سماعات خلفية

**LADA2107s** · 28-01-2009 12:59 AM

انا جبت لادا 2107 مصرى ... فيها سماعتين اماميتين بس ....
انا عاوز اركب كمان سماعتين ورا....... ايه النوع اللى ينفع يركب عندى ويفضل من غير ما احفر فى العربيه .... وكيفية تركيبهم لو ينفع اركبهم بنفسى
ولكم الشكر

**magyver** · 28-01-2009 01:52 AM

فية ياباشا حاجة اسمها عليات دة بتركب عليها السماعات من غير ماتعمل اي حاجة في الصاج وبتتباع عند اي حد بتاع اكسسوارات

يااريت اكوون افدتك.....

**Oushy** · 28-01-2009 02:17 AM

هوا في حلين الاول زي ما قالك العضو ماجيفر والتاني تجيب سمعات مدوره مش بيضاوي
بس في حاجه اول حل ده في عيب وميزه انو السمعات البيضاوي احسن من السمعات المدوره والعيب ان انا عن نفسي مش بحب شكل العليات دي وعلي فكره انا مش قصدي حاجه عشان ماحدش يزعل

وطبعا الحل التاني هيبقي السمعات شكلها حلو بس صوتها مش هيبقي زي البيضاوي
وطبعا ليك حر الاختيار بس علي فكره لو قطعت في الصاج هي حته صغيره جدا في جنب الدايره عشان تدي شكل بيضاوي مش هتأثر معاك في حاجه وبالنسبه للنوع بايونير او كينود بس ماعنديش فكره بصراحه بالنسبه لأرقام الموديلات

والف مبروك علي العربيه وربنا يباركلك فيها