الموضوع: اتحاد مالكي الفيات اونو

المشاركة الأصلية كتبت بواسطة Nermeen Magdy

ارجو المساعده انا عربتى فيات اونو 2000 هاف انجكشن
بتيجى وانا ماشيه مره واحده تفصل ومدورش غير لما ادوس على البنزين وبعد كده تمشى كويس وشويه وتفصل ثانى وممكن اعقد يومين مثلا ماشيه بيها ومتفصلش هى ومذجها
غيرت طلمبه البنزين وغيرت الموبينه ونظفت انجكشن وبرضه مفيش فائده روحت كشف عليها بالكمبيوتر قالى ان الحساسات شغاله فى ميكانيكى قالى انه حساس البوابه المشكله ان حساسات العربيه مش موجوده فى السوق وكمان انا خايفه اغيره ويطلع برضه مش هو العيب ، العيب ده بقاله كثير قوى بتاع حوالى سنه ومفيش ميكانيكى عارف يوصل للعيب فى ميكانيكى قالى روحى للميكانيكى متخصص فيات
والجديد كمان ان البوجهات بيجى عليها بنزين الميكانيكى قالى علشان الانجكشن مش مضبوط وقالى غيرى اسلاك البوجهات محتاجه حد يعرف ميكانيكى كويس متخصص بضبط العربيه علشان انا خلاص تعبت

من الكلام ان البنزين عندك مش بيتحرق مضبوط واكيد العربية بتاكل بنزين بزيادة والمشكلة دي سببها حساس من 2 ياما حساس بوابة الهواء او حساس الشكمان وفي الاغلب حساس الشكممان وممكن يجو استيراد واسال عن قطع غيار البونتو ال 1100 بتركب في عربيتك موديل من 93 لي 99

المشاركة الأصلية كتبت بواسطة نور 76

السلام عليكم

انا جبت اشتريت اونو موديل 94 ووديتها عند صديق لينا الدويقه غير المقصات وركبوا مساعدين جديدة عشان القديمة كانت تعبانه و صاحبها القديم الله يسامحوا كان مركب فرش اللى هوا السجاد وطلع الفرش اللى الاصل مقطع وبايظ وفرش الارضيه كمان والكاسيت بايظ ومش شغال المهم الصالون بتاعها مش حلو قوى لكن اللى تعبنى فيها ان اول ما ادور تفصل منى رغم انى بسخنها وكمان حاسه انها بتجرى جامد وخايفه منها وكمان صوتها بحس انه عالى ورحت للمكانيكى قالى هيا كويسه بس بتشرق وانا مش فاهمه وطبعا انتوا فاهمين بقا حجم الاستغلال لما تكون مش فاهم حد يقولى ايه اللىى بيحصل ويعنى ايه بتشرق وكمان العادى لما اكون ممونه تبقا فى ريحه بنزين ؟
كمان عاوزكم بافكاركم وخبراتكم تقولولى اعمل ايه لتجميل وتجديد شكلها من جوة لانها من بره مرشوشه جديد ولونها جميل وربنا يكرمكم جميعا

الي بيعمل الشرقة دي لو والعربية واقفة بس بيبقة بيك السلانسية الكهرباء بتاعها مش شغال ياقاطع كهربا او مسدود لو غير كده اشرح بالتفصيل عشان اقدر احددلك العيب فين
بالنسبة للصالون افضل الارضية تيجي استيراد من عزبة شلبي والكراسي يتعاد تنجيدها عند منجد سيارات

المشاركة الأصلية كتبت بواسطة major ramy

السلام عليكم ورحمة وبركاتوة كل المتواجدين

ارجو الافادة انا لسة شارى عربية اونو 93 بس المكنة خفيفة ما هوة الحل ؟؟؟؟ هل هية محتاجة عمرة ولا طقم شنبر ارجو الافادة انا محتار جداااااا ويوجد ايضا فى تحت الدواسة اليمين فى خربتة فيها كدة الى قاعد يحس بيها اعمل ايةةةة؟؟؟؟؟؟؟؟؟ وشكراااا

العربية اصلا فبريكة برة وجوة ايطالى اصلى بتاعة معوقين بس فيها العيوب دة هل تسوى سعر كام من وجهة نظرك فى السوق انا اسف جدااا على الاطالة

