السلام عليكم
انا عايز اعرف سعر رفرف امامى للأكسل؟
وشكرا
رقم العضوية : 30489
تاريخ التسجيل : 19Jan2009
المشاركات : 143
الاقامة : Mansoura
الحالة :
حاولت تجميع أسعار بعض قطع الغيار التى وردت برابطة مالكى أكسل من اول صفحة حتى صفحة رقم 107 عن طريق copy , paste و هى كالتالى :
---------------------------------------------
بالمره أسعار فوانيس ورا 180 بالضفيره... ده فى اسكندريه
فانوس اشاره مش اصلى 10 جنيه ... أصلى 25 جنيه
كشاف امامي 100 جنية ماركة depo
سير كاتينة 50 جنية
سير دينامو 35 جنية
سير باور 15 جنية
سير تكيف 15 جنية
بلية سير كاتينة 110 جنية
كشاف خلفي 90 جنية
دينامو استيراد 150 جنية
ازرار الزجاج الاربعة 125 جنية جديدة و 90 جنية استيراد
مقاومة موبينا 7 جنية
لمبة كشاف امامي 15 جنية
بوجيهات 45 جنية
حساس حرارة 50 جنية
مرة سالت علي سعر الموتور في الحرفيين ب 2000 جنية وبالفتيس 2700 جنية ( من غير فصال)
------------------------------------
الكبالن : تايوانى 270 طبعا الجوز وفى المانى 360 وفى يابانى 470 جنيه ايه رأيكم فى الاسعار دى.
__________________
-----------------------------------------------------
انا عن نفسى معايا هيوانداى اكسنت 1500 موديل 2000 وبرضة حبيت انضم ليكم وتبقى ربطة الاكسيل والاكسنت ..
على العموم انا لسة معمر الموتور وحابب احط الاسعار
طقم بستم 220
طقم صباب يابانى 210
طقم سبيكة 130
كاوتش صباب 30
طلمبة زيت 275
بلية دبرياج 50
بلية الكاتينة 50
طقم جوان 35
سير كاتينة 35
طقم شمبر 100
سلوك بوجيهات 30
على فكرة الاسعار تقريبا هى هى للاكسيل برضة
على العموم حبيت افيدكوا ويا ريت نضم الاكسنت الى الاكسيل لانها تقريبا زى بعض
------------------------------------------------------
دى يا رجالة أسعار الببان بتاعت الإكسيل من التوكيل
باب شمال ويمين أمامى525جنيه
باب شمال ويمين خلفى525جنيه
فبر أمامى45جنيه
فبر خلفى40جنيه
مرايا شمال145 جنيه
مرايا يمين145 جنيه
دى الأسعار للجمهور
A
دى يارجاله أسعار شوية حجات من التوكيل بتاريخ23/2/2008
لمبة واحد فولت المانى2.5 جنيه
منظف كربيراتير إنجكشن20 جنيه
جركن زيتxhp موبيل85 جنيه
فلتر زيت هيونداى أصلى35 جنيه
فلتر هواء هيونداى أصلى35 جنيه
فلتر بنزين هيونداى أصلى15 جنيه
سير كاتينة65 جنيه
سير دينامو30 جنيه
سير تكيف 30 جنيه
بلية شداد كتينة90 جنيه
طقم بوجيهات782250 جنيه
زجاجة زيت باكم10 جنيه
جركن زيت تروس Hd فتيس43 جنيه
والبقية تأتى
----------------------------------------
بالنسبه للزجاج.. انتهزت فرصه و انا عند الكليه رايح للعربيه فى الازاريطه...
سألت واحد بتاع زجاج.. قالى اللى قدام ب 270 و وراء زجاج حرارى 240 من بقه من غير و لا كلام و لا فصال...
--------------------------------------
أنا عندي اكسيل 1500 مانيوال 1997
اشتريت ردياتير استعمال خارج من الحرفيين 350 بالمراوح
و لو من غير المراوح يبقي من 150-170 بس المهم تختاره كويس علشان فيه بيقي مخبوط
-------------------------------------------
طلمبة مياه ياباني 100
2 مساعد خلفي ياباني زيت بهواء 240 من شارع دمشق و حسنوا حالة العربية بصورة جيدة
---------------------------------------------------
الكبالن الالماني ممتازة في حدود 350 - 380 جنية.
التيواني عمرها قصير والياباني الله اعلم.
