يعنى ايه الكتاوت؟

**mahamedaraby** · 26-01-2009 05:51 PM

يعنى كتاوت العربيه

وشكلها ايه وايه فايدتها ؟

وياريت لو صوره ليها

**samirayad** · 26-01-2009 06:27 PM

المشاركة الأصلية كتبت بواسطة mahamedaraby

يعنى كتاوت العربيه

وشكلها ايه وايه فايدتها ؟

وياريت لو صوره ليها

الكتاوت بالنسبه للدينامو......بيعتبرالبوابه التى تحمى البطاريه من الشحن الزائد....بمعنى أنه خط دفاع للبطاريه من تعرضها للتلف...بحيث يقوم بقطع تيار الشحن عن البطاريه بعد تشبعها....وعلى فكره بالنسبه لدائرة شحن البطاريه اسمه الصحيح منظم فولت ...ولكن اعتاد الصنايعيه على تسميته بالكتاوت.......أما بالنسبه لدوائر الاضاءه للسياره فهو يستخدم لتقوية الدوائر عند الرغبه فى تزويد شدة الاضاءه وذلك بالتحكم فى عملية التنظيم للفولت.........هذا اجتهاد وقد يضيف زملاء آخرين تعليقات أفضل علميا

**umoussa** · 26-01-2009 07:22 PM

لا الموضوع مش كده خالص وبما أني مهندس كهرباء أصلاً فعندي التعريف الصحيح.

الكتاوت كما هو مصلح عليها بين الصنيعية عبارة عن Relay.

الـ Relay عبارة عن مفتاح بس مفتاح بيشتغل لما تجيله إشارة معينة، يعني هو مش مفتاح تشغيل وإيقاف عادي (On/Off) ومش بس كده دا بيقفل أو يفتح الدائرة الكهربائية لفترة زمنية معينة لحد ميجيلو إشارة تانية.

مثال: الناس إلي معاها عربيات فولكس من بداية من سنة 98، أول لما حضرتك بتفتح باب عربيتك الصبح بتسمع صوت طرمبة البنزين بتجمع، يعني بتضخ بنزين داخل خط الحقن علشان أول لما تحط المفتاح وتدور العربية تدور ومتغبش في الدوارة. طب طرمبة البنزين اشتغلت ازاي والعربية لسه مدراتش ووقفت ليه بعد 3 ثوان؟

الإجابة هي Relay الطرمبة أو كتاوت طرمبة البنزين، أول لما انت فتحت الباب، سويتش الباب بعت الإشارة لدائرة طرمبة البنزين قالها اشتغلي دلوقتي وبعد 3 ثوان افصلي وده إلي بيحصل.

وطبعاً في أمثلة كتير على كدا، كتاوت المساحات والزجاج الكهرباء والمرايات الكهرباء وفتحة السقف وحساس المطر لو عربيتم مجهزة بيه

يعني، دا إيضاح سريع

**samirayad** · 26-01-2009 08:14 PM

أنا مش مهندس كهرباء .....بس بقول لسعاتك الكتاوت اللى بيقول عليه الصنايعيه بره ده ....اسمه العلمى voltage regulator ......بينما الrelay هو فعلا مفتاح قفل وفتح عن بعد دون تدخل العنصر البشرىremote controle on/off scwich .....والمستخدم فى دائرة الشحن هو منظم فولت وليس ريليه.....

**mahamedaraby** · 27-01-2009 02:26 AM

ِشكرا للتوضيح والافاده

جزاكم الله كل خير

**homme49** · 27-01-2009 03:04 AM

كتاوت = cut out

**lancerevolution** · 27-01-2009 03:29 AM

طب المفرد بتعها إيه؟؟؟
معلش سؤال ملح

**أحمد سالم** · 27-01-2009 05:06 AM

الكتاوت ووظيفته
اولا الدينامو فى كل السيارات بيطلع كهرباء غير منتظمه يعنى وممكن توصل لغاية 30 فولت طبعا لو اخذنا الكهربا من الدينامو مباشرة يبقى اللمبات والتسجيل هيتحرقو بأستمرار لان الدينامو وخروج الكهرباء منه مرتبط بسرعة محرك السياره يعنى لو زودنا بنزين الدينامو يلف اكثر ويطلع كهربا اكثر وهكذا
طيب الحل ايه ان يكون فى جهاز وسيط بين الدينامو واجهزة السياره اولا وبين الدينامو وشحن البطاريه يبقى الكتاوت ليه وظيفتين الاولى انه لما البطاريه لما تبقى مليانه شحن على الاخر يعمل cut للكهربا اللى رايحه للبطاريه
وثانيا بيحول الكهربا اللى داخله للسياره اللى كهرباء منتظمه تتراوح مابين 12.5 فولت حتى 14.2 فولت بحد اقصى وهى كهرباء منتظمه متوافقه مع كل لمبات السياره والكاسيت وكل ماينفع للتشغيل داخل السياره
يبقى مهم جدا اننا نكشف على الكتاوت باستمرار لان عمر البطاريه مرتبط بجودة الكتاوت
وللاسف اغلب الانواع المتواجده فى السوق مش كويسه عن تجربه
مع العلم انه يوجد شركات بطاريات تقوم بتركيب كتاوت على البطاريه لما تشتريها لاكن النظام ده مش موجود فى مصر

**samirayad** · 27-01-2009 07:31 AM

وبرده عاوز أقول ان اللى موجود فى دائرة الشحن ده اسمه منظم فولت ليه...لأن الديناموهات اللى موجوده دلوقتى مبنيه على نظرية عمل التيار المتغير وبنلاقى الدينامو من الداخل تركيبه مثل مولد التيار المتغير (علشان يكون فبه استمراريه للشحن حتى مع السرعات البطيئه وخصوصا داخل المدن وفى الاشارات......وهنا بقه بيجى دور عملية تنظيم الفولتvoltage Regulation ....وهو فعلا الدينامو مثل المولد المتغير ....ولكن يتم تقويم هذا التيار المتغير وتحويله الى مستمر بواسطة دائرة الموحدات......وكل ده للمحافظه على البطاريه وعملية شحنها فى كل أحوال السرعه