والله فكرتني بالهم اللي الواحد بيشوفه من الناس
انا بقى موتي وسمي لما الاقي واحد بيعدي الشارع وباصص شمال طب افهم فيه ايه في الشمال بتبص عليه مش الاولى انك تبص على الحاجات اللي اسمها عربيات اللي مفروض ماشيه بسرعه وجايه من ناحية اليمين
انا بقى بجد كذا مره اجي اخد غرزه شمال الاقي واحد بيعدي وخلاص قرب من الرصيف فطبيعي جدا انه يبص يمين (حقه الطبيعي :twisted: ) قوم انا واقف على الفرامل وهو طبعا يتخض ويتذعر وانا بكون مت قبله والله من الخضه
لما بقى بكون ماشي رايق والاقي واحد بيعدي وبالاصح واحده بتعدي طبعا عيب تبص شمال عشان كده ممكن تفتكر انها بتبصلك ولا حاجه لا سمح الله تلاقيها بتعدي من اول الطريق وهي باصه يمين اجي انا شايفها كده واول ما اقرب منها قوم ضارب كلاكس تقوم تتربى وتتفزع واكيد بتشتم بس انا ببقى مشيت خلاص :lol: بس بقول يمكن متعملش كده تاني
بصو طب الموقف ده
ماشي على الدائري كالعاده رايح الشغل الصبح ماشي بتاع 140 واكن جنبي اكسيل لسه بعدي منه من الشمال خالص فشفت من بعيد واحده واقفه عند السور مش عارف ليه قلقت فقمت والله ضارب نور وكلاكسات قولت احتاطي برضه عشان انا بجري وكده مينفعش افرمل خالص المهم الاكسيل بقى ورايا يمين وقربت من البنت فجأه :shock: عديت الشارع اول حاره بس لقتيتها قدامي انا قمت فرملت جامد وكسرت شمال على طرف السور والله المشكله في الاكسيل اللي لسه ورايا لاقيته فرمل بغباء لان كده البنت قدامه هو وانا بعدي وبقول يارب تقف ماترجعش ورا المهم بجد يا جماعه عدت بطرف مرايتي وطرف مراية الاكسيل وقلت سبحان الله بجد ازاي مفيش حد خبطها مننا ( اكيد مش قدرها دلوقتي )
على فكره انا بعدي شوارع كتير وبحب اتمشى كتير بس والله كل مره افكر او احاول اني اعدي وابص يمين زي الناس :D والله مش بقدر والاقي نفسي ببص شمال حتى وانا طالع برجلي على الرصيف مش عارف الناس دي كده ازاي
المفضلات