الحقونى ( أنا بحس بنتشه فى التيدا ) الاوتو

يجاعه وانا سايق العربيه وبتكون رجلى خفيفه عليها الاحساس بالنتشه بيكون بسيط جداً بس اما بقرص عليها النتشه بترج العربيه
علماً بإن انا جايب العربيه من اسبوعين موديل 2009
هوه ده طبيعى فى التيدا ولا فى عيب فى عربيتى انا جايب العربيه من السبع

وجود النتشه مع الشد بالعربيه شىء طبيعى وبالاخص لو كنت سايق بهدوء وفجاة بدأت تشد وتقرص

لكن كون ان النتشه ترج العربيه ده الشىء الغير طبيعي

ممكن تشرحلنا اكتر علشان نقدر نساعدك

انسى الكلام اللى انا قلتله ( انا حاسس انى بفتى)

انا كنت لسه بقرا موضوع سبعاوى عن نتشة الفتيس فى الصنى

موضوع اكتر من رائع

بصراحه اخويا معاه اللانسر 2007 كنت باخودها منو كتير وباسوقها
ومكنتش بحس بالنقله خالص
واما جيبت التيدا فوجدت ان صوت الموتور بيعلى وبحس بالنتشه بس اما اقرص بالعربيه وفعلاً زى محضرتك قولت بكون ماشى على الهادى وفجأه اقرص على العربيه الموتور يعلى والاحساس بالنتشه بيكون اوضح

بس مابترجش العربيه اوى بس بحس ان انا اتاخد كده

روح رصص العجل و جرب بعد كدة

اقتباس:

---

المشاركة الأصلية كتبت بواسطة user2008

روح رصص العجل و جرب بعد كدة

---

يا راجل حرام عليك بيقول نتشة مع الشد
ايه اللي جاب ترصيص العجل لموضوعنا

العجل يبقى محتاج ترصيص لو انت ماشي على 80 او اكتر و تحس برجرجة في الدريكسيون
اما النتشة دي فلو العربية لسه ما كملتش الف كيلو تبقى عادية و حاول ما تقرصش على العربية خلال فترة التليين

اللانسر الي مع اخوك لو 1600 تبقى Cvt مش فيها نقلات اصلا فلو متعود عليها لما تيجي تسوق اوتو عادي طبيعي تحس بنتشة خفيفة

بص يا باشا
اولا ليس لى اى علاقة بميكانيكا السيارات و لا ادعى انى افهم فيها
لذا ما اقولة نتاج تجربة ليس اكثر
---------
انا معى التيدا الهاتش و الحمد لله كملت معايا 37 الف بدون مشاكل تذكر
موضوع الفتيس ده
لو سيادتك طالع بالعربيه عادى و دوسك للبنزين بسيط بس متزايد هتلاقى العربيه تنقل معاك و السرعة تصاعديه الى ان تصل الى 100
كل ذلك دون ان تحس باى نقل و rpm بيكون من 2000 الى 2200
او 2400 بالكتير
لا هايعلى و يرجع ينزل و لا اى حاجة من دى
"و ده اكد كلام ناس شافوا تلك الحكاية ان العربية cvt"
اما لما سيادتك بتقرص مرة واحدة rpm هايعلى الى 3000 ثم ينخفض فجأة لبلوغ النقلة
و هذا ما يسمية البعض الكيك داون
و هذا طبيعى
اما رجة العربيه بصراحة لم تحدث لى بتاتا قبل ذلك
جرب ما تفعلة فى طرق مختلفه و شاهد و قارن
هذا و الله اعلم

اقتباس:

