البلوتوث فى السيارات؟

**ahmedel_rayies** · 24-01-2009 05:18 PM

السادة الأفاضل
أنا عندي إستفسار
سمعت إن فى العربية ميتسوبيشى الشارك السبورت موديل 2009 فيها بلوتوث وينفع تدور الموتور وإنتا برة العربية. هل ممكن داه يتركب وفين وبكام، أنا عربيتى لانسر بومة 2008.

داه يبقى مريح جدا الواحد يدور العربية تسخن على ماينزل من البيت.

**HeMa_LanCeR** · 24-01-2009 05:27 PM

هو عموما في جهاز انذار هو اللي بيعمل كده
لكن بلوتوث دي اول مره اسمعها

**ahmedel_rayies** · 24-01-2009 05:33 PM

يعنى فى جهاز إنزار ممكن أشغل بية العربية وأنا براها وتفضل مقفولة البيبان بتاعتها؟

وطيب والشفرة بتاعة المفتاح والموتور؟

**max_ziro** · 24-01-2009 07:15 PM

ايوة الانزار دة كان معايا معايا فى عربية كريستالة من 5 سنين
بس لازم تكون العربية اوتو ..

**جمال** · 25-01-2009 12:07 AM

الانذار ده كان عندى مركبه فى عربية دايو اسبيرو من سنة 1994 , وكنت ادور العربية من البيت قبل ما انزل و اشغل التكييف فى الصيف , وعقبال ما انزل تكون العربية آخر الاجة , موتور متسخن و صالون مكيف , آخر دلع

**ahmedel_rayies** · 26-01-2009 05:34 PM

شكرا جدا جدا على ودودكم الجميلة

طيب ممكن أعرف أجيب الإنذار داه منين وياريت يكون مكان فى القاهرة؟ وهل فى تأثير على المفاتح الأصلى بتاع العربية لأنة مشفر مع الموتور.

ولو هجيبة من بور سعيد أجيبة منين بالظبط

**onsi** · 28-01-2009 02:03 AM

طبعا فية تأثير خطير وانصحك الا تتهور, انتى ممكن تعمل اى شيى الا انك تيجى جنب كمبيوتر العربية عشان تفرق معاك 5 دقائق تسخين العربية، ودا اذا كانت محتاجة تسخين اصلا!!!
انا معايا لانسر 2008 1600 يفضل طبعا انك تسخنها، