الجنط الواحد بـ 100 جنية، دة الفيات العادي اغلي من كدة
لا مش اغلي ولا حاجة دة استيراد يعني انا رئيي انها بالكتير ستومية
طيب كويس يبقة احنا ننزل نسال ونعرف
بس نسال فين بقة ؟
هو انا انزل مشوار الائيكو بتتكلمو من ورايا :C_laugh[1]:هههههههه بهرج طبعا
لأ يا باشا ال 4 ب 400 و جاليليو هو اللي كان قايلي و ده في الأستيراد في بورسعيد
احب اشكر صاحب فكره نادي او منتدى لفيات اونو
انا يا جماعة عن نفسي احترمت السيارة دي جدا من بين اكتر من نوع كانوا معايا بعد ما و هي فعلا سياره عمليه و اقتصادية في الوقود و قطع الغيار و كمان الجلوس فيها مريح و السياره سحبها كويس جدا بالنسبه لحجمها و قوة محركها و العزل تبع الصوت و الحرارة جيد جدا
بس فيها عيب وحيد بالنسبة ليا بس مش عاجبني خالص في التابلوه هو لوحه العدادات لانها فقيره جدا مفيش فيها rpm و لا مقياس لدرجة الحراره و دي حاجات المفروض انها بقيت عاديه جدا في اي سيارة
و لفيت كتير علشان الاقي لوحة عدادات زي اللي بشفوهم علي النت بس مش لاقيهم في اسكندرية خالص
في ياريت يا شباب لو في حد عنده فكره الاقي اللوحه دي فين و تقريبا بكام بس يكون فعلا عارف انها موجوده ياريت يقولي مع الشكر طبعا
مساء الخير علي الجميع خلاص هانت اخيرا ورايح بكرة ابص علي اونو 93 ...علي حسب كلام صاحبها انه لسة مجدد الرخصة 3 سنيين و سنتر و كاسيت سي دي و انذار ... هو قال انه عايز فيها 27000 ولما اجي ممكن نتفاوض ... انا بكره رايح انا بس ولو عجبتني حكلم الميكانيكي ... فهل سعر العربية دة مناسب علي الموديل 93 ... وياريت لو اي حد عنده معلومة ليا يا ريت يقولها بالعلم اني لسة متعلم سواقة ودي اول عربية حشتريها ... وشكرا ليكوا وعفوا علي الاطالة
بص هوة غالبا كل اللي بييجي يبيع بيكون تقريبا الترخيص خلص او علي وشك وبعدين تيجي انت تظببطها وتديها رشة نضافة وتروح ترخخص التلت سنين دول وتغرم فالراجل يعتبر موفرلك الفين علي الاقل دة غير وجع الدماغ بتاع الرتخيص والرش فدي ميزة في حد زاتها
يا جماعة عايز نصيحة في الفتيس
الفتيس بيطلع عيني كل يوم اول ما أدور العربية بيبقي تقيل و غلس ما بين الأول و التاني و صوتة عالي جدا في الأول و التاني، يعني تقريبا التاني صوتة اعلي من المارشدير
تفضل كدة لحد ما تسخن و امشي شوية و احرق علي غيار حبتين، تبدأ تتعدل و تمشي بأدبها.
دة غير كمان انها بقت بتطلع عيني علي ما تسخن و بتاخد وقت طووووووويل موت، لدرجة اني احيانا بسيبها دايرة 10 دقايق علشان تسخن و لو ركنتها ساعتين و نزلت قعدت علي القهوة تبقي عايزة تسخن تاني
هي غير كدة مؤدبة و محترمة بس المشكلتين دول بقوا سخاف قوي و مزهقيني
همة مش مشكلتين اوي ولا حاجة هوة طبيعي ا صوت الغيار بيبقي عالي شوية ابل متسخن ولان الجو ابتدي يسققع فالعربية فعلا بتقعد حبة طويلة شوية علي متسخن وممكن تدوس بنزي كام مرة ورا بعض تسررع تسخينها ودة طبيعي جدا وكويس كمان الناس بتشتكي ان عربيتهم بتسخن مش يشتكو انها بتبرد عامة ربنا معاك وتتعود علي كدة لان الشتا لسة داخل
عاوز نصيحتى المشكلة دى حصلت معايا وسألت ميكانيكى قالى دة شىء طبيعى لازم العربية تسخن والله كانت نفس مشكلتك
المهم انا كنت بغير زيت موبيل وبعدين قولت انا هغير لشيل الأصفر ودة على اعتبار انى استخدمتة قبل كدة فى كذا عربية وغيرت كمان فلتر
تصدق حصل فرق زى ما كنت متوقع بالظبط عملية تسخين العربية لا تستغرق اكتر من دقيقتين
والعربية تبقى معاك حلاوة ودى تجربتى والله اعلى واعلم :verygood::verygood::verygood:
لو الكلام دة صح يبقي معني كدة ان زيت شيل خفيف واخف من موبيل ودي مش ميزة دة عيب
ايمن انا عايز اقولك بقي المفاجأة اني اصلا بحط شل الأصفر بقالي مرتين
هو يمكن الزيت بقالة فترة اة متغيرش و عمل بتاع 5000 كيلو، و للعلم انا كل مرة بغير فلتر زيت
سمسم كان قالي انة جرب توتال كوارتز ولاقاة كويس المرة الجاية حجربة و اشوف اية اخبارة لأني بصراحة حاسس ان الماتور صوتة اعلي مع الشل الأصفر حجرب التوتال و اقولك.
