نتمنى ان ميكونش فى اى خلافات بين الاشخاص
ولكن الاختلافات فى وجهات النظر وده شىء يحترم(بضم الياء) من كل الاعضاء
عرض للطباعة
نتمنى ان ميكونش فى اى خلافات بين الاشخاص
ولكن الاختلافات فى وجهات النظر وده شىء يحترم(بضم الياء) من كل الاعضاء
أرجو من الأخوه الأفاضل...(ولا أقصد الكل طبعا بل البعض ممن يأخذهم الحماس الزائد).....ضبط النفس قليلا......وبالذات فى التعليقات الخاصه بالمقارنه بين السيارات الدايو والأنواع الأخرى.....فكل واحد وله وجهة نظره ولا يهمنا رأى الأخرين فى السيارات الدايو ....وبالذات الأراء الهجوميه....ومن حق أى واحد يدخل منتدى الدايو أو غيره ويقول رأيه......وحنقدر نرد عليه......بناءا على أسلوبه فى التحاور.......أشكركم وبتأسف لهذا البوست منى ولكنى رأيت أنه من الواجب على تنبيه أخوانى.....أشكركم....وبعتذر مره أخرى للزميل الذى لايستسيغ كلامى هذا...ولكن أكيد فيه اللى حيؤيدنى فى كلامى هذا.......
يا باشوات الدايو عربيات ممتازة بالرغم انى معايا فيكترا
كفاية يا أخوانا قطع الغيار اللى عندنا دبح فى الأوبل يعنى قاعدة موتور النوبيرا ب 45 جنيه كورى و عندنا الصينى بلاش الأصلى ب 150 جنيه و لو على المقارنه حاجات كتير
هى الدايو زى الفل و كل واحد عربيته فى عينه غزال و لو كانت كارو
بلاش العصبية اللى ملهاش لازمة و اللى تزعل الناس من بعض
كل عربية فى الدنيا ليها ميزان مزايا و عيوب و الصح ان الميزان يطب ناحية المزايا مش العيوب لأن المرسيدس و البورش و البى ام و الجاجوار و الرولز رويس عربيات بملايين و هتلاقى منها شكاوى و عيوب ممكن تكون فى حاجة جامدة و ممكن تكون فى حاجة بسيطة زى صوت الهواء بيخش من ازاز الفئة الخامسه و تفقيل مواد الجلد فى الجيتا سئ جداً و صوت الشكمان فى النونيرا وحش و صوت العجل على الأرض فى الأوبل مش ظريف
ده عندهم عيوب خطيرة و عندنا هاتهلى يا عم من غير ازاز و لا شكمان و لا عجل و لا حتى فرش خالص و ببلاش و انا مستعد اركبها
محدش عمرة يقدر يقولى ان عربيته مهما كان نوعها او موديل صناعتها او بلادها انها رقم واحد و انها السيارة التى لا يوجد مثيل لها على وجة الأرض
لو كده كان اللى صانعها ما غيرهاش و هى بالكمال ده و الكمال لله وحدة
شكراً و عذراً للأطالة
ربنا يباركلك يا باشا و فى الأخر ان احنا نغلط فى بعض مش لذيذه
فى انجلترا فى مثل بس قليل الأدب بيقول و لا بلاش
كل واحد عربيته غالية عليه زى ولاده و بيته و الغلط فيها بيعتبره غلط شخصى فيه هو
و زميل كاتب بيت شعر ما اعرفش قصده منه ايه بس مش مكانة و لا موقفه بالرغم من انه جامد موت
و ربنا يهدى الجميع
ربنا يكرمكم جميعاً المنتدى ده بقى مدرسة العربيات و قطع غيارها و رجوله المشاركين انهم بيخدموا اى حد لو اطلب منهم حاجة زى ( مع حفظ الألقاب )
محمد ممدوح - محمد مختار - احمد علاوى - سمير عياد - كوداك جى تى ( ملك الصوتيات ) و كتير كتير كتير مش عارف اقول مين و لا مين
الرجالة مش بعربياتهم بقلوبهم اللى زى الدهب و أدبهم
ياجماعه انا كنت كاتب كل واحد يقول رايه وبلاش تعصب لان العربيات مش شئ مقدس وبلاش غلط في الاشخاص وكل واحد ليه حرية راي ....وانا زعلان جدا لان الموضوع بتاعي اتحول لكده
100*100مضبوط :S_thum1[1]:أحنا كلنا أخوة والاختلاف في الرأي لا يفسد للود قضية