الموضوع: صور سايبا برايد الجديده وموقف غريب جدا فى جناح الشركه

اولا انا بشكر ahmed_wbt على موضوعه والصور الى انا الى عندى العربيه معرفتش اصورها بالجوده والكفاءه والتفاصيل دى ثانيا/انا مع ان كل واحد وله ذوقه ومتطلباته فى السياره ولكن بنظره موضعيه من ناتج انى من مالكى هذه السياره اجزم انها جيده جدا الى الان بعد حوالى 10 ايام ممكن رائى ده علشان كان معايه 128 وعامل مقارنه بس للامانه انا العربيه عجبانى جدا وممكن تتابعو ملاحظاتى عليها حتى مع الضمان والصيانه على الرابط ده http://www.nilemotors.net/Nile/showthread.php?t=54953

الف شكر على المجهود والصور
بارك الله فيك

المشاركة الأصلية كتبت بواسطة tawfic

اولا انا بشكر ahmed_wbt على موضوعه والصور الى انا الى عندى العربيه معرفتش اصورها بالجوده والكفاءه والتفاصيل دى ثانيا/انا مع ان كل واحد وله ذوقه ومتطلباته فى السياره ولكن بنظره موضعيه من ناتج انى من مالكى هذه السياره اجزم انها جيده جدا الى الان بعد حوالى 10 ايام ممكن رائى ده علشان كان معايه 128 وعامل مقارنه بس للامانه انا العربيه عجبانى جدا وممكن تتابعو ملاحظاتى عليها حتى مع الضمان والصيانه على الرابط ده http://www.nilemotors.net/Nile/showthread.php?t=54953

شكرا جزيلا يا اخ توفيق على ردك

العربيه بالتأكيد لها تاريخ مشرف فى مصر ومن التسعينات حتى الان ومشاكلها المعروفه قليله جدا جدا ومفيش حد معاه ومتضايق منها بالعكس محبوبه جدا

وان شاء الله الجديده تكون كذلك انا بس كنت بوضح نقطه ضعفها الرئيسيه الا وهى قله الجوده

ربنا يبارك لك ويحفظهالك وتعيش معاك العمر كله ان شاء الله بس تكون ركبت حاجه احسن

المشاركة الأصلية كتبت بواسطة zeyad1810

الف شكر على المجهود والصور
بارك الله فيك

العفو يا زياد وشكرا جزيلا على الدعوه الجميله

أنا شفت العربية في المعرض و فعلا ماعجبتنيش خالص
جيت افتح الشنطة عشان أتفرج عليها , بعد كده جيت أقفلها مارديتش تقفل
قعدت أحاول كذا مرة و برضه مفيش فايده , بصيت على الكالون ملقيتش فيه مشكله
قمت منسحب في هدوء قبل ما حد يقولي إني بوظتها !!

السلام عليكم
بصوا يا جماعه انتم عندكم حق من ناحية التقفيل، التقفيل سيئ جدا جدا وفتح الباب وقفله حاجه تتضايق ولا الشنطه اللي فتحها فقط من جوه يعني لو علقت موش فيه حل
وزي ما انتم قلتم ناقص يظبط فيها حاجات بسيطه وتبقى كويسه ودي بقى مهمتنا مع العربيه لكن هي في فئتها وبامكانيتها جامده جدا وشكلها الخارجي ممتاز وشيك لكن معلش موش كلنا ركبنا بي ام دبليوا
لكن اللي فعلا القطاع اللي هايشتريها هو اللي يمكن موش فارق معاه التقفيل اوي واكيد مشي ورا امكانياتها وبصرف النظر عن التقفيل
بالنسبه لسعرها يا حضرات الماروتي موش فيها اي حاجه ومكنسه ماشيه ع الطريق وب 36 الف ولا داعي للمقارنه
ولو اتكلمنا ع الالتوا لا حجمها ولا قوتها والاوحش قطع غيارها في العاااااااااااااااااالي انا كانت شداني الالتوا بس لما سئلت عن قطع غيارها صرفت نظر عنها

انا شايف انها عربية كويسة من حيث تمنها و خاصة عند المقارنة بالألتو أو الماروتي أو الصيني
و الزميل توفيق عامل موضوع كويس جدا عنها و بيشكر فيها جدا

كنت قولتله انت مال اهلك يا بارد هاتلى مدير المعرض عشان اللى زيك معرفوش يتربو صح ...
يا راجل دا المصرية للسيارات اللى بنقول عليهم حرامية وووو ما معلوش معايا كدا فى المعرض لما كنت بصور العربيات وكنت بقعد جوا العربية ربع ساعة ومحدش بيقولى تلت الـ 3 كام وده يجى يقولك انت بتصور كل حاجة شئ مستفز فعلا ...
اخوكم يوسف

ده فعلا انسان غبي ..ويا ترى ازاي اترقى وبقى مدير مبيعات ..ده انا في المعرض العقاري اللي كانت بي ام دبليو الراعي بتاعه..كانوا عارضين على هامش المعرض تلات عربيات جديده بي ام..خلي بالكوا بييييييييي امممممممممم..وما كنش أصلا معرض سيارات يعني لو حد قالي متقربيش من العربيه يبقى ليه حق..وممثل مبيعات سمحلي أركب أنا وصاحبتي (وعلى فكره كان جوزي معايا عشان ما حدش يفتكر انه جاملنا عشان بنتين وكده) موديلين مختلفين وكمان نتصور جواهم... فمين ده أصلا.. إنت فعلا كان لازم تطنشه وتقوله لو مش عاجبك إندهلي إدارة المعرض أو اللي مشغلك..
استفسار بأه يا جماعه..هو ناشيونال موتورز هما نفسهم شركة الكويت والبلاد العربية؟؟؟؟؟؟