عقلية التجار فى مصر؟!!

**جندى مجند** · 25-01-2009 07:56 AM

أنا فى حاجة محيرانى جداً و لو حد عنده تفسير ليها يا ريت يدلى بدلوه ... من خلال عملى بأتقابل مع بعض رجال الأعمال و الصناعة و بيتكلموا عن أحوال السوق و ازاى ان التصدير شبه متوقف اليومين دول و انهم بقوا بيحاولوا يركزوا أكتر على السوق المحلى ...

من خلال الكلام بآخد انطباع واضح انهم بيبقى عندهم استعداد ينزلوا فى أسعارهم جامد جداً لما يكونوا بيصدروا عشان يقدروا ينافسوا فى أسواق أوروبا و أمريكا، لكن حين يتعلق الأمر بالسوق المحلى تلاقيهم مش عايزين يتنازلوا عن مليم فى هامش الربح رغم ان المخازن ممكن تكون مكدسة بالبضاعة ... هل حد عنده تفسير للظاهرة دى؟ هل السبب ان "الشيخ البعيد سره باتع"؟ وللا ان القرع بيمد لبرة؟ و للا فى حاجز نفسى مجهول السبب؟

**ahmedsrs** · 25-01-2009 08:17 AM

بره الناس عندها وعى وبتفهم لما يلاقوا الأسعار غالية مبيشتروش اضافة ان فى اجهزة رقابية صاحية لكن هنا الناس طيبة ومهاودة ويدحك عليهم باعلان ولى اتنين وشوية اشاعات ان الحكومة هتوقف استيراد مش عارف ايه وهتصدر مش عارف ايه والبلية تلعب يعنى بيستخدموا مكرهم وذكائهم على ولاد البلد

**مدحت منيب** · 25-01-2009 01:08 PM

جندى مجند ، تقرأ العيون اسمك و تقفز الابتسامه على الشفاه ، و تهب

ريح النشاط توقظ ملل القلب .. ويستدعى جنود الانتباه ..

لست جندى تماما ، بل قائد من قادة الفكر و الانس و الحوار من الجيل

الاول من الرواد الذين اعطوا هذا المنتدى نكهته المميزه ، أيام كنا لا

يتعدى عددنا الثلاثة الاف ..عسى ان يكون رجوعك الينا بشارة بعودة

الطيور المهاجره التى ما زلنا نحتفظ باسمائهم الحبيبه فى خزانة من نور
مرور سحائبك بتلال ذوائقنا يكللنا بزهور فرح و امطار مرح

دمت مشرقا ايها البهى ، كلى امل ان نظل معا فى جنائن ورد نتنسم عبير الافكار الرائقه و نتشاطر خبز الاخوة الحقه

كل الود لك

**elassar2010** · 25-01-2009 01:35 PM

المشاركة الأصلية كتبت بواسطة ahmedsrs

بره الناس عندها وعى وبتفهم لما يلاقوا الأسعار غالية مبيشتروش اضافة ان فى اجهزة رقابية صاحية لكن هنا الناس طيبة ومهاودة ويدحك عليهم باعلان ولى اتنين وشوية اشاعات ان الحكومة هتوقف استيراد مش عارف ايه وهتصدر مش عارف ايه والبلية تلعب يعنى بيستخدموا مكرهم وذكائهم على ولاد البلد

فعلا كلام حضرتك مظبوط
برة فى منظمات مدنية لحمايه المجتمع من جشع التجار لو سعر سلعة زاد بدون داعى بيرفعوا قضية علية وبيفضحوا فى الجرايد والناس بتقاطع منتجاتة
انما هنا اي حاجة عايز تعملها اعملها

**جندى مجند** · 25-01-2009 02:21 PM

أخى الفاضل أستاذ مدحت ... بجد مش عارف أرد ... أنا لا أستحق 1 على 1000 من الاطراء دة ... حقيقى بجد واحشنى جداً و كل رواد المنتدى واحشنى جداً ... تقبل خالص تحياتى

**TaoTao** · 25-01-2009 07:58 PM

أظن الأمر له علاقة بحوافز التصدير والإعفاءات الضريبية التي تمنحها الدولة للمصدرين.
بينما السوق المحلي مضموووووووووووون بسبب قوانين الحماية لجميع الصناعات.

**eng.octooo** · 25-01-2009 09:09 PM

الكلام دة صح حصل فى المانيا لما نوع من انواع الشيكولاتة واسمة ichera غلى شوية عملوا قضية علية والتجار الصغييرن بطلوا يشتروة من الشركة راحوا منزلين سعرة لارخص من الاول ودة من مصدر موثوق فية (والدى كان فى المانيا )

برة فى منظمات مدنية لحمايه المجتمع من جشع التجار لو سعر سلعة زاد بدون داعى بيرفعوا قضية علية وبيفضحوا فى الجرايد والناس بتقاطع منتجاتة
انما هنا اي حاجة عايز تعملها اعملها

**eng.octooo** · 25-01-2009 09:12 PM

الكلام دة صح حصل فى المانيا لما نوع من انواع الشيكولاتة واسمة ichera غلى شوية عملوا قضية علية والتجار الصغييرن بطلوا يشتروة من الشركة راحوا منزلين سعرة لارخص من الاول ودة من مصدر موثوق فية (والدى كان فى المانيا )

الكلام دة حصل لما شيكولاتة بس غليت فما بالكم بالسكر والارز والعيش دة حتى معجون الاسنان والبنزين والزيت وووو......
والمواطن المصرى سعرة بيرخص كل ما حاجة بتغلى

تخيل بقا سعر المواطن المصرى بقا كام دلوقتى دة وصل لتحت الصفر اشترى موطن وخد 100 علية هديدة
حسبى الله ونعم الوكيل

**mohmd76** · 25-01-2009 10:56 PM

هذا نسميه جشع /سرقه /نصب/استغلال/انعدام ضمير/
وكل الالفاظ الواردة فى قاموس اللغه

**د./اليشع ثابت** · 26-01-2009 04:14 AM

المشاركة الأصلية كتبت بواسطة ahmedsrs

بره الناس عندها وعى وبتفهم لما يلاقوا الأسعار غالية مبيشتروش اضافة ان فى اجهزة رقابية صاحية لكن هنا الناس طيبة ومهاودة ويدحك عليهم باعلان ولى اتنين وشوية اشاعات ان الحكومة هتوقف استيراد مش عارف ايه وهتصدر مش عارف ايه والبلية تلعب يعنى بيستخدموا مكرهم وذكائهم على ولاد البلد

طبعا دة كلام سليم 100%
برضة ضيف عليهم الجمارك بتاعة بلدنا الجميلة زائد الفلوس الى بتدفع تحت الترابيزة علشان البضاعة تتحرك بسرعة من قرية البضائع و التى اى يوم تأخير لها بتحسب بكذا وا .. وا...
يعنى شىء لزوم الشىء ........
وهلم جرااااااااااا وكلة بتمنة على قفى الزبون
و يجعلة عامر

الموضوع: عقلية التجار فى مصر؟!!

LinkBack

أدوات الموضوع

عرض

عقلية التجار فى مصر؟!! - انشر الموضوع فى :

-

-

-

-

-

المواضيع المتشابهه

هام جدا عن جشع التجار

ياسيادة وزير القوي العامله احترم عقلية الشعب وكف عن التحدث كأمثالك الوزراء السابقون

تهافت الفكر العلماني .. رؤية عقلية غير دينية

الكلمات الدلالية لهذا الموضوع

المفضلات

المفضلات

ضوابط المشاركة