اتحاد مالكي الفيات اونو

**mohamed shawky** · 05-04-2015 12:11 PM

صباح الفل على الأونووية (ملاك الاونو)
احكيلكم على تجربة صغيرة كده
من فترة صغيرة بدأت اسمع صوت تزييق في العفشة ورا يمين
والدريكسيون احيانا بيكون خفيف واحيانا بيكون تقيل
رحت لعفشجي كشفت قالي العفشة سليمة
ونصحني اغسل العربية من تحت بالجاز
طبعا الغسيل بالجاز هيلم تراب ويعمل طين وبلاوي في العربية من تحت
المهم رحت بنزينة كالتكس اللي في عباس العقاد (توتال حاليا)
ربطت العفشة تمام وغسلت العفشة من تحت بإسبراي تنظيف بيركبوه في كمبريسور
وبعدها غسلت العرببة كلها غسلة تمام التمام جوه وبره وفوق وتحت
وغسلت الحوض بالبخار (وده اول مره اعمله ) بس ميزته مش بيعمل مشاكل في الكهرباء
المهم .. العفشة فاقت تماما والدريكسيون بقى اخر حلاوة
بس اتدبست في 200 جنيه ...

**Job.Ehab** · 08-04-2015 03:06 PM

المشاركة الأصلية كتبت بواسطة mohamed shawky

صباح الفل على الأونووية (ملاك الاونو):b4_048:
احكيلكم على تجربة صغيرة كده
من فترة صغيرة بدأت اسمع صوت تزييق في العفشة ورا يمين
والدريكسيون احيانا بيكون خفيف واحيانا بيكون تقيل
رحت لعفشجي كشفت قالي العفشة سليمة
ونصحني اغسل العربية من تحت بالجاز
طبعا الغسيل بالجاز هيلم تراب ويعمل طين وبلاوي في العربية من تحت
المهم رحت بنزينة كالتكس اللي في عباس العقاد (توتال حاليا)
ربطت العفشة تمام وغسلت العفشة من تحت بإسبراي تنظيف بيركبوه في كمبريسور
وبعدها غسلت العرببة كلها غسلة تمام التمام جوه وبره وفوق وتحت

وغسلت الحوض بالبخار (وده اول مره اعمله ) بس ميزته مش بيعمل مشاكل في الكهرباء
المهم .. العفشة فاقت تماما والدريكسيون بقى اخر حلاوة
بس اتدبست في 200 جنيه ... :_alshmokh08[1]:

انا عندى حل أرخص من الحوارات دى كلها بص ياباشا:
انت حتروح لأى بنزينة مصر للبترول وحتشترى كيلو زيت بــ 15 جنيه وتقوم رايح على أى بنزينه او فى نفس البنزينه تقوله عاوز اغسل العربيه من تحت حيقوم رافع العربيه على الونش وغاسلها من تحت بالمياه كويس قووووووووووووى وبعدين بعد ما يغسل بالمياه يقوم بالكومبريسور الهواء يرش العربيه بالزيت النضيف اللى انت شاريه على العفشه كلها بتاعة العربيه وبس كده وحتلاقى الحوار ده كلو مش حيكمل الــ 30 جنيه بالمراضيه بتاعة الراجل كمان :-)

**Job.Ehab** · 08-04-2015 03:11 PM

المشاركة الأصلية كتبت بواسطة ksm3445

عندى عداد البنزين بيقرا زيادة حوالى 10 لتر زيادة .... اي الحل

خالى الكهربائى يكشفلك على العوامه بتاعة تتك البنزين وبالمره طالما فكيت بقا يكشفلك على طلمبة البنزين بالمره عشان لو فيها حاجه بايظه تتعمل بالمره

**Job.Ehab** · 08-04-2015 03:25 PM

المشاركة الأصلية كتبت بواسطة ksm3445

انا عندى اونو موديل 90 .... العربية بتقطع مني ....وبعد كده بتقف ومع تكرار المحاولة لتشغيلها بدور بس بعد وقت 5 دقائق تقريبا من المحاولة ومش عارف اي السبب ... هل العربية بتشرق ولا عيب مشط كهربة .. ياريت تفدونى

خالى الميكانيكى يزودلك كهربة العربيه سنه بسيطه وشوف فى فرق ولا لأ لو لاحظت فرق احسن يبقا زودها تانى لحد ما تتزبط معاك ده لو هى ماتزبطتش من اول زواده فى الكهربه

وابقى زود الكاربراتير سنه بسيطه بردو

**ksm3445** · 09-04-2015 07:19 PM

عاوز اجيب سلك فرامل يد للأونو عاوز اعرف منين اجيبه وبكام سعره .....

