الموضوع: اتحاد مالكي الفيات اونو

المشاركة الأصلية كتبت بواسطة le voleur

الله ينور عليك يا باشا انا لما بكون جايب على الرابع 100 بيكون معلم على 3 او 3 و كام شرطه كده و لما العربيه بتكون على السلانسيه بيكون معلم 1 او وشرطه كمان و فى زرار ورا فى rpm تبدل ما بين 4 و 6 و 8 و مش مكتوب عنو حاجه فى المانيول بتاعو فا شكيت انو يكون بيحدد السلندر لانى لما بعملو عى 6 بعلم علسلانسيه 8 شرط قبل 1 و لو على 8 بيبقى 5 شرط و طبع بيرتفع كل مدوس بنزين ابطىء و فى حاجه تانيه بما ان الشبكه عندى مكسوره فا شوفت فى صور على النت شبه الى هى كانت بتنزل فى الفاير بره فى التسعينات اللى كانت بتتصنع فى البرازيل و الارجنتين شكلها حلو مفيهاش شريط فى النص مجرد اطار و اللى فى النص شبكه سوده فا مش عارف دى نلقيها ولا ايه و انا عايز اركب الكنصوله الكامله فا دى ممكن تعملها حوالى كام ؟؟؟؟ عشان فى واحد قلى 160 ج و انا شفتها بعينى عندو ايه رأيك و انا بفكر ان شاء الله اركب تكييف فى الصيف بس مش عارف الموتور بتاع الاونو ال 1100 زى اللى عندك بتاع البونتو و لا ده ميستحملش و ربنا يباركلك انا مش بحسد ما شاء الله عليك و على عربيتك و ربنا يكفينا شر الطريق و صباحو فل يا باشا

اسعار الكونسولة انا مش هفتيلك فيها لان انا عربيتي نازلة بيها زي او صورة كده والصورة دي لاونو بولندي
الشبكة الي عاملة زي الفريم دي بتتعدل عند حد بتاع فبر مش بتتباع فاعمل المكسورة بتاعتك كده احسن
انا الموتور الي عندي ده برضو موتور بونتو ومركب عليه تكيف عادي وكويس الحمد لله
اما ال rpm اعتقد كده انو مش مضبوط انا النهاردة ركزتلك مع الي عندي الرابع جاب 140 وال rpm كان على قبل 6 بشرطتين

المشاركة الأصلية كتبت بواسطة kingsun

تشكر جدا يأخ nfs7 اهتمامك بالرد وزوقك وما تحرمناش دايما من خبراتك ونصائحك وجزاك الله كل خير.
بالنسبة لموضوع مية الريادتير بتنقص بس بسيط مش كمية كبيرة والمروحة شغالة تمام.
بس فى حاجة بلاقى صدى فى جنب الريادتير عكس ناحية المية.

موضوع الصدا ده تقصد الناحية اليمين الي مفهاش غطاء مية؟ لو كده الريدياتير ده يتغير فورا الجديد صيني بي 200 جنية وكويس بس تجيب بتاع الاونو المكيف متجبش الصغير بيكون عرضو حوالي 42 سم

المشاركة الأصلية كتبت بواسطة kingsun

سلام عليكم
الاخوة الاونوويا ياريت با جماعة حد يقلنا على مكان كويس ومضمون
لشراء قطع غيار جيدة الصنع غير الصينى طبعا وكلنا عارفين ليييييييييييه
ومتشكرين اوى يا جماعة

مفيش حد مبيبعش صيني انضف 2 اعرفهم بس اسعارهم عالية شوية الشيخ علي في اول دمشق والسجان قدام بنزينة التعاون شارع دمشق
الاهم انك متشتريش على الكلام وبس لما يتقال دي تركي لازم المنتج نفسو يكون مكتوب علية ميد ان تركي وهكذا

المشاركة الأصلية كتبت بواسطة pop man

مساء الجمال على احلى اعضاء
نويت والحمدلله بعد ماتعب من كتر البحث والمقارنات وبعد ما سوقت بعض العربيات اللى كنت بقارن بينهم انى استقر والحمد لله على فيات أونو
عجبنى فى العربيه دى حاجات كتير اووووووووووووى
المهم انا ليا سؤلين مهمين سيتوقف عليهم انى اقرر اشترى او اصرف نظر

1 _ قطع الغيار ثم قطع الغيار ثم قطع الغيار موجوده وبكثره ولا لأ والاكسسوار بتاعة العربيه موجوده واقدر اجيبها من اى حد بيشتغل فى الفيات ولا هدوخ؟؟ وسعرها معقوله ورخيصه ولا عاليه بالنسبه لفئه العربيه لأن فى موضوع مكتوب كان قبل كده بيقول ان قطع غيارها نادره وغاليه انا بتلكم عن موديلات من 90 الى 2000

2 _ انا ساكن فى منطقه شعبيه ما يعلم بيها الا ربنا كلها تكسير ومطبات عشوائيه وزلط وتكسير فى الشوارع فهل عفشه الاونو هياكل معاها الكلام ده ؟؟!!

شكرأ مقدمأ لأسره المنتدى الراقى ده ولكل أعضائه وكل سنه وانتم طيبيين

الاونو عربية اقتصادية وحلوة وقطع غيارها متوفرة كلها يعيبها عمرتها غالية شوية عشان كدة كل الاونو بيسيب المكنة تتعب خالص ويحط واحدة استيراد انضف وارخص بكتير
الانجكشن منها هوا الي فيه حجات ناقصة شوية زي الحساسات بتاعتو غالية ونادرة والانجكشن ده موديلات 2000 لي 2002 وانصحك ابعد عنهم لان مش اي حد بيفهم فيهم ومشاكلهم مكلفة
بالنسبة لحمل العفشة في المطبات طبعا لازم تمشي براحتك ومش بس الاونو اي عربية هتكون نفس الوضع هتصونها تصونك هتهنها هتهينك مصاريف