ممكن مكان افحص فيه سيارة هيونداى اكسيل قبل شراؤها ؟

**emadibrahim78** · 25-01-2009 11:28 PM

:b4_564:إن شاء الله انا هاشترى اكسيل 98 و مش عارف اكشف عليها ازاى و فين بس عايز مكان يكون أمين و موثوق فيه و متخصص لمعرفة حالة العربية و الموتور و الشاسيه .. و يعطى تقرير و سمعت ان بعض محطات البنزين بتقدم الخدمة دى بس مش عارف مين فيهم و هل فى مركز خدمة مكن يفحص و يكون أفضل ؟و لا توكيل غبور و لا أعمل ايه من فضلكم محتاج المساعدة شكرا .

**mo7a_mo7a** · 26-01-2009 12:58 AM

المحطات ممكن تكشفلك علي الموتور والتقرير بيوضح حالةالموتور بشكل عام والبساتم كل علي حدي
لكن لو عايز كشف علي العربية من A to Z يبقي تروح التوكيل

**NaviGator_13** · 26-01-2009 06:17 PM

المشاركة الأصلية كتبت بواسطة ADELHASANALSHAAIRYN6

فى كل محطة بنزين واحد محترف فى المسائل دى - بيفليلك العربية شاسيه وعفشة وموتور وصالون وبيقولك العربية حلوة اشترى بس مالهوش دخل فى السعر يا أما هيقولك العربية وحشة أبعد - وطبعا أهم حاجة الشاسيه لانه الوحيد اللى مش بيتغير

طيب ياباشا متختار لينا كام محطة كدا على ذوقك

**rabet007** · 26-01-2009 06:30 PM

اقولك انا اخي الكريم احلى محطه شوفتها بجد محطه موبيل الى فى شارع الطيران الى فيها توكيل اوبل وشيفرلويه بجد الناس هناك اكتر من زوق
روح على الحته بتاعت ضبط الزوايا هينزلك تحت يشوف العبشه والمساعدين و وصلى الى الله استخاره علشان يهديك للصح
اخوك احمد

**NaviGator_13** · 26-01-2009 08:37 PM

المشاركة الأصلية كتبت بواسطة rabet007

اقولك انا اخي الكريم احلى محطه شوفتها بجد محطه موبيل الى فى شارع الطيران الى فيها توكيل اوبل وشيفرلويه بجد الناس هناك اكتر من زوق
روح على الحته بتاعت ضبط الزوايا هينزلك تحت يشوف العبشه والمساعدين و وصلى الى الله استخاره علشان يهديك للصح
اخوك احمد

شكرا ياباشا على ذوقك يعنى دا هيقوم بالواجب ويكشف عليها سواء اى نوع

**ehabradwan** · 27-01-2009 09:18 AM

والله يا باشا انا رأيي تشوفلك ميكانيكي كويس و سمكري كويس
الميكانيكي هيبصلك على الموتور و العربية بصفة عامة وهيسمع الاصوات كلها و الحركات كلها
و السمكري هيقولك فابريقة برة و جوة ولا مرشوشة ولا ايه بالضبط
وفي الاخر هتدفع نفس الثمن تقريبا

**serahmed** · 27-01-2009 01:58 PM

بنزينة شل اللى فى اول الهرم ممتازة وفيها ناس زوق جدا
بحوالى 100 جنية
بيكشف على الموتور ويبص على العفشة كلها وعلى اساسيات العربية وعلى الشاسية وكل حاجة وبيدليلك تقرير كامل عن العربية ويقول لك اشترى او لاتشترى
وربنا معاك

**a_aboelseoud** · 01-02-2009 11:56 PM

طيب و لو عايز اكشف على الفيتيس الاوتوماتيك ؟
اعمل ايه ؟؟
و شكرا على الرد

**emadibrahim78** · 04-02-2009 10:58 AM

المشاركة الأصلية كتبت بواسطة mo7a_mo7a

المحطات ممكن تكشفلك علي الموتور والتقرير بيوضح حالةالموتور بشكل عام والبساتم كل علي حدي
لكن لو عايز كشف علي العربية من A to Z يبقي تروح التوكيل

أولا شكرا جدا على الاهتمام و الرد

بس انا روحت توكيل هيونداى اللى ف طريق قليوب بس انا فوجئت ان الكشف كان بالخبرة و الفهلوة يعنى مفيش جهاز قياس الموتور و لا جهاز كشف الشاسيه لكن بردوه الحق يقال انهم كانوا ممتازين ف الكشف على التكييف بالجهاز ولما سألت اللى بيشوف الشاسية بانظر كدة قالى احنا ماعندناش جهاز قياس الموتور و كذلك الشاسية و اللى عرفتوه بعد كدة ان فيه محطات بنزين عندها كل الاجهزة دى و كمان جهاز الكشف على الدهان تعرف ان كانت العربية رشت قبل كدة و لا لأ و البنزينة دى ف شبرا و بنص الثمن بتاع التوكيل