**ahmadcrespo** · 10-04-2015 10:44 PM

المشاركة الأصلية كتبت بواسطة adel90

متابع و نفس الوضع زيك بالظبط ..ماعنديش خبرة فى الصيانة بدور على أونو كويسة ماتتعبنيشو يستحسن تكون أوتوماتيك .. أسعارها كام و ايه احسن موديل و ايه اللى اتأكد منه و اخد بالى كويس و انا بشترى
ياريت وحوش الأونو يفيدونا

السلام عليكم جميعا
احسن موديلات اونو من 1990 الي 1993 عشان اد اخر التقفيل الايطالي
بعد كدا بولندي وغيره
مفيش اونو اوتوماتيك
السعر حسب الحاله ولو حاله حلوه بتعمل في حدود 26 ل 28
اهم حاجه تدور عليها انك تتاكد من اساسيات العربيه ومتكونش عامله حادثه
اي حاجه بعد كده امرها سهل
ربنا يوفقكوا للي فيه الخير انشالله

**ahmadcrespo** · 10-04-2015 10:55 PM

المشاركة الأصلية كتبت بواسطة ksm3445

انا عندى اونو موديل 90 .... العربية بتقطع مني ....وبعد كده بتقف ومع تكرار المحاولة لتشغيلها بعد كده بدور بس بعد وقت 5 دقائق تقريبا من المحاولة ومش عارف اي السبب ... هل العربية بتشرق ولا عيب مشط كهربة .. ياريت تفدونى

بتقطع يبقي بوجيهات او مشط
لما بتبطل وتدور بعد 5 دقايق دا غالبا مشط

**ahmadcrespo** · 10-04-2015 10:58 PM

المشاركة الأصلية كتبت بواسطة ksm3445

عاوز اجيب سلك فرامل يد للأونو عاوز اعرف منين اجيبه وبكام سعره .....

اسال الكيلاني في وسط البلد

**ahmadcrespo** · 10-04-2015 11:01 PM

المشاركة الأصلية كتبت بواسطة mah. Shehata

دى اول مشاركة ليا وحابب اشكر المؤسسين والقائمين على الموضوع
وسبب المشاركة الاساسى انى محتاج حد يجاوبنى على سؤال مهم قبل ما اشترى الاونو عشان انا ناوى خلاص
هل فى فرق بين العربيات الايطالى (لحد 1994) او البولندى..... وهل فى برازيلى كمان ولا اه
.
.
عشان بصراحة قلقان انى اجيب موديل قديم فى اوائل التسعينات يحصل ويحدد بعد كدة سنين للترخيص وخايف يكون فى مشكلة فى البولندى او الايطالى يكون افضل رغم القدم
..
ولو فى نصيحة لاخوكم وهو نازل يشترى عشان مش يلبس فى حيطة بالنسبة الاول عربية

بص يا باشا
1994 ناس بتقول ايطالي وناس بتقول بولندي فانا ريحت نفسي وجبت 1993
باختصار يا باشا هات الايطالي وانت مغمض وعن تجربه
لو 1994 ايطالي هاته ... لو مش ايطالي هات 1993

**ksm3445** · 11-04-2015 02:18 PM

انا عندى اونو موديل 90 ... كنت بسافر بيه كانت تمام .. بس في اخر مشوار سفر كنت ماشى على 120 ك وفجاة لاقيت لمبة الحرارة نورت روحت هديت وركنت العربية على جنب ... ونزلت ببص على المياه لاقتها زي ما هي ... وقفت شوية وبعد كده مشيت بس فضلت ماشى على اقصى سرعة 100 ك لحد ما اليوم عدى وما نورتش تانى ... ده ياترى عيب اي واعمل ايه علشان ما يتكررشى