الموضوع: شنطة الاسعافات من جديد

جريدة الاهرام 27/1/2009
‏أكد اللواء محمد منصور مساعد وزير الداخلية ومدير الإدارة العامة للمرور أن المهلة الأخيرة التي قررها السيد حبيب العادلي وزير الداخلية لتنفيذ حقيبة الإسعافات والمثلث العاكس داخل كل سيارة طبقا لقانون المرور الجديد سوف تنتهي يوم‏2‏ فبراير المقبل‏.‏

وأوضح أنه تم الاتفاق علي بيع حقيبة الإسعافات والمثلث العاكس داخل وحدات تراخيص المرور‏.‏
____________________________________

و تم السؤال فى جميع وحدات مرور القاهرة و بورسعيد على حقيبة الاسعاف و المثلث . و بالطبع تمت الاجابة بالنفى و انها لسه ماوصلتش و محدش عارف هاتوصل امتى .

و بالسؤال مرة اخرى حقيبة الاسعاف مع فحص و ترخيص و تجديد الرخص .( و السؤال برضه هانجيب شنطة الاسعاف منين ؟؟)
___________________________________
بالرغم من اعتراض جميع افراد الشعب المصرى و جميع البرامج التلفزيونية على شنطة الاسعاف الا انه لا حياة لمن ينادى . و ان ادارة المرور تزيد الترخيص 40 جنيه و يشتروا سيارات اسعاف مع وجود مسعفين مدربين سيكون افضل مليون مرة من حقيبة الاسعاف المتخلفة التى سوف تفسد فى السيارات من الحرارة صيفا و من البرودة شتاءا . و لكن .....

انت اكيد فى مصر .
يا رب ارحمنا ..

افادكم الله

حسبى الله ونعم الوكيل فى القوانين العجيبه هو لا قدر الله اللى بيحصله حادثه (بعد الشر علينا كلنا وربنا يسترها معانا ) هيدور على الشنطه ويفتحها ويعالج نفسه ويدعوا للى عمل القانونواللى جاب القانون (تخااريييييييف)

الحكومه دماغه جااازمه ولا هتسال فى حد ولا هتنزل شنط ولا اى حاجه والناس هتنزل جرى تشترى وبعد شهر هيقولو هنمدها شهر كمان عشان الشنط دى مش مطابقه للمواصفات ال يعنى الحاجات اللى جواها هتقعد اكتر من 3 تيام فى الحر بتاع الصيف عندنا ازا كان احنا بنفرهد فى الحر دا الشنط و الحاجات اللى جواها الطبيه دى هتستحمل يومين حتى فى شنطه العربيه اللى بتبقى جهنم ؟؟؟

السؤال الظريف جداً كالتالي:

أنا عربيتي فولكس نازلة بشنطة إسعافات أولية مفروض انها بتجدد كل 3 سنوات ودا حقيقي وبشتريها من ألمانيا.

يا ترى الحكومة حترفض المواصفات الألماني لشنطة الإسعافات الأولية باعتبار أن ألمانيا دولة من دول العالم الأول؟