هل سيتم تطبيق المثلث و شنطة الإسعاف من بداية فبراير

**amirhamed** · 27-01-2009 10:23 AM

المشاركة الأصلية كتبت بواسطة mramzy

اخركلام فى الجرنال النهارده والراديو انه بدأ من 3 فبراير سيتم الزام السيارات بيها بس عند الفحص والمذيعه سالت المقدم ايمن الضبع ان الفحص بيكون فى مارس رد قال ان الفحص مش فى ميعاد ميعن كل عربيه وليها فحصها يعنى اى عربيه رايحه تفحص لازم يكون معه مثلث وشنطه طبيه زيهم زى الطفايه ومكان بيعهم المثلث فى اكشاك التامين والشنطه هتكون قريبه منهم ولازم يكون مكتوب عليهم طبقاللمواصفات المصرية

افهم من كده ان اللجان بتاعت المرور مش هتسأل على الحاجات دي الا في ميعاد الفحص ولا اروح المرور واشتري دا لو كانوا فعلا بيبيعوا .

**ehabbasha30** · 27-01-2009 10:23 AM

حسبنا الله ونعم الوكيل

**mramzy** · 27-01-2009 10:33 AM

ايوة ده اللى فهمته من الكلام

**حماده عزو** · 27-01-2009 10:34 AM

حسبنا الله ونعم الوكيل
+111111111111111111

**karimone** · 27-01-2009 10:38 AM

المشاركة الأصلية كتبت بواسطة amirhamed

افهم من كده ان اللجان بتاعت المرور مش هتسأل على الحاجات دي الا في ميعاد الفحص ولا اروح المرور واشتري دا لو كانوا فعلا بيبيعوا .

هايسألوا عليها في الفحص و في اي لجنه في الشارع برده يعني مش هاترخص من غيرها و برده هاتخد مخالفه لو ماشي من غيرهم

**abzoabzo** · 27-01-2009 11:15 AM

احنا مسمحين اصحاب القرار فى انهم يرجعوا فيه استمرارية فى الغلط جريمة

انما 3-2-2009 يوم هيحدده السائقين للان كل واحد هيفكر يخرج من بيته هيلقيهم مستنينوا علشان التفتيش
انا عن نفسى ماشى بمبداء هين قرشك ولا تهنش نفسك

وعلى الناس اللى ممعهاش بقى تاخد موقف وميوجعوش دمغنا وعايزن حد يتكلم عنهم وكده

**abzoabzo** · 27-01-2009 11:20 AM

كده ميت وكده ميت
وكمان بتقولى صباح النور

**moh_kamal67** · 27-01-2009 11:29 AM

قريت الخبر الساعة 6:40 الصبحية لازم انزل الشغل نزلت وزوغت روحت مرور مدينة نصر جنب رابعة العدوية لقيت الناس اللى بتركب النمر على العربية قلت لهم اشترى المثلث وشنطة الاسعاف التى لم يحدد لها مواصفات منين قالوللى منعرفش احنا لسة منزلناش حاجة السوق قدامك اشترى من اى حتة بره ، يعنى الخلاصة لازم الواحد هايدى تمام فى مرور مينة نصر كل يوم علشان يعرف الاخبار احسن ينزل والناس (قصدى كام مليون واحد) يعرف ويبقى بالدبح ، ودمتم سالمين

**mramzy** · 27-01-2009 11:44 AM

هما قالوا من اول 2/2 فبراير ومكتوب فى الاهرام

**ihab** · 27-01-2009 01:06 PM

معنى الكلام و الله اعلم انه سوف يتم المسألة عن الشنطة و المثلث فى المرور اعتبارا من فبراير القادم و ذلك عند الفحص ( يعنى لازم عند الفحص تبقى موجودة زى طفاية الحريق )
و لكن لن يتم السؤال عنها فى اى حملات او كمائن
انا كده فهمت صح و لا ايه النظام