---

المشاركة الأصلية كتبت بواسطة MTAK

بص يا باشا
اولا ليس لى اى علاقة بميكانيكا السيارات و لا ادعى انى افهم فيها
لذا ما اقولة نتاج تجربة ليس اكثر
---------
انا معى التيدا الهاتش و الحمد لله كملت معايا 37 الف بدون مشاكل تذكر
موضوع الفتيس ده
لو سيادتك طالع بالعربيه عادى و دوسك للبنزين بسيط بس متزايد هتلاقى العربيه تنقل معاك و السرعة تصاعديه الى ان تصل الى 100
كل ذلك دون ان تحس باى نقل و rpm بيكون من 2000 الى 2200
او 2400 بالكتير
لا هايعلى و يرجع ينزل و لا اى حاجة من دى
"و ده اكد كلام ناس شافوا تلك الحكاية ان العربية cvt"
اما لما سيادتك بتقرص مرة واحدة rpm هايعلى الى 3000 ثم ينخفض فجأة لبلوغ النقلة
و هذا ما يسمية البعض الكيك داون
و هذا طبيعى
اما رجة العربيه بصراحة لم تحدث لى بتاتا قبل ذلك
جرب ما تفعلة فى طرق مختلفه و شاهد و قارن
هذا و الله اعلم

---

طيب ياريت توصيفلى احساسك اكتر بالنقلات
بصراحه انا مش عارف العيب فيه ولا فى العربيه

النتشه بتكون خفيفه اما بكون ماشى سلانسيه ابا بقرص بتنتش جامد

التيدا عربية روعة
كل الناس بتشكر فيها

طالما النتشه مع القرص يبقى كيك داون و ده معناه ان العربيه بتسقط غيار فلازم تحس انك اتاخدت او بمعنى تانى العربيه وشها بينزل تحت و ينط لفوق بعدها و صوتها يعلى و على فكره الكيك داون ده احساس روعه.
بس استنى على العربيه لما تلين و بعد كده الرؤيه هتبان فى حاجات كتير هتختلف بعد التليين انا عربيتى قبل التلين كان صوتها قريب اوى من الشيروكى و بعد التليين صوتها هددىىىىىىىى

اقتباس:

---

المشاركة الأصلية كتبت بواسطة venus-doom

طالما النتشه مع القرص يبقى كيك داون و ده معناه ان العربيه بتسقط غيار فلازم تحس انك اتاخدت او بمعنى تانى العربيه وشها بينزل تحت و ينط لفوق بعدها و صوتها يعلى و على فكره الكيك داون ده احساس روعه.
بس استنى على العربيه لما تلين و بعد كده الرؤيه هتبان فى حاجات كتير هتختلف بعد التليين انا عربيتى قبل التلين كان صوتها قريب اوى من الشيروكى و بعد التليين صوتها هددىىىىىىىى

---

الله يطمنك

يارب مايكونش ده عيب فى العربيه

اقتباس:

---

المشاركة الأصلية كتبت بواسطة karaktar

الله يطمنك

يارب مايكونش ده عيب فى العربيه

---

يا عم متقلقش استنى بعد التليين هتلاقى حاجات كتير اختلفت زى استهلاك البنزين و صوت العربيه و نعومتها و عفشتها و كل حاجه .
و لو لا قدر الله فيها حاجه انت معاك ضمان و العربيه زيرو و اعتقد انه مينفعش يبقى سوء استخدام لان العربيه هتبقى ماشيه مثلا 2000 كم .
متقلقش يا باشا :36_1_50[1]:

اقتباس:

---

المشاركة الأصلية كتبت بواسطة venus-doom

يا عم متقلقش استنى بعد التليين هتلاقى حاجات كتير اختلفت زى استهلاك البنزين و صوت العربيه و نعومتها و عفشتها و كل حاجه .
و لو لا قدر الله فيها حاجه انت معاك ضمان و العربيه زيرو و اعتقد انه مينفعش يبقى سوء استخدام لان العربيه هتبقى ماشيه مثلا 2000 كم .
متقلقش يا باشا :36_1_50[1]:

---

اشكرك اخى طمنتنى بجد
وعلى العموم فى صيانة ال 1000 ك
هاستفسر عن المواضيع كلها