المكنة الخفيفة افضل تسيه لحد متخلص خالص وتجبها استيراد لان لو معاقين هتبقا 1500 والموتور ده حاجتو ناقصة شوية وغالية
ما المقصود بخربتة؟
لو تقصد خبط مع المطبات دي في الاغلب بارة مقص لو مش بتحسها في الدكسيون

المشاركة الأصلية كتبت بواسطة نور 76

الحمد لله انا الاسبوع اللى فات عند ملف العربية جريت منى وطلعت الرصيف الحمد لله المه بقا انى لما جبت مكانيكى سحبها لورشته قالى ان الفتيس اتكسر ومينفعش يتلحم وكمان كوبلن المهم طبعا كنت ها اجيب الفتيس من كيلاننى او استراد هو قال لا انا عند واحد صحبى واحد فى الحرفين وتبت وجابوا المهم اخر الليلة دى حا سبنى على 1100 جنيه وكان عاوز يكمل حاجه هو بس انا حسيت انه بيضحك وبيعمل شغل كل حاجة يكبرها وتحس ان الدنيا سوداء المهم بعد ما ركبها اخدتها لورشه سمكرة عشان يرد اللى باظ و من ترحيلات الراجل قالى ها اخد 350 جنيه ها يلحم الاكصدام البلاستيك ويركب الوانيس الامامية بعد ما اشتريتهم انا عارفه ان الناس عملت شغل كويس عليا لانى مش فاهمة وعاوزة نصايحكم وكمان الفتيس القديم انا قلت للمكانيكى انى عاوزة لانى مضايقه منه بالاخص ان السمكرى والمكانيكى التانى عرفنى انه فعلا عمل عليا شغل وخلانى اشترى فتيس مع انه كان ممكن يتلحم وقالى اجيب الفتيس القديم وهو ها يخدوا منى المهم اديهوله بكام ولا ايه الحل فيه بصراحه مش عاوزة اسيبه للراجل ده احسن يصلحوا ويركبه لحد وبرضه مش عارفه اعمل بيه ايه الراجاء الرد

مبدئيا كل الاسعار الي بتقولها عالية والفتيس مش بيتلحم ممكن تركنو عندك في البيت تستعملو قدام قطع غيار

المشاركة الأصلية كتبت بواسطة nuclearmisslle

السلام عليكم ورحمة الله وبركاته
مبدئيا أنا للأسف لسة جديد في موضوع العربيات لأني اشتريت العربية لسة من شهرين بالظبط
المهم العربية كانت ماشية تمام وكل الميكانيكية و الكهربائيين شكرولي فيها وان صاحبها كان محافظ عليها وانا حسيت بكده فعلا .... بس فوجئت بمشكلة حصلتلي بعد شهر من الإستخدام وهي إن العربية بطلت مني مرة واحدة وانا كنت ماشي على الطريق الدولي بس من غير ما تنتش أو ترجرج ، هي بطلت و فضلت ماشية بقوة الدفع الذاتي ولاقيت العدادات وقعت .... المهم ركنت على جنب وجيت أدور تاني فلاقيت ان صوت الكونتاك عادي خالص مفهوش أي مشاكل (يعني مش مشكلة كهربا) بس العربية مش بتلقط .. المهم فضلت واقف على الطريق حاجة بتاع ربع ساعة كده بعدين جيت اجرب تاني لاقيت العربية دارت فقولت بركة يا جامع و للأسف بسبب اهمالي طنشت ولا كأن حاجة حصلت وفضلت ماشية معايا العربية زي الفل لحد أنهاردة .. وانا في نص الطريق ومروح البيت وكنت ماشي براحة لاقيت العربية عملت نفس الحركة تااااااني وبرضه فضلت ادور الاقي صوت الكونتاك عادي مفهوش اي مشكلة بس العربية مش بتقوم .. فكلمت الميكانيكي قالي سيبها شوية حتلاقيها دارت وانت المشكلة عندك مشكلة طلمبة بنزين محتاجة تتغير.... بس حسيته مش واثق في كلامه كده فحبيت طبعا ارجع للسادة خبراء الفيات لعل حد حصل معاه الموقف ده و عرف يحله ... أرجو الإفادة و جزاكم الله خيرا

