انا اسف علىبيت الشعر اللي انا كتبته لكن زي مابيقولوا القافية حكمت وعموما مفيش خلاف أن شاء الله مابين اي حد وكفاية ان الدايو جمعيتنا مع بعض وكأننا شيفين بعض .:Zb_sor1[1]:
اكرر اسفي . وشكرا
عرض للطباعة
انا اسف علىبيت الشعر اللي انا كتبته لكن زي مابيقولوا القافية حكمت وعموما مفيش خلاف أن شاء الله مابين اي حد وكفاية ان الدايو جمعيتنا مع بعض وكأننا شيفين بعض .:Zb_sor1[1]:
اكرر اسفي . وشكرا
بس مع احترامى الشديد لأعتذار سيادتك
بيت شعر تحفه و يعبر عن سلبيات كثيرة فى المجتمع المصرى
بتاع مين ده
المفروض كل واحد بيتكلم عن عربية يقوول مميزتها وعيوبها وميكونش متحيز لان مفيش عربية كاملة
انا ان شاء الله هشتري عربية مستعملة وشكلي كده هاجبها دايو:3mla:
يا جماعة النوبيرا عربية محترمة جدا والله عن تجارب اناعربيتى مرضاش ابدلها باوبل انا حر
السلامه عليكم ورحمة الله
يا باشمهندس لا نجاح الدايو منعها من الإفلاس ولا كم الإنتقادات حد من نجاحها وراوجها كأنجح عربيه شعبيه في مصر . حضرتك بتقول "وقفه لأصحاب الدايو " مع فائق احترامي لا هيقدم إلا ساحه للنزال لكل دايوهاتي ضد اي ماركه تانيه وهيتحول الحوار للمبارزه الكلاميه و الشخصنه بين أعضاء ممكن يجمهم صداقه أفضل ما يجمعهم خلاف.
طبعا الخلاف لا يفسد من الود قضيه وأرجو انك متفهمش كلامي على انه انتقاد لموضوعك وتفهمه على انه محاوله لعدم ايجاد زريعه لأي خلاف مابينا وكفايا انا احنا يا إما :
أهلاوي - زملكاوي - اسمعلاوي
حمساوي - فتحاوي
سني - شيعي
كمان هنبقي دايوهاتي و أوبلاوي و لانسراوي :biggrin:
هو حضرتك قريت الموضوع كله ولا الكلام ده بس...
ياسيدي الفاضل انا ماقولتش اني انا دايوهاتي ولا بدعوا للتعصب ...انا كاتب في اخر الكلام (ياريت يكون الموضوع هادئ وبعيد عن التعصب ) وبعدين انا كاتب الموضوع للمناقشه بصفتي واحد من ملاك الدايو اللي دائما بتيجي في اي مقارنه ولازم تطلع اقل من اللي بتتقارن حتي ولو كانت عربيه سبعينات ..وكنت اريد معرفه هل فعلا الدايو اقل من اي عربيه تقارن بيها ...لاني فعلا من كتر الكلام اللي سمعته ابتديت اشك في جودة عربيتي ...وبعدين الموضوع مشي بسلاسه وهدوء وكل واحد عرض وجهة نظره وكان هناك بعض الكلمات اللي خرجت بدون قصد واعتذر اصحابها عنها وجميعهم من الشخصيات المحترمه ...وحتى لو حضرتك (انا بقول لو ) انتقدت موضوعي.. فعلى الرحب والسعه ...وانا دائما باستفيد من وجهات النظر المختلفه معي وعمري مااعمل مشاكل مع حد على علشان عربيه او كوره او ... فانا لست متعصبا لشئ الا لديني فقط ....وعالفكره انا مش من المعجبين بالنوبيرا عالرغم من اني مالكها لانها لاترضي طموحي في العربيات ولكني اشتريتها لانها من وجهة نظري الافضل في مصر من حيث العلاقه بين السعر وامكانيتها الجيده وثباتها وتصميمها...وباءذن الله لما ربنا يفرجها هاغيرها بحاجه افضل وافخم واكيد مش دايو ... اتمنى انها تكون (اوكتافيا اوجيتا او باسات )...ادعيلي
ياباشا يكفى ان اخر الاحصائات فى مصر بتقول ان شركة دايو ثانى اكثر عربية انتشارا فى مصر بعد الميتسوبيشى دة مش يعرفك ان الدايو مكتسحة الموديلات التانية
انا كان معايه اكسنت 1300 بصراحه الفرق كبير جدا وال 1500 الف وخمسميه والجديد جديد والدايو دايو
أولا أنا مقولتش ان حضرتك متعصب أو حتى بتدعوا للتعصب لا سمح الله كل الي أشرت ليه ان الموضوع ممكن يدخلنا سكة ممكن توجد خلاف بين بعض الأعضاء.
ثانيا انت نفسك جاوبت على اي انتقاد للعربيه بإنها الأفضل من حيث العلاقه بين السعر و الأمكانيات
ثالثا وده الأهم ياريت لو تتطلع على اللينك ده الى فيه طرح موقف حصل بحسن نيه من صاحب الموضوع لكن الموضوع تحول لساحة نزال بين الأعضاء للدفاع عن الماركات المختلفه وده الي دفع اداره المنتدي لغلقه
http://www.nilemotors.net/Nile/showt...A+%D1%C7%D3%ED
ياريت تتقبل اعتذاري لو وصلك حاجه تانيه غير الي قصدتها وتشرفت بمعرفتك يا باشمهندس