--------------------------------------
أنا معايا اكسل 95 1500 خليجى، بصراحة عربية ألف الالف ومشاكله نادرة.انا جبتلها كبالن تايوانى ب 200 جنيه وشغاليين زى الفل
-------------------------------------------------
انا كان عندي مشكله في العفشة وصوت اهتزازات وكانت بسبب المساعدين بس عن تجربة ان مافيش احسن من المساعين الياباني افضل من الاصلي بتوعها
والطقم الامامي ب 475 و الخلفي 150 ده الياباني ال k y b
-------------------------------------------------
الجمعة الماضية غيرت مروحة "مروحة سربنتينة التكييف"
*سعرها جديدة 400 وشوية مش فاكر كام بصراحة
*سعرها استيراد (كوري اصلي) بعد الفصال وبيع شاسية المروحة
القديمة للبائع بالعافية 75 جنية + 5 جنية تركيب!
-----------------------------------------------------
انا اكتر زيت ارتحت معاة كالتكس هافولين بيتغير كل 4000 كيلو
وسعر العبوة 90 جنية. الشيل كوبي برضة. الفلاتر انا بشتري فلتر
كوري بـ20 جنية بيقعد 10000 كيلو متلاقيش علية نقطة زيت متسربة
ابداً.
--------------------------------------------
فسألت عند مراكز التوزيع قالى الكربراتير الجديد من 2000 الى 2500 جنيه طبعا" غالى جدا
رحت للاستيراد قالوا من 300 ل 450 جنيه حسب حالته بس مش متوفر دلوقتى
------------------------------------
سالت علية في الحرفيين سعرة من 300 الي 350 (الكربراتير)
خايف اروح التوكيل احسن يتخرب بيتى لانى عندى تجربة مع التوكيل فى الاسعار ( سعر فردة المساعد الامامي 375 جم و اشتريتها من برة الجوز ب 300 جم و شغالين زي الفل ، مش عارف ليه المبالغة فى الاسعار و ماتقوليش الضمان و رقم قطعة الغيار و الكلام ده لانه من الآخر مافيش ضمان و لا صيانة فى مصر فى اي حاجة مش بس العربيات) على فكرة انا من اسكندرية
----------------------------------------
الردياتير الاستيراد في حدود 250 جنية...
-------------------------------------
السلام عليكم انا لسه مغير عفشة العربية 1500\95 و دي الاسعار
مساعدين امامي ب475 ياباني
كوبلن ب 470
شداد موتور ب 35
طقم بارات ب 60
و بعد المتنوعات سعرها خفيف
----------------------------------------
كربراتير استيراد 550 جنيه يخص عربية 1500 cc كهرباء على الرغم من انى 1300 cc عاده و مجبتوش الا لما اتصلت بالميكانيكى وقالى مفيش مشاكل و فعلا جبتهوله و عمل له و صلة كهرباء وجربتها و هوه جربها فالحمد لله تمام
سير كاتينه ألمانى 45 جنيه
سير تكيف كورى 25 جنيه
فلتر هواء هيونداى 15 جنيه
-------------------------------
فلتر بنزين هيونداى 20جنيه
زيت شل 87 جنيه هيلكس اصفر
مساحات زجاج يابانى 25 جنيه الكهربائى ركبها ب 5 جنيه
بطارية Ac delco سعودى 500 جنيه
الحاجات دى ركبتها عند الميكانيكى ب 80 جنيه
------------------------------------------
عربتى هيونداى اكسل 95 مانيوال فيها صوت من الخلف زى صوت تلف المساعدين سالت بتاع العفشة قالى المساعد الخلفى سليم والصوت ده من حاجة اسمها الكمرة ولازم تتغير سالت عليها لقيت سعرها حوالى 400 جنيه استيراد فعايز اعرف ايه هى الكمرة ووظيفتها ايه وهل فى مشكلة لو مغيرتهاش
وشكرا
--------------------------------------------
الكبالن اتحاد اوروبي 150 جنيه الاتنين وعلي فكرة ممتازين
الاكصدام الامامي 160 جنيه الخلفي 375 جنيه
كشاف امامي 90 جنية خلفي 75 جنيه اشارة 25 جنية
مساعد خلفي 90 جنيه امامي 160 جنيه
مقص امامي 115 جنيه
مراية جنب كاملة 70 جنية
رفرف امامي 160 جنيه كبوت 400 جنيه
ديه اخر اسعار عرفتها للاكسيل
------------------------------------------------------
الكاوتش ممكن تجيب GT اندونيسي كاوتش طري ومريح في المطبات
في حدود 200 جنية للفردة.