دي عيب مشط الاسبراتير الكهرباءهيفضل يعمل كده لحد ميقطع مرة ميشتغلش تاني

المشاركة الأصلية كتبت بواسطة le voleur

السلام عليكم تحيه جميله لكل الموجودين
كان عندى استفسار و خصوصا الاستاذ nfs 7 انا عربيتى اونو 91 1100 سى سى انا عارف ان الموتور ده نادر فى مصر و مش موجود غالبا الا فى الانو الاستيراد و خصوصا الى كانت جايه موعاقين فكنت عايز اعرف ايه الفرق الي بينه و بين 1000 سى سى و اهم شىء ينفع يركب عليه تكييف و لا لاء بدون ما يضيع الماكنه او يعمل مشكله سخونه و عايز اعرف ده انهى موتور لان لما بدخل على ويكيبديا بلاقى 3 مواتير 1100 نزلوا للاونو 2 منهم من سنه 89 الى 92 و 93 فا انا مش قادر اعرف و ياريت استفسار التكييف ده بالزات و اسعاره كام و انى اكون ماشى فى السليم و سعات لما اقرص على العربيه اشم ريحت شياط و بعد كده تروح
و اسف على التطويل و ارجوا الاستفاده منكم
و معلش لما بكسر الدريكسيون على الاخر يمين الكوبلن بيحك و و يزرجن و يكبح العربيه علما انى مغير كبالم و كواتش الكبالن و الشحم تمام
و شكرا مره اخرى و فى انتظار الرد

الاونو معاقين 1500 بس مش 1100
ومتور الاونو ال 1100 هوا نفس ال 1000 بالتمام في قطع غيارو كمان عدا البساتم اكبر شوية
ويركب علية تكيف عادي ولازم تراعي تغير الريدياتير ببتاع المكيف وتجيب مروحة تمبرا الصغيرة لزيادة قوة تبريد الموتور ولو عندك مصفحة سفلية لازم تتشال والا هتسخن في الزحمة
ريحة الشياط الي بتشمها لما تقرص معناها ان الموتور ده متقرصش علية قبل كدة وبيفتح

المشاركة الأصلية كتبت بواسطة ahmed_zimo

كل سنة واعضاء الرابطة كلهم بالف صحة وسلامة
واخص بالذكر nfs7

ليا استفسار صغير انا عمل حادثة علي الدائري
والمساعد الشمال حجر ياعني بقي ناشف اوي
اية رايكم بفكر اجيب استيراد بس خايف وناس قالولي هات صيني شغال بس برضة مقلق
وفي ناس قاليلي ابعد عن المانورو عشان ناشف وعربتك خفيفة وهات kyb زيت بس
فيا تري تنصحوني باية وياريت لو حد عندو معرفة بالاسعار والاماكن
اسف علي الاطالة

اعذرني للتاخير في الرد انا حاليا مسافر برة مصر ودخولي النت عموما قليل
انضف مساعدين في السوق وبالذات لو بتجؤي المونرو ونصيحة متجبش غير المونرو
ولو محتاج مني استفسار سريح ابعتلي على ايميلي هرد عليك ان شاء الله انت او اي حد من الاعضاء محتاجة برضو
ايميلي ahmed_fura@hotmail.com

أنا محمد رجب ضمن رابطة الأونو من 4 سنين من حبى فى هذه السياره مدوب اتنين واحد كانت 98 حمرا جنوط أسبور وبيعتها من8 شهور ب 26 ألف وندمت عليها شويه ودلوقتى معايا واحده زرقاء ميتالك عايزه وش نضافه فقط من الخارج وتور ماشاء الله رحت أظبط تاكيهات وميكانيكا وكاربيراتير وأشتريت طقم كهربا كامل جديد وأصلى السياره معايا ماشاء الله من كله حاجه فقط زى ما قولت وش نضافه فقط أنا لسه شاريها ب 25000 ودلوقتى بإسمى ورخصتها سنه عايز اعرف تعمل كام لو اعطيتها وش النضافه ده ولو ما أعطتهاش وحبيت ابيعها على كده مع العلم مصروف عليها ألف ج بتجديد الرخصه