اللى جرب الاسبرانزا وخصوصا موديل 2009 ..!!

**maby3rafnesh** · 27-01-2009 12:28 AM

مساء الخير ..

انا تقريبا معايا 65 الف جنيه

وعاوز اشترى عربيه ومبقيش عليا اى حاجه

فا قدامى كذا عربيه تقريبا فى نفس السعر او اكتر شويا

الشوفرليه الانوس الجديده

والهونداى الفرنا

والاسبرانزا طبعا a516

والشوفليله الافيو .. ولونها هتبقى محتاجه كمان 10 تلاف جنيه !!

انا بصراحه منظر الاسبرانزا وكلمليتها شاددنى اوى وهيا انسب واحده بالنسبه للفلوس الى معايا

مع العلم انى انا بحكم شغلى بسافر كل اسبوع مره او اتنين مثلا مسافه زى من الاسكندريه للقاهره

فا محتاج عربيه تستحمل معايا مشاويرى

وعربيه تفضل معايا 3 سنين شغاله تمام وتكون قطع غيرها مش غاليه اوى

تنصحونى بى ايه ؟!.. والى جرب الاسبرانزا رائيه فيها ايه وخصوصا موديلات 2009

واخر سؤال هوه فعلا موديل 2009 فى الاسبرانزا الشنطه الى ورا صغيره شويا عن بقيت الموديلات ولا هيا هيا ؟!

**engmrz1234** · 31-01-2009 12:11 AM

والله ونا زيك ياريت حد يفيدنا في الموضوع ده ولو اني فعلا حابب الاسبرانزا بس عايز حد يشجعني خصوصا ان فيه كلام كتير عليها هنا

**keko123** · 31-01-2009 01:40 PM

انا ارشح ليك الاسبيرانزا هى معايا بقالها سنتين واعرف ناس معاهم الفرنا وبيعيبوا عليها علشان الثبات وانها واطية والاوبشن بتاعتها ضعيفة
اما الانوس المطور بتاعها تعبان هو والعفشة
اما عن عن الافيو فهى عربية كويسة بس بيعبها ان حجمها صغير وما فيهاش اى كماليات خالص
الاسبيرانزا هى اكبرهم حجما
ارشحلك الاسبيرانزا وانا جاهز لاى رد
شكرا

**mohamed sedek** · 31-01-2009 01:49 PM

الشنطه واحده ده كفايه انها بتشيل 3شنط سفر و انا رايح او جي من المطار بالاضافه ل3وار و واحد كمان جنبي و كل ده طالع نازل مطبات و لا حك و لا مك في المطبات زي الانوس كانت معاي كانت بتنام مني علي المطبات ومينفعش اقول لحد مناللي معاي انزل لغايه مااعدي المطب

**mohamedrefaat** · 31-01-2009 01:55 PM

معايا بقلها سنه وزى الفل بس بلاش وسوسه وحد يقوللك صينى تبتدى توسوس

**keko123** · 31-01-2009 11:33 PM

لا يا عم
انتا لازم يكون عندك يقين ان عربيتك احسن عربية
انا عن نفسى بشد مع لانسر وبسبقها
بس هيا الناس بتحب تطلع اشعات
ما انتوا عارفين

**maby3rafnesh** · 01-02-2009 01:58 AM

والله ياجماعه انتو طمنتونى

وانا راى ان الناس بتكش من اى حاجه صينى وخلاص

بس انا فيه مشكله كبيره عندى برده

بيقلو لو حبيت ابعها محدش بيشتريها وينزل من تمنها كتير اوى اوى

حد شاف عليها اقبال فى البيع والشرا؟!

وكمان انا سمعت ان الشركه بتحضر لى شكل جديد ليها فى اواخر 2009
حد سمع حاجه كده ..؟!

واخيرا انا فيه ناس قالتلى قسط 10 تلاف وهات هونداى نيو اكسنت بيقلو عربيه شديده وبتعيش وعليها اقبال كبير .. هتفرق كتير عن الاسبرانزا فعلا؟!

واسف على كتر الاساله ..

**AboSalah_79** · 01-02-2009 07:25 PM

بص يا باشا لو هتخش فى موضوع القسط هيبقى قدامك إختيارات كتير زى النيو أكسنت وكيا ريو و نسيان صنى وهتلاقى نفسك كل شوية بتقول أقسط عشرة بعد كده خمسةعشر و عشرين لغاية متلاقى نفسك داخل فى تلاتين أربعين فلازم تحدد عايز كاش و لا قسط.

أنا كان معايا لغاية خمسة وستين ألف كاش و كنت ناوى أجيب قسط فلقيت إنى كل ما أرسى على عربية أطلع على الأعلى منها وقول مش فارقة لغاية ما أشتريت دماغى و قلت أجيب كاش و توكلت على الله وجبت إسبيرانزا 2009 لأن الواحد مش ضامن الظروف ليه أزنق نفسى فى أقساط لما الواحد ربنا يكرمه يبقى يغير و يجيب حاجة أحسن

و بخصوص الإسبيرانزا هى عربية ممتازة (من وجهة نظرى وأحسن من عربيات تانية أغلى منها) أعتقد إن عيبها إن هى صينى يعنى لو إتقال إن دى عربية كورى ممكن سعرها يعدى المية.
وده مجرد رأيى الشخصى - ممكن تشوف رأى بقى الأعضاء أكيد هيفيدوك أكتر

**maby3rafnesh** · 02-02-2009 12:14 AM

انا خلاص النهارده دفعت 50 الف وهقسط الباقى على عربيه نيو اكسنت

وفرت قرشين دخلت عليا مصلحه اساسا يمكن يجى من ورها قرش كويس

وفى نفس الوقت كله اساسا كرهنى فى الاسبرانزا

متشكر ياجماعه على كل الى ردو وحاولو يساعدونى

شكرا على الافاده الى كانت بضمير .. وربنا يجعلها فى ميزان حسناتكم