لو معاك من 80 الى 85 تشترى نيو اكسنت و لا بولو سيدان

**lolly136** · 23-01-2009 12:32 PM

بس بردو واضح إن فولكس أغلى

**mo7a_mo7a** · 23-01-2009 01:29 PM

اكيد الفولكس اغلي
وقطع غيارها اقل توافرا
دي معليهاش خلاف تقريبا
لكن امكانات العربية وعوامل الامان فيها مغرية
والسؤال هنا هل قطع غيار الاكسنت عتعيس زي البولو
والاجابة طبعا لا
وحكاية الصيانة الدورية اللي بيلزموك بيها في التوكيل دي جر فلوس بس ملهاش دعوة باحتياجات السيارة الفعلية.

وهنا نقدر نقول ان علي المدي الطويل البولو حتوفر في قطع الغيار وخصوصا لو بعد فترة الضمان او لو انت قرت تطنش الضمان من الاول في مسالة الصيانة

انما الاكسنت حتكون اريح في الصيانة لكنها اكثر تكلفة علي المدي البعيد

فعلا اختيار صعب
لكني لازلت افضل البولو

**ezzatfox** · 23-01-2009 02:20 PM

المشاركة الأصلية كتبت بواسطة amm70

هي البولو سيدان فيها اوتوماتيك ؟ ولا مانيوال بس
علشان المقارنه تبقي سليمه

مانيوال فقط

**kareem_Ashmawy** · 23-01-2009 02:29 PM

حضرتك لو باصص للعربية من ناحية الاداء على الطريق
و الامان و الجودة
يبقى البوبو طبعا دون نقاش
اما لو مش فارق معاك اوى الاداء و الامان و الجودة
و بتهتم اكتر بتوافر قطع الغيار و سهولة الصيانة و اعادة البيع
يبقى خليك فى النيو اكسنت
يستحسن كمان تسأل فى محلات قطع غيار الفولكس
عن اسعار مكونات العفشة و الطنابير و تيل الفرامل و السيور
دى الحاجات اللى هتحتاجها فى اول 60 الى 70 الف كيلو
و قارن مع الاكسنت
.
.
رأيى الشخصى البحت
بولو طبعاااااااااااااااااااااا ااااااااااااااا
لأن العربية بالنسبة ليا مش وسيلة مواصلات
دى استمتاع اولا و ثانيا و ثالثا و رابعا
و خامسا بقى وسيلة مواصلات

**شريف** · 23-01-2009 04:06 PM

بولو طبعاااااااااااااااااااااا ااااااااااااااا

**Ahmed Anwer** · 23-01-2009 04:37 PM

بص حضرتك من الآخر اللي بيشتري فولكس

بيشتريها عشان هيا فولكس بدون اي نظر للتوكيل

ميزة فولكس القويه ان ليها مراكز خدمة متخصصه في فولكس جروب عموما بره التوكيلات و ده اللي مديها استمرارية في السوق المصري مش التوكيل اطلاقا

دول بقه تروح تسألهم مدي توافر و سهولة صيانة العربية دي

غالبا علي ما اعتقد هتكون نفس موتور الابيزا و البولو و الكوردوبا و الفابيا 1400 سي سي

بس المشكله في قطع الغيار الخارجية صاج و فوانيس و كده لان العربية لسه جديدة تماما

بالمناسبة العربية انتاج و تصميم صيني

بمعني ان مفيش بولو سيدان غير للسوق الصيني و مصممه و معدله بواسطة فرع فولكس في الصين

ملحوظة فولكس شركة السيارات الأولي في الصين ( بتبيع عربيات في الصين اكتر من اللي بتبيعها في المانيا نفسها )

لكن للامانة هما نجحوا جدا في تصميميها و العربية شكلها فخم تحسها باسات صغيرة و قفل و فتح الابواب و التقفيل و كل شئ تشعر فيه بروح فولكس

باستثناء التابلوه بلاستيك و ده عادي جدا في الفئة دي

بس في النهايو احب اقولك ان دايما العربيات الفولكس الاقتصادية برازيلي -صيني ،، بتلاقي فشل في مصر زي البوينتر -الباراتي - السوران

و مش عارف ايه السبب

يمكن لان قطع غيارها بتكون في اسعار قطع غيار الالماني

**adelnafei** · 23-01-2009 04:39 PM

انا كنت فى المعرض وشوفت البولو وعجبتنى جدا جداواذلك انا ارشح البولو نظرا لامكانتها المتعدده و التى تتفوق بها على الاكسنت مثل abs ebd واستهلاك البنزين 5 لتر لكل 100 كم بالاضافه الى عدد 2 ايرباج ودى صور ليها