-------------------------------------------------------
انا كنت جايب اكرة امامي يمين كانت ب30 جنيه فهتلاقي الليورا تقريبا مش هتزيد
وعلي فكرة انا لسة جايب لللعربية 4 فرد كاوتش جداد مع بعض الكومهو جميل جدا الفردة عاملة حوالي 230 لحد 250
نا لسه مغير السيور بالكامل و ماسورة التبريد اللي خارجة من طلمبة المية
و ديه الأسعار:
سير الكاتينة في التوكيل كان عامل 90 جنيه بعد الخصم و انا جبته الدايكو الأيطالي ب50 جنيه و زي الفل
و سير الدينامو الكوري من بره التوكيل ب 15 جنيه و زي الفل طبعا لكن سير الباور هو الحاجة الوحيدة اللي جبتها من التوكيل علشان مقاسه مظبوط مية في المية و سعره 27 جنيه بعد الخصم و انا بنصح الكل يجيب سير الباور بالذات من التوكيل
و ماسورة التبريد من التوكيل بعد الخصم ب 150 و انا جبتها الأصلية من برة و الأصلية ب50 جنيه و ماتنسوش تشترو اويل سيل عريض ب2 جنيه و ياريت تحطو مياه خضرا و بلاش مية حنفية خااااااااااالص (عن تجربة)
كالتكس هافولين فورميولا بـ 90 جنية بيتغير كل 4000 كم
دة الزيت اللي انا بستخدمة مع الاكسيل منذ فترة.
----------------------------------------
--------------------------------------
سألت فى الحرفيين على الفتيس لقيتهم بيقولوا 1500 جنيه كامل(ده اول كلام)
المهم كلام التنفيذ 1100 جنيه
عرفت انى صرفت نص تمن الفتيس وبعدين خسرته
بس اتعلمت حاجه بالنسبه للاوتوماتيك
الفتيس بيستهبل
غيره فورا وخلى القديم عندك كقطع غيار
وعلى فكره انا كنت ببيع العربيه واللى كان عاوزها طلبها مانيوال
قلبتها مانيوال وصرفت حوالى 1400 جنيه شامل كل حاجه
اتوكل على الله وغير الفتيس احسن وارخص
غير انه مش غالى مقارنه بأى نوع تانى
وهتلاقيه موجود كتير فى بورسعيد والحرفيين ومش عارفين يبيعوه لان العربيات الاستيراد اغلبها اوتوماتيك والناس عاوزه المانيوال
وابقى طمنى
-----------------------------------------------
أرسلأصلابواسطةmero25
الفشكريباشاريحتناواللهطبشحنالفريونبيكلفكام
من 50 لـ 150 حسب الحاجة.
-----------------------------------------------
انا كنت جايب طقم ديبرياج كامل اسطوانة وديسك وبليه من اقل من سنه كان حوالى600-650 جنية
وحوالى 50-70 تركيب
------------------------------------------
انزل بورسعيد هتلاقي هناك الفتيس الوتوماتك اكثر من المانيوال
عملية التحويل هتتكلف 2000 جنية تقريباً.
--------------------------------------------------
والتحويل ممكن يتكلف اقل من كده كمان لانى حولت الاكسيل من اوتوماتيك الى مانيوال
هتلاقى الفتيس الاوتوماتيك موجود كتير بسعر من 800 جنيه الى 1200 جنيه
وممكن اقل
وكمان هتحتاج شويه حاجات
ايد فتيس كامله بالواير بتاعها
مارش لان الفتيس الوتوماتيك المارش مختلف عن المانيوال فهيعمل معاك صوت مزعج
راسين كوبلن لان مقاسهم مختلف وممكن متحتاجهمش
بس المهم انك لما تشترى الفتيس لازم تاخد ميكانيكى شاطر
ولازم هو اللى يحله من على الماكينه بالضفيره كامله
علشان اى سلك ناقص ممكن تدوخ عليه والصنايعيه يفتكسوا فيها
وتتأكد انه على تجربه علشان ميكونش مخلوع من عربيه تانيه وفيه مشكله
وصدقنى هترتاح جدا فيها بس المهم متكونش ناوى تبيع لانك ساعه البيع كله هيقولك اوتوماتيك لاء
واى خدمه وابقى طمنا عملت ايه
------------------------------------------
-----------------------------
ركب فلتر هواء رياضي "في250 جنية ".