هوة عامة اكيد لو الزيت لزوجتة اقل يبقي الماتور هيسخن اسرع مش العكس
يا اعضاء رابطة الفيات اونو
من فضلكم بالوصف الممل حد يقولى ازاى اوصل للكيلانى بس بالتفصيل علشان انا مش من القاهرة
ممكن كتالوج اونو 2000
محتاجه ضرورى
السلام عليكم
اول امبارح كنت راجع من السفر على الصحراوي الغربي طريق الصعيد وفجاة الدركسيون مسك شمال وبالعفية رجعت بيه يمين ورحت راكن المهم قعدت اجيب فيه يمين وشمال بالعفية لحد ما فك شوية
قولت امشي على مهلي لحد ما اوصل القاهرة لمهم ماشي براحة وفجأة اسمع صوت تكتكة جاية من العجلة الشمال وكل شوسة التكتكة بتزيد لحد ما وصلت القاهرة وعند البيت وركنت
بعديها بشوية بدور العربية وجي طالع العربية مابتتحركش لا قدام ولا ورا واسمح صوت حشرجه
عروستي
سؤال على الماشي معدل استهلاك البنزين الكويس للونو كام كيلو فى الصفيحة (هى الصفيحة كام لتر)
وهو طقم كبالن بكام ونوعه ايه
ارجو تفسير ماحدث للعربية والاجابة على الاسئلة على وجه السرعة
اه اخوكم الغلبان:36_7_4[1]:
أعتقد أن الكوبلن فرك منك لأنك كنت جايب سرعة عالية واضح ان حالتة كان يرثي لها و انت نسيتة
معدل استهلاك الأونو في السفر اعتقد حوالي 400 كيلو في الصفيحة لو الكهربا كويسة و اسطوانة الدبرياج كويسة
بالنسبة للكبالن طقم الصيني عامل حوالي 110
الإيطالي 170 من عند الكيلاني
الألماني و هو أحسنهم 250 من عند الكيلاني برضة
مصاريف تركيبهم حوالي 50 جنية عند اي مكانيكي
بالنسبة لكاوتشة الكوبلن و دية مهمه لازم تشوف الكاوتشة اللي جاية مع الكوبلن الجديد اخبارها اية لو لاقيتها ضعيفة شوية حاول تجيب واحدة أقوي، في نوع إيطالي بتعمل الكاوتشة 5 جنية أو 7 جنية مش فاكر بس كانت كويسة و ماسكة نفسها لأن الكاوتشة اللي بتيجي مع الإيطالي ضعيفة شوية
استفسار يا شبابنا....
انا الكاوتشات عندى 13
وطبعا الثبات فى الضياع واصلا هم بايظين
فـ انا عايز اغير جنوط وكل حاجة
فـ سالت على مقاس 14 بتاع الكاوتشات قالى هياثر على العفشة وكدا
فـ لو حد مركبة يقولى اجيب مقاس كام ومدى التأثير سواء السلب او الايجاب
اولا السلام عليكم ورحمة الله وبركاته على كل اعضاء فيات والاخص الاونو
انا كنت عاوز اسلم عليكم بس مش اكتر والله وكل عام وانتم بخير
محدش يعرف يا جماعه الاكصدمين بكام و اجيبهم منين
تمام
الميكانيكي قطر العربية للورشة وفعلا لقى الكوبلن لفظ انفاسه الاخيرة واتغير والحمد لله
بس فيه حاجه حاسسها فى العربية بعد ما غيرته حاسس ان الدريكسيون وانا سايق عايز يرجع شمال على خفيف هل د علشان الكوبلن لسه جديد
طيب سؤال كمان يمكن يكون من بره المنهج
فيه واحد اشترى اونو بعقد بيع نهائي فى الشهر العقاري هل فعلا انه لازم يرخص باسمه خلال شهر من تاريخ العقد ولا ممكن يستنى لغايو ما الرخصة تخلص
سؤال كمان لكل محبي الاونو فى الاتحاد الجميل ده
انتو ليه مش عرضين صور العربيات بتاعتكو نتفرج عليها د احنا ممكن نقف جنب بعض فى اشارة واحدة وما نسلنش على بعض
مساء الخير
شوف يا باشا على حسب خبرتي المحدودة
اذا كام المشتري في عقد البيع النهائي موقع على العقد في الشهر العقاري اصبح فعلا ادامه شهر واحد بس علشان ينقل ملكية السيارة بأسمه ، اما اذا اختار ان التوقيع بتاعه و هنا اقصد المشتري انه يختار في الشهر العقاري ان توقيعه يكون امام المرور اصبح مفيش مشكلة في التاريخ بس كمان حبيت اوضحلك انه في الحاله الاولي و اذا كان عدا الشهر. العقد كمان بيكون ساري
بس حايدفع حوالي 35 % من ضريبة العربية زيادة و ذلك كغرامة يعني لأن انا حصلي نفس الموقف دا بس كمان اسئل بعدي
و ياريت يا باشا نعمل فعلا البوم لصور الانو بتاعت الاعضاء المحترمين
أنت عملت ظبط زوايا ولا لسة؟ خد بالك أن لازم بعد تغيير الكبالن تعمل ظبط زوايا بعدها علي طول
كمان بالنسبة لموضوع العقد، لا استني لحد ما الرخصة تخلص، و بعدين تروح ترخص عادي، بس يستحسن تروح قبل الرخصة ما تخلص بيومين تلاتة علشان متحتاجش ترجع مرور العربية تجيب منها شهادة بيانات، كمان خلي معاك صورة دايما من العقد في العربية علشان لو ظابط غلس قالك اثبتلي انها عربيتك
بس يا سيدي