الي عايز يركب فلتر للـ Gen2 = صور

**Ghamrawy** · 30-01-2009 09:02 PM

المشاركة الأصلية كتبت بواسطة MaGiC

لاا يا غالي انا رحت بيه وعملت سيرفس عادي محدش كلمني ولاا جاب سيره

الف شكر يا باشا و عقبال بقية الحاجات

**Ghamrawy** · 31-01-2009 12:43 AM

المشاركة الأصلية كتبت بواسطة gagareen

عربيه جميله فعلا ربنا يباركلك فيها

بس فى ملحوظه عاوز اقولها بالنسبه للهواء الداخل الفلتر
المفروض علميا ان الهواء اللازم للاحتراق داخل غرف الاحتراق داخل المحرك كلما كانت درجته حرارته اعلى كلما زادت كفاءه احتراق الخليط (بنزين+هواء) بالمقارنه باستخدام الهواء البارد ودى حاجه معروفه بالنسبه لمعظم الدوائر الحراريه مثل محطات الطاقه وانظمه التدفئه وده مثل السخانات اللى الناس بتركبها وتشغلها لفتره صغيره فى المحرك لتحسين بدء الاشتعال

يعنى مكان الفلتر بجانب المروحه (هواء المحرك الساخن) المفروض مايعملش مشكله فى الاداء

برجاء الافاده

تحياتى

لا يا استاذى
لان كل ما الهواء كان بارد كلما زاد محتواه من ذرات الاوكسجين و كلما كان الاوكسجين اكتر كان الحريق اقوى و تنتج عنه قدرة حصانية اعلى و الا ايه لازمة ال intercooler فى بعض العربيات التيربو و حرص كل مصنعى العربيات فى مد العمة بتاعت العربيات لغاية الشبكة ؟و لو لاحظت ان العربية فى الشتاء بيكون ادائها احسن و اسرع

**MaGiC** · 01-02-2009 01:47 AM

المشاركة الأصلية كتبت بواسطة gemino

لا يا استاذى
لان كل ما الهواء كان بارد كلما زاد محتواه من ذرات الاوكسجين و كلما كان الاوكسجين اكتر كان الحريق اقوى و تنتج عنه قدرة حصانية اعلى و الا ايه لازمة ال intercooler فى بعض العربيات التيربو و حرص كل مصنعى العربيات فى مد العمة بتاعت العربيات لغاية الشبكة ؟و لو لاحظت ان العربية فى الشتاء بيكون ادائها احسن و اسرع

كلام سليم لاازم يكون الهوا بارد عشان السحب يكون اقوى

**formoza** · 01-02-2009 11:34 AM

معليش يا اخ Magic انا بقى عايز اعرف حاجتين
1- لون العربيه نبيتى ولا Chilli Red؟؟؟
2- الفرش ده بكام و عمله فييين و واخد وقت اد ايه؟؟ عشان لو عندك فى Alex هانزلكوا مخصوص عشان اعملو عندكوا و الاكل على حسابك بقى
و بسم الله ما شاء الله ربنا يباركلك فيها

**MaGiC** · 01-02-2009 01:24 PM

المشاركة الأصلية كتبت بواسطة formoza

معليش يا اخ Magic انا بقى عايز اعرف حاجتين
1- لون العربيه نبيتى ولا Chilli Red؟؟؟

2- الفرش ده بكام و عمله فييين و واخد وقت اد ايه؟؟ عشان لو عندك فى Alex هانزلكوا مخصوص عشان اعملو عندكوا و الاكل على حسابك بقى

و بسم الله ما شاء الله ربنا يباركلك فيها

تنور يا باشا اي وقت هو بالنسبه للون هو مكتوب في الرخصه نبيتي بس هو بيدي على نبيتي على احمر شويه نحاسي شويه برتقالي وفي ناس كتير فكرين اني مغير لون العربيه

الفرش عمل تقريبا 500 بالتركيب مش فاكر عشان كان من زمان اوي والتركيب كان 4 ساعات تقريبا بس متفق معاه قبلها وعملو عند محل قباري في عزبه سعد بس ده جاهز مش تفصيل وفي الاخر الاتنين نفس الشكل

**MuhammedSoliman** · 18-03-2009 12:54 PM

مشاركة جميله والله والواحد استفاد منها يا ماجيك باشا وخاصه إني عايز أعمل الفلتر ده بس الموقفني موضع إن عايز افتح فتحه للهوه برضوا ومستحرم أعمل حاجه فى العربية مع فابريكه ولو عارف لوجراج اللى عندنا فى سموحه برضوا بيعمله والتكلفة حوالي 500 ( بس ده مش الصيني )

على العموم العربية بتجيب معايا 195 كيلوا فى الساعه من غير فلتر وبالجنوط الأوريجنال واستهلاك البنزين 8.2 والبنزين 92 ( انا مانيوال 2006) بالنسبة للأخ العزيز اللى بيسأل

تحياتي