الموضوع: رابطة ومالكي عشاق الفيات 132

لا شكر على واجب ياسمسم

ومبروك يا x100 ان المشكلة اتحلت بعيدا عن العربية وان شاء الله متقعش فى مشاكل تانى
وكلنا سعداء باستمرار العربية معاك :)
تحياتى

تعرفوا بعد ما بعناها و اشترينا كورولا 2003 ساعات كتير بفكر اشتري واحدة 132 تاني الكورولا تحفة و كل حاجة بس 132 بتحس انك ملك و انت راكبها كدة راكب حاجة مطمن و انت فيها تفتكروا لو عملت كدة الناس هتقول عليا اية

شكرا جزيلا لكل اخوانى وانا مبسوط ان سمسم رجعتلة الثقة فى معشوقة الجماهير

ممكن أعرف سعر الطنابير الخلفية أستيراد بكام علشان اللي عندي لحميتهم صغيره والمياكانيكي قالي عايزين يتغيروا وخليته يزود التيل وزود الريجلاش شوية ودا حل مؤقت طبعا فياريت اللي يعرف سعرهم كام يفيدني

على فكره أنا لسه مغير طلمبة الباور من يومين وجبت واحده أستيراد على 300 جنيه كانت عند واحد ميكيانيكي وقالي جربها لمدة أسبوع لو فيها حاجه بتاعتي
والحمد لله النتيجه ممتازة

أنا ياجماعة عندي أقتراح وعايز أسمع رأيكم
أيه رأيكم فى أن كل واحد مننا نزل عمل شغل فى عربيته ( ميكانيكا أو كهربا أو عفشة أو حتى تغير مرايات )
يكتبلنا
التغيير :
سعر الخامات :
مكان شراء الخامات :
المصنعية :
مكان الورشة :
وأسم الفني :

وبكده الكل هايستفاد يمكن يكون واحد من منطقتي أو قريب مني لو عرف المعلومات دي تفيده

وجزاكم الله خيرا

عزيز gearsboy انا سعيد جدا بنشاطك وربنا يديمة وافكارك جميلة جدا وانا مستعد للمشاركة

بالمناسبة انت الطنابير اللى ورا عندك سكينة ولا درام

انا معايا ريجاتا موديل 86 بترولى عارضها للبيع
وناوى اجيب عربية 132 -1600 سي سي لدواعي السفر لكم ان تتخيلوا ان الريجاتا مش مساعدانى فى السفر !!!
وكمان مش بقدر احمل فيها ناس كتير اربعة مع انها بتاخد خمسة بالسائق طبعا
........................
انا اخترت 132 جامدة وتتحمل وسعرها كويس وكمان قطع الغيار متوفرة وببلاش تقريبا
ادعولى لانى ناوى اول ما اجيبها هعرض صورها عليكم قبل التعديل
وبعد التعديلات

انا معايا 128موديل 89 عارضها للبيع
وناوى اجيب عربية 132
........................
انا اخترت 132 جامدة وتتحمل وسعرها كويس وكمان قطع الغيار متوفرة وببلاش تقريبا
ادعولى لانى ناوى اول ما اجيبها هعرض صورها عليكم قبل التعديل
وبعد التعديلات

فهل تنصحونى ب 132 واجيب موديل ايه ولو فيه حد عارض واحده للبيع ياريت يبعت صورتها بس انا عاوز حاجه مش محتاجه مصاريف وياريت تكون الدقهليه ارجو الرد والافاده
0165752536

معلش يا جماعة هو فى فرق بين الماتور 1600 سي سي كامه والاتنين كامه ؟
وهل الاتنين كامة بيسحب بنزين يزي ما سمعت ؟