الموضوع: حملة خلوها تصدى مجنناهم والله فى 90 دقيقة.. ولو صبرنا الاسعار هتكون زى ما احنا عايزين

الف شكر علي التقرير خليها تصدي

بداية شكراً لتعليقك علي البرنامج..
و بالنسبة لتعليقي الشخصي فبجد مش عارف أقول أيه في الناس دي دول مش تجار أصلا و لا ليهم في التجارة و للأسف مش بس تجار العربيات لكن اغلبية التجار عامة في مصر معندهمش فكرة عن التجارة أو عن أ - ب تجارة و هي أني التجارة مكسب و خسارة مش مكسب و بس و الا كانت كل الناس أتجهت للتجارة بدون خوف من خسارتها, صحيح أني التاجر بيبحث أزاي يجني أكبر مكسب بس برضه لازم يفكر ساعة ما الخسارة تقرب أعمل أيه و طبعا بدون تفكير لازم أنزل أسعاري بلاش أخسر بس علي الأقل أجيب مصاريفي اللي صرفتها و زي ما بيقولوا بالبلدي كدة (المكسب القريب ولا الخساره البعيده) و ده بمعني أني أكسب المكسب اللي في أيدي دلوقتي و لو مكسب قليل بدل ما انتظر علي أمل أني الرواج يعود تاني (و ده مش منتظر أنه يحصل علي الأقل حالياً) و ألاقي نفسي الوقت سرقني و السنة خلصت و دخلنا في 2010 و انا لسه عندي مخزون متلتل من السيارات من موديل 2009 و يمكن 2008.
لكن عامة لازم يعرفوا أنهم كسبوا كتير و ضحكوا علينا كتير و جه وقت الخسارة إذا لم ينصاعوا (حلوة ينصاعوا دي) لرغبة السوق و رغبة المشتري اللي دايما بيكون هو المتحكم في السوق و هو اللي في ايديه القوة الشرائية و هي الفلوس.

بس في حاجة غاظتني جدا و هي أني واحد من التجار اللي كانوا في البرنامج دول بيقول مكسب العربية بيبدأ من 3% لـ 5% لحد 8% في السيارات الغالية النادرة طيب جميل جداً تعالوا نحسبها عملي علي عربية تمنها مثلاً 70000 جنيه عشان نكون في الوسط و دي العربية أو الفئة اللي بتشتريها غالبية الناس و بلاش نحسبها علي 3% خلينا في 5% عشان نبقي في الوسط برضه و هيكون الحساب ثمن العربية جملة بكذا ......* 5% و أنا بقي حفرض أني مش ثمنها للمستهلك هو 70000 لا حقول تمنها جملة هو 70000 يبقي بعد ما تحسبها بالطريقة السابقة تلاقي أني مكسبه كله علي بعضه في العربية أم 70000 يا عيني 3500 جنيه فقط لا غير و ده طبعا مستحيل و بصراحة انا مش عارف هو فاكر انه بيكلم ناس هبلة و لا المشاهدين دول عبط و مش بيفهموا و لا أيه ده مكانش يلاقي ياكل و لا يقبض العمال و الموظفين و لا يقبض الموظفين اللي بتخلص ( و انتم فاهمين بقي) و لا حتي كان يلاقي يدفع مية و نور و أرضية و جمارك و إيجار مخزن للسيارات أو شراءه أو أو............. و بعدين أذا كان ثمن العربية اللي بـ 65000 أو 70000 في القسط بيوصل لـ 90000 يعني حوالي من 20000 لـ 25000 مكسب إذا مكانش أكتر فهل مكسب العربية الكاش حيكون أقل من مكسب القسط بحوالي 20000 مرة واحدة؟؟؟؟؟؟؟!!!!!!!!!!!!

و دلوقتي عايز أقول لكم أيه هو وجه التناقد اللي أنا لاحظته فلو تلاحظوا أنهم قالوا الحملة مش هتأثر في حاجة بينما في واحد فيهم قال أني المبيعات هبطت تماما بنسبة 80% تقريبا و مع ذلك بيقولوا أني الحملة مش مؤثرة!!!!!!!!!!!
هو طبعاً أنا عارف أني الحملة مش هي السبب 100% بس علي الأقل ساهمت في الموضوع ده و بإذن الله حنستمر فيها و

خلوها تصدي

هوا ده المطلوب

مهما يعملوا و يقولوا هما عارفين ان احنا ضد الاسعار المولعة و مش هنشتري طول ما الاسعار في الطالع مش في النازل
ده في جرنال الاهرام لقيت فولكس منزلة من 10 ل 15 الف في سعر العربيات بتاعتها
و يارب الحملة تكمل و اللي احنا عايزينو يكون