الموضوع: <<<< اتصل على 122 هاتلاقيهم نايمين >>>> <<<< صوره و تعليق >>>>

والله كل اللي قصدته وكان واضح من تعليقاتي ان المنظومة كلها هي السبب ويجب اصلاحها من اعلي لاسفل وليس العكس
لو فرضنا ان حضرتك عندك عمل خاص وفي موظفيين بيشتغلوا معاك وحضرتك لسبب ما قررت ان الناس دي تشتغل 16 ساعة في اليوم وسعات اكتر من كده واحيانا يطبقوا يومين و 3 ويقبضوا مرتبات متدنية جدا ومتاكلش عيش حاف
تفتكر بعد 5شهور شركتك حتبقي افضل ولا اسوا
وايه حيكون مردودهم افضل؟؟؟؟

ومين حيكون السبب لو اهملوا في عملهم؟؟
يا تري انهم خرعين ومهملين؟ ولا حيكون مدير العمل اللي لا يحسن الادارة ولا يشعر بمن دونه ويعتبرهم الات او حيوانات

المشاركة الأصلية كتبت بواسطة bee

والله يا فندم لو انا عملت كده ده حسب رؤيتي ولاحظ مجرد ملاحظة ان الي هيوافق يشتغل هيكون عارف ظروف العمل والمرتب قبل ما يشتغل .. يعني محدش هيضربه على ايده .. والنقطة دي معاك حق فيها ان الي بيبوظ الشغل في مصر الناس الي بتقبل تشتغل عدجد ساعات كتير بمرتب غير مجزي ولا عادل م الاساس ويمكن ده الي بيخلي ناس مستواها التعليمي اقل من ناس تانيه شغاله وصاحب الشغل بيقول اهي ماشية

وبالمناسبة تم عمل اختراع اسمه ورديات عشان كده .. عشان يبقى فيه شغل على كذا فترة في المنظمات والشركات الكبيرة الي بتشتغل على مدار اليوم ..

يا راجل حرام عليك
انت حسستني ان الناس دي ليها حق الاختيار او ممكن يستقيلوا مثلا او بيعرضوا عليهم ظروف العمل قبل الاستلام بفرض انها ثابتة
يا فندم ده جيييييييييييييييييييييييش
ونظام الورديات ده غير معمول بيه في حالة الطوارئ اللي مصر بتعيشها من 35 سنة
الراجل ده سواء مجند او متطوع مخترش يشتغل فين دول بيوزعوهم علي الخدمات والاقسام زي المعدات كده ملهمش اي راي وبيتعاملوا معاملة القطيع
فكرك انه لو تعب ممكن ياخد اجازة؟
تتصور انه لو مش قادر يكمل ممكن يعتذر عن المهام الموكلة اليه؟
دي ناس بتقضي مدة زي المسجونين كده
واللي متثبت فيهم مستني الترقية علشان يزيد 7 جنيه

الناس دي لو سابت الخدمة لاي سبب بتترمي في الشارع لامعاش ولا نقابة ولا تامينات
وطبعا حضرتك عارف ان مصر مفهاش اعانة بطالة
يعني اللي مش حيقبل الشغل المتاح ليه ياكل زلط وطوب
يعني الناس دي مختارتش العمل ومعندهاش حلول تانية ولا مؤهلات لعمل اخر

تحياتي

المشاركة الأصلية كتبت بواسطة kimo-nubira

مهو الجيش ده اساس النظام واللي دخل الجيش عارف كده النوم ليه وقت والشغل ليه وقت وكله بالدقيقه مش كده ولا ايه ؟؟

انا قصدت هنا الاجبار وعدم احترام الادمية
والحال قدامك اهه مش محتاج توضيح انت شايف ايه؟
قمة النظام؟
الناس دي بتشتغل في البوليس وبتتعامل كالقطعان
واللي قولك ان ليهم مواعيد يبقي مشفش بعنيه
اسال اي ظابط وهو حيحكيلك علي المهازل اللي بتتعمل فيهم

المشاركة الأصلية كتبت بواسطة kimo-nubira

ياباشا انا معاك في النقطه ديه بس هما شاغلين لمين ولصالح مين ؟؟ هما شاغلين لصالح الشعب ولا لصالح ظبات الشرطه

وبيوت ظباط الشرطه وسواقه عربيات ظباط الشرطه ده اللي بيعملوه والظباط فارحنين بكده عاملين لنفسهم هيبه بشويه عساكر

وامناء شرطه وطبعا مش كل الظباط في منهم محترمين جدا جدا وعارفين حقوقهم وواجباتهم انما الاغلبيه زي ما احنا عارفين

قاعدين على مكاتبهم ملهمش دعوه باي حاجه بتحصل اللي يسرق يسرق واللي ينهب ينهب معدل الجريمه في مصر بقي عالي جدا ربنا يسترها علينا

احنا كده متفقين
وعلشان كده الاصلاح لازم يبدا باعلي الهرم