حملة خلوها تصدى مجنناهم والله فى 90 دقيقة.. ولو صبرنا الاسعار هتكون زى ما احنا عايزين

**karimone** · 26-01-2009 11:11 AM

معني الكلام ده ان الحمله ليها تأثير اهو عشان يتكلموا عليها في برنامج هوا

انا كمان طول عمري مش بحب معتز ولا البرنامج بتاعه مني الشاذلي و عمرو أديب احسن كتييييييييييييييييييير

**outosend** · 26-01-2009 11:38 AM

استحاله ترخص ياجماعه وتعالوا نفكر بصوت العقل مش بصوت رغابتنا الشخصيه وبلاش نقارن ببره لان الوضع مختلف بره كتير
بره عندهم مرونه فى البيع والشرا العربيه ممكن ترخص قوى وترجع تغلى تانى وترجع ترخص وهكذا محدش بيزعل عادى
لكن تخيل الوضع ده هنا عربيه ب 100 الف موديل 2008 مثلا هل يقدر اى وكيل ينزل موديل 2009 بتاعها ب 95 الف مثلا طبعا استحاله كده بيخسر الجمهور اللى اشترى منه قبل كده وبيضرب الموديل بتاعه فى السوق وبيضربه فى سوق المستعمل كمان لكن هو يقدر يعملك حاجات تقديريه صيانات مثلا تأمين مجانى هدايا كله الا انه يلعب فى تمن العربيه دى صعبه جدا
دى الخلاصه والله اعلم

**Dr_MohSalah** · 26-01-2009 12:15 PM

المشاركة الأصلية كتبت بواسطة mohelsherief

I am sorry but I watched the whole program and no one said this at all!!!

اهلا استاذ محمد

انا اقصد انا الراجل التاجر رد على معتز وقاله ان الحملة مش هتعمل حاجة فى الاسعار والجملة اللى حضرتك مقتبسها دى هى رد فعلى انا على اللى قاله ومحدش قال كده فى البرنامج .. ارجو انه يكون الامر وضح

وخـــــــــــــــــــــــ ــــلوهـــــــــا تــصـــــــــــــــــــــ ــدى

**hamdy** · 26-01-2009 12:23 PM

خلوها تصدي يا جماعة
وياريت اللي عايز يشتري ياريت يصبر شوية يا جماعة
ارجوكم محدش يشتري دلوقتي
وان شاء الله هنقول يا هترخص ....يا هتصدي

نكون اجابيين مرة في حياتنا وناخد موقف

خـــــلـــــــوهـــــا تــــــصــدي

**MohaMed_Refaat** · 26-01-2009 01:36 PM

انا فعلا شوفت الحلقة ومعتز كان مستضيف
واحد اسمة د/حسام ودة رئيس رابطة حماية المستهلك
وواحد صحفى فى اخبار اليوم
وتاجر سيارات اسمة اسامة بودى
والتلاتة لما اجمعوا ان الحملة والمقاطعة ملهاش تاثير فعال دة خلى معتز يجى فى صفهم واصبح الحوار كولة ضد خلوها تصدى والتاجر زعل اوى لما قالوا ان هامش الربح كبير جدا يصل من 15 الى 25 الف فى العربية الواحدة بس احسن الوحشين هو كان الصحفى اللى كان بعض ارااؤة فى صالح المستهللك بعكس اللى اسمة حسام بتاع حماية المستللك .
بس التاجر سكلة كان مضايق جدااااااااا بس موت بغيضك وخلوها تصددددددددددى
اشمعنى السعودية نزلوا الاسعار علطول مصر دية فالحة فى الغلى بس لكن فى الرخص ؟؟؟؟؟؟؟؟؟؟؟؟؟؟؟؟؟؟؟؟؟؟

**Samir Elshahawy** · 26-01-2009 03:39 PM

مبروك ياجماعة أدي أول جولة

قبل كده ناديت بارسال ايميلات الي الفضائيات و حددت منها برنامج 90 دقيقة و العاشرة مساء و القاهرة اليوم و رد علي بعض الاخوة الكرام بأنه من المستحيل أن يصل صوتنا عبر الاعلام و هاهو قد وصل ليكون رد علي المشككين في الحملة بأنها لن تؤثر و لكنها ستؤثر و ستحدث صدمة بسوق السيارات أن شاء الله

المطلوب منا حاليا أن نحاول مجددا مع وسائل الاعلام لأن عرض الموضوع من جانب واحد فقط لايكفي , فقد أستضاف معتز الدمرداش تاجر سيارات له وجهة نظره و لكن المطلوب في المرة القادمة أن يستضيف من يمثلون هذه الحملة و يدافعون عنها أمام الجماهير و أقناعهم بها

**karimone** · 26-01-2009 04:28 PM

المشاركة الأصلية كتبت بواسطة SE_coralsea

مبروك ياجماعة أدي أول جولة

قبل كده ناديت بارسال ايميلات الي الفضائيات و حددت منها برنامج 90 دقيقة و العاشرة مساء و القاهرة اليوم و رد علي بعض الاخوة الكرام بأنه من المستحيل أن يصل صوتنا عبر الاعلام و هاهو قد وصل ليكون رد علي المشككين في الحملة بأنها لن تؤثر و لكنها ستؤثر و ستحدث صدمة بسوق السيارات أن شاء الله

المطلوب منا حاليا أن نحاول مجددا مع وسائل الاعلام لأن عرض الموضوع من جانب واحد فقط لايكفي , فقد أستضاف معتز الدمرداش تاجر سيارات له وجهة نظره و لكن المطلوب في المرة القادمة أن يستضيف من يمثلون هذه الحملة و يدافعون عنها أمام الجماهير و أقناعهم بها

العاشره مساء اتكلموا علي موضوع العربيات قبل كده بس ماجبوش سيرة الحمله

**Dr_MohSalah** · 26-01-2009 07:06 PM

المشاركة الأصلية كتبت بواسطة karimone

العاشره مساء اتكلموا علي موضوع العربيات قبل كده بس ماجبوش سيرة الحمله

ده لان الحملة بتكبر مع مرور الوقت واخبارها بتسمع فى كل مكان اكثر واكثر فاللى كان مايعرفش عنها حاجة امبارح بقى عارف كتير النهاردة وبكرة فى تانيين هيعرفوا وبالتالى الاعلام مش هيقدر مايتكلمش عنها عند نقاش موضوع السيارات

**AHMED900** · 26-01-2009 08:15 PM

انا ما جننيش غير اللي قال إن العرض قل تناسبا مع قلة الطلب

وعدت على معتز ، نفسي أفهم العرض قل ازاي ، والمخازن مرطرطة عربيات

وإذا كان فعلا العرض قل مع الطلب يبقى مافيش لا كساد ولامشكلة ولا حاجه

**karimone** · 26-01-2009 08:19 PM

المشاركة الأصلية كتبت بواسطة Dr_MohSalah

ده لان الحملة بتكبر مع مرور الوقت واخبارها بتسمع فى كل مكان اكثر واكثر فاللى كان مايعرفش عنها حاجة امبارح بقى عارف كتير النهاردة وبكرة فى تانيين هيعرفوا وبالتالى الاعلام مش هيقدر مايتكلمش عنها عند نقاش موضوع السيارات

انا عارف طبعاً
الحمله ايامها كانت لسه في البدايه و محدش كتير كان سمع عنها

الموضوع: حملة خلوها تصدى مجنناهم والله فى 90 دقيقة.. ولو صبرنا الاسعار هتكون زى ما احنا عايزين

LinkBack

أدوات الموضوع

عرض

-

-

-

-

-

-

المواضيع المتشابهه

بيع العربيات بالقسط و حملة خلوها تصدى

طريقة جديدة ومبتكرة لتنشيط حملة خلوها تصدى

كاتبين عن حملة خلوها تصدى فاول صفحة فأخبار السيارات

# حملة خلوها تصدى تصل الى موقع Masrawy #

حملة خلوها تصدى....اللى محتاج عربية وظروفو متستحملش انتظار يعمل اية؟

الكلمات الدلالية لهذا الموضوع

المفضلات

المفضلات

ضوابط المشاركة