الموضوع: تحذير من توكيل منصور بالأسكندريه بالنسبه للأوبل(تجربه خاصه)

[QUOTE=Ahmad Allawy;615628]ماهي حاجة معروفة ان اسعار بعض قطع الغيار ف التوكيل بيبقي مبالغ فيها.. بس متزعلش مني..
QUOTE]أحمد باشا انا باتكلم فى 1300 يعنى كثير قوى يعنى لازم احذركم و على فكره انا ماشتريتش الحساس غير لما تاكدت انه الاصلى و بعد كده ربنا يستر و شكرا على الرد

المشاركة الأصلية كتبت بواسطة manabedo

الحمد لله يا ريس انك لحقت الالف و 300 جنيه بس انت ايه رايك في التوكيل بيفهموه ولا ايه يعني لو عايز اكشف علي عربيه مستعمله قبل ماشتريها اروحلوهم ولا ايه

طبعا بيفهموا و كان هناك عربيه فيكترا مستعمله بتكشف و فصصوها ..هى لعبتهم بصراحه لكن الاسعار عاليه قوى لكن الكشف عادى .ز انا كشفت بـ40 جنيه بس

المشاركة الأصلية كتبت بواسطة omdaz_5538

اهلا يا mexmarine باشا:k10:
انا عندى اختها بس جبتها غلية شويه
العربية دية فيها عيب انا سالت ناس كتير علية واجمعوا على ان:-
1- بتضرب Air Mass Flow بسرعة وعشان تتفدا الموضوع دة غير فلتر الهواء دة كل 15000 كيلو
2- بتضرب Idel Air Control دة فى الغالب
3- بتحتاج عملية تنظيف فى AGR كل فترة ودة بسبب شوائب البنزين
4- بتجيب جوان وش السلندر ودة ممكن تتفاداة بمتبعة الحرارة
5- التسارع مش جامد قوى هى تقريبا 70 حصان
6- قطع الغيار بتاعتها اغلى شوية من الفيكترا و الكورسا و العربية معقدة شوية(الكلام دة من التوكيل و من ناس متخصصين فى الاوبل)
مزاياها العربية دى :-
1- العربية ثباتها ما شاء الله قوى جدا على السرعات العالية
2- امان لانها واخدة 4 نجوم من 5 فى اختبارات التصادم الالمانية (ربنا يبعد عنك و عنا شر الحوادث)
3- استهلاك الوقود كويس بس اكتر من اى عربية 1200 او 1300 و دة عشان انها ايكوتك 2 كامة
وبعدين انا برضة رحت التوكيل و قلى نفس السعر بتاع حساس الهواء
بس انا لسة مغيرتهوش عشان هوة ساعات يشتغل وساعات يهيس ودة مع الحرارة العلية بس انا صابر علية لحد اما اخلص علية خالص
و حجيب إن شاء الله البوش الالمانى لانك شجعتنى انى اجيبة هو قدامى 1250
و ربنا يحفظهالك و تنورنا فى اكبر و احلى عصابة فى المنتدى

ربنا يستر يا باشا و سعيد كل السعاده بوجودى معاكم فى العصابه:10D5C8~1107:

المشاركة الأصلية كتبت بواسطة tananybasha

طيب يا باشا استأذن سيادتك فى حاجة ممكن تسألى عليها
Air Mass Flow ينفع للفيكترا 1995 اللى هى 2000 سى سى و لو فى القاهرة ممكن الاقيه فين و بكام هيبقى اكيد احسن من الأستيراد و لا ايه رأيكم ادام الله عزكم

الله اعلم بس ممكن حد من العصابه يفيدنا فى Air Mass Flowبس اللى اعرفه اننى لفيت فى القاهره على فانوس خلفى و لقيته فى شارع شامبليون(متخصصين فى اوبل) و الراجل كان محترم جدا بس بصراحه ناسى اسم المحل

المشاركة الأصلية كتبت بواسطة omdaz_5538

اعتقد انة واحد فى الفيكترا و الكورسا و الاسترا
و الله اعلم
بس اكيد العصابة حترد

الموضوع دة انا معرفوش يريت حد يكون متخصص يقولة بس وجهت نظرى اعتقد بتختلف بس مش عارف

على فكره الموقف دا فكرنى باليونت كنترول بتاع المراوح عندى برضه فى الاسترا 2000
افاجئ ان بعد ما جبته من التوكيل والى حسبه عليا من بعد 1070 ل1012 علشان خاطر عملتها يعنى فى التوكيل وبرضه مفيش فايده الى يدهولى باليمين ياخدو بالشمال والشمال بتاعه كان فى المصنعيه وال10% ضريبه
المهم
جيت سألت واحد بالصدفه عنه طلع موجود فى طنطا فى الزقازيق هما الاتنين بيجيبو القطع الغيار الالمانى والى مش المانى بأسعار تلت الى موجوده فى التوكيل
لقيته هناك ب400 جنييييييييييييييييييييه
بيني وبينكم لما سمعت الرقم وانا راجع من مشوار كنت هنزل فى ترعه
دمتوقعتش دا كله من التوكيل
بس لما سمعت ان توكيل سموحه برضه زي كده بردت نارى شويه
والى فكرنى بيه احمد باشا علاوى ان التوكيل بيدي فعلا ضمان لمده سنه على قطع الغيار وان الى بره مفيش عندهم ضمان والضامن ربنا هديت نارى حبتين

بس لازم نقف فى وش الموضوع دا
هو يعنى بيضمنو انهم لما يرجعو حاجه فى الضمان بيبقو واخدين حقها مسبقا ولا ايه الحكايه
دا بذات ان الوكيل بيبقى جايب بالكميات دا غير انه واصل ونفوذه كبيره يقدر يدخل شحنات من غير جمارك كتيره دا + انه عنده محاسبين قانونيين بيلعبو صح فى الحسابات بتاعه الضرايب يبقى بعد دا كله عايز يخرم جيوب الناس كمان
مش كده كفايه برضه
حرام ولله
دا حتى الواحد لما يجيب سيره التوكيل بتاع الصيانه فى اعده كل الى فى الاعده يتنحو