الموضوع: اعلان الحرب علي شركة المصرية ومعارضها في المحافظات

المشاركة الأصلية كتبت بواسطة ahmed el-sawy

اخى الكريم انا لما كتبت الموضوع ذكرت انى كنت اعمل فى المصرية من 12/3/2008 الى 12/5/2008 فرع المنصورة

اولا شكرا علي ردك
ثانيا احب اوضح انك كنت اول من كتب بخصوص المصرية ومعارضها هنا في المنتدي ثم تلاك الكتاب اللي ذكرتهم بشهور وهو امر فات علي توضيحه في راس الموضوع

ثانيا حضرتك كتبت الموضوع اثناء تواجدك في العمل وبالتحديد يوم 26-4-2008 وده رغم انه بيحطك في تساؤل اخلاقي الا انه بيرفع عنك شبه التشهير بالشركة من اجل الانتقام بعد تركك للعمل.

واعتقد انك لو شوفت الموضوع هتلاقينى كاتب اسم السمكرى الى كنت بوديلوه العربيات وهوه عارف انها من المصرية لان المسئول فى المعرض هو الى بيرسلنى اليه
وانا مش هقولك انى مش مسئول بس انا مش كنت ببيع سيارات انا كنت مسئول عن الخزانة لمدة شهر وبعدين نزلت مسكت مدير الحركة اى بستلم العربيات وبسلمها للعميل واشرحلو كمالياتها

طبعا شفت الموضوع وقريته كويس جدا
لكن حضرتك ذكرت ان شغل الخزنة في نصب وشغل الحركة في تدليس وغش
انا لست هنا لمحاكمتك او مهاجمتك سواء انت او الاعضاء اصحاب المواضيع المشابهه انما لمحاولة التنبيه علي ضرورة الاستناد الي دليل

اما بخصوص ارقام شاسيه للاسف انا فعلا فكرت فيها بعد ماكنت مشيت من الشغل ومعدش ينفع اجيبها طبعا
وانا مش بفترى على حد ولو تحب هقولك اسم المدير محمود الديب وهو من شبين الكوم اساسا
واسم النائب بتاعه احمد النجار من المحلة
وهشام من المنصورة وهشام ده الى كان عارف السمكرى والسمكرى فى شارع مستشفى الصدر بالمنصورة اسموه احمد عزب
وانا عن نفسى وصلتلوه عربية تويوتا كورولا 2008 فاضيه حمرا كانت مخبوطه فى القايايم الى فوق الباب الى ورق السواق ورد الخبطه ورشها وهو فنان بصراحة وعلى فكره اخى الكريم العربيه كان فى واحد حجزه
ولما وصلت محدش شاف الخبطه
لكن الى مشترى شاف الخبطه ومرداش يخدها واخد جيتا كامله مكانه وهو شيخ
وربنا الى كرمه
وكان فى سبرانزا مخبوطه فى الباب والراجل استلمها بليل ومش انا الى سلمتوه الحمد الله
لما شاف الخبطه تانى يوم رجع زعق ومعملش حاجه
بعدها باسبع هشام ده اخد منه العربيه واجب وخلانى اوديها لاحمد عزب ده صلحتها ب 300 جنيه
ده الى كان على ايدى
وكان مبعودلنا هيونداى ماتريكس بيضاء ضالع عينها كل حاجه بايظه
والكابوت متخربا نوؤر وكانت مرميه جانب المعرض بس معرفش بالامانه عكلوه فيها ايه
والمعرض فى شارع سعد زغلول بالمنصورة بعد اامن دولة

كده احنا علي الطريق الصح وهذا ما كنا نبغ
الدليل ... وده اللي طالبت بيه في بداية الموضوع ورغم انه لا يعفيك من المسؤلية الا ان كشف الامور يشفع لك
الان كلام حضرتك يستحق التقدير والاحترام والتصديق
بما انك قدت الينا اسماء واحداث بعينها

وبعدين اخى انا مش مستفاد حاجة انى اكذب واتهم المصرية
انا بنصح انته متقبل نصيحتى على عينى وعلى راسى مش متقبله براحتك
مش انا الى هخسر
انا الحمد الله

نصيحتك علي عينا وراسنا وبكل تاكيد ردك يحترم جدا ويشرفنا
ويا ريت نستعين بيك في مناقشة الموضوع
والسؤال الاخير
هل الكلام ده بيحصل في المصرية بس؟؟
موضوعات زي دي لاتثير لديك الشك؟؟
هل توافق علي التشهير باي كان بلا دليل؟؟

خالص تحياتي وتقديري