--------------------------------------
بالنسبه للمهدى اللمبه للكشاف الامامى هى ب3 جنيه او 4 وممكن تشترى وش كشاف الاشاره ودا لو موجود هيكلفك من 5 الى 6 جنيه وعامه لو الموضوع وقف على الاشاره كلها فهى ب25 جنيه تقريبا جديد او مستعمل الفارق ان الجديد تايوانى لكن المستعمل هو الكورى الاصلى بالنسبه للتركيب 5 جنيه بالكتير ولو انت تعرف حد خبره ممكن يركبهم يعنى انا اللى اللى بركبهم بنفسى والحمد لله
-------------------------------------
بس خليك فى الجديد ولو جبت هات الوشين مع بعض علشان متلاقيش فرق فى اللون
وعامه الوش عامل 5 جنيه والخلفى الوش عامل 15 والاصلى(الكويس يعنى) عامل 25
---------------------------------------------
الاوتوماتيك فى الاكسيل جميل جدا
عملت بيها 20000 كيلو بدون اى مشاكل
بس فجأه
الفتيس باظ
اصلحه مبيتصلحش
لازم يتغير
هو على فكره رخيص
مش هيعدى 1000 جنيه
بس ضايقنى جدا
قلبتها مانيوال اتكلفت حوالى 1300 جنيه
بس ما ارتحتش فيها بعد كده
كنت زهقت منها وغيرتها
بس دلوقتى مفتقدها جدا
ونفسى اركب هيونداى اوتوماتيك تانى
---------------------------------------------------
تيل امامي وخلفي اسمة جولدن بـ50 و60 جنية.
على فكرة الجولدن دة التيل الكوري ونوعة كويس.
-----------------------------
شحن البطارية على التونجر بـ10 جنية
---------------------------------------------
انا عندي اكسيل 1994 كوري مرة حبيت أجيب كبالن لقيت بتوع الشركة ب 650 جنيه و لقيت عند الشرقاوي الي في جسر السويس الي أدام نادي الشمس عنده كبالن صيني ب 220 جنيه بصراحة انا مركبهم من أكتر من سنتين و زي الفل يا رب الاقي منهم لما آجي أغير تاني
-------------------------------------------
أسعار بعض قطع الغيار
طقم جلب المقصات 40 جنيه
أفيز المقص 10 جنيه
كوع الميه 15 جنيه
طقم مساعدين خلفى Kyb يابانى غاز 240 جنيه
فلتر هواء 15 جنيه
سوستة شكمان 40 جنيه
-------------------------------------------------
علبة الدركسيون الباور 300 جنيه (استيراد)
كبالن 350 جنيه (ايطالي)
مساعدين امامي Kybياباني 450
و الخلفي 260
قاعدة موتور امامية 35 جنيه
قاعدة خلفية 45 جنيه
وش سيلندر (استيراد)800 جنيه
بلي عجل امامي 65
تيل فرامل امامي (الاصلي) 90 جنيه
فانوس امامي (ديبو تايواني ) 100 جنيه
فانوس اشارة (ديبو بردو) 25 جنيه
الفوانيس الخلفية يستحسن تيجي استيراد لان اللي في السوق كله اي كلام
الفانوس بحوالي 80 جنيه مع ان الجديد ب60
مقصات امامية 240 جنيه
اكصدام امامي ب 170 جنيه
كبوت استيراد ب 350 جنيه مع ان الجديد ب 280 بس تايواني و خفيف
رادياتير استيراد ب 200 جنيه
طلمبة ميه بحوالي 180 جنيه
دينامو استيراد ب200 جنيه
--------------------------------------------
الإكصدام الخلفي موجود عند نافع في ميدان الجامع - مصر الجديدة
سألت عليه من شهر كان ب 400 جنيه أصلي
---------------------------------------------
المقصات ب260 الجوز الكوري
مسمار الاتزان 20 حنية الجوز
المساعدين الامامي ب450 جنية الياباني
-----------------------------------------------
الكاربيراتير بيعمل في جدود 400 جنية -/+ 50
---------------------------------------------------
في الآخر اشتريت كاربرتير استيراد 1500 كهرباء بـ 500 جنيه
------------------------------------
أرسلأصلابواسطةvbshar
السلامعليكمعنديسؤالصغيرلوعاوزاركبباورلعربيتيال1300هيتكلفكام (والمصنعية ) وهلياترىهيبقىكويسعلىالعربيةولالأوياريتتنصحونياجيبمنالقاهرةاوبورسعيدولاالمنصورةمعالعلمانيمنالمنصورة
في حدود 500 جنية بالمصنعية بس هتشتري الحجة استيراد،
يفضل من بورسعيد علشان تكون جاية استيراد من الخارج ومش
متفكة من عربية هنا ومتصلحة.
-----------------------------------------
يبقى هتجيب قطع غيار الاكسيل الباور استيراد برضة علبة وخزنة زيت بالوصلات والخراطيم بالكاتينة وهتشتري سيرجديد.
الحجات دي هتكلفك في حدود 750 لـ 850 جنية والمصنعية في حدود 130 جنية كمان.
------------------------------------------
يبقى كدة الردياتير تهالك، ممكن تريح نفسك وتشتري الردياتير
الاصلي بتاع الاكسيل في حدود 250 لـ 300 جنيه وتوفر وقتك
وفلوس الاصلاح.
المهم الانذار الولف بيعمل في حدود 185 جنية +/- 10 جنية
انزل جيبة من التوفيقية وبتاخد معاة ضمان 5 سنين، بس ابقى
اختمة من عند البائع.
-------------------------------------------
امبارح رحت جبت الريداتير الاصلى فيبروالمونيوم بالغطاء والثرموستات ب200 جنيه استيراد وإن شاء الله هروح اركبة انهاردة
-------------------------------------------------
لسه مركب انذار وسنتر وولف الراجل قاللي الانذار ب290 +30 تركيب والسنتر ب100 جنيه +10 تركيب بس في الاخر عملتهم بالتركيب ب290 والقزاز لازم ماكنتين رفع قاللي 100 جنيه
وكمان ركبت ستاره خلفيه بعمودين تايواني +ستارتين بتوع الشبابيك بالتركيب =55 جنيه وعملت فاميه للفوانيس اللي ورا اسود دخاني بس خلت الفوانيس تحفه ودول اتكلفو 20 جنيه
وركبت مرايه شمال كامله 60 جنيه
وسالت عن المرايه الداخليه لوحدها (الكف) 20 جنيه
وكمان جبت السويتشات اللي بتتركب في الباب 10 جنيه للواحد
وانشلء الله هاجيب شوية اسعار كده للاستعمال والجديد
---------------------------------------------
انا بشتري كف المراية ب30 جنية، عندي 6 حتى الان
كل كام اسبوع انزل الاقي المراية مكسورة، فين الراجل الل انت اشتريت منة؟
الدواسات وايد الفتيس لانهم مش غاليين بس لازم يبقوا استعمال
انا عندى اتكلفت كلها حوالى 1200 جنيه
و150 مصنعيه
بس مع ميكانيكى شاطر خلصهالى فى 8 ساعات
----------------------------------------------
الكربراتير الجديد كنت سألت عليه قالولى انه تقريبا ب 2000 جنيه ده لو لقيته !!! , يعنى بتمن الموتور
عليك وعلى كربراتير استيراد لل 1500 يعمل من 400 ل 550 بس ما يكونش اتفك او اتلعب فيه
---------------------------------------------------
اكصدام امامى 160 جنيه
اكصدام خلفى400 جنيه
كارتيره فوق العجل الامامى20 جنيه
عداد ال1500 استيراد140 جنيه
كل الحاجات دى من المنصورة بالحسنية
----------------------------------------------------------------
وهو واخد توكيل موزع من مونرو
السعر 380 جنية غاز على زيت خلفى بضمان سنة
-------------
ماكينه رفع للزجاج الأمامى 300 جنيه و كذلك الخلفى
الانذار من 80 ل 150 حسب النوع اللى انته عاوزه
الباور يدخل تقريبا من 600 ل 800 جنيه مش متذكر الصراحة----------------------------
كل ذلك حتى صفحة رقم 107
فلما ضاقت حلقاتها ... فرجتاللهم كن فى عونى فأنت نعم المولى وخير نصيراللهم لا تكلنى الى نفسى طرفة عين
رقم العضوية : 135351
تاريخ التسجيل : 21Feb2013
المشاركات : 1
النوع : ذكر
الاقامة : alex
السيارة: hyundai excel
السيارة[2]: hyundai excel
الحالة :
السلام عليكم
انا عايز اعرف سعر رفرف امامى للأكسل؟
وشكرا
رقم العضوية : 15576
تاريخ التسجيل : 01Aug2008
المشاركات : 2,890
النوع : ذكر
الاقامة : Egypt
السيارة: لا يوجد
السيارة[2]: mazda 323
دراجة بخارية: مابحبهاش
الحالة :
مجهود جبار بصراحه
ربنا يباركلك
رقم العضوية : 20472
تاريخ التسجيل : 28Sep2008
المشاركات : 7,471
النوع : ذكر
الاقامة : Cairo - Alrehab
السيارة: Hyundai - Getz 2007
السيارة[2]: Elantra AD - 2017
دراجة بخارية: -----
الحالة :
شغل ممتاز أحييك عليه
و جاري تثبيت الموضوع بفهرس موضوعات الأكسل تحت التجهيز حاليا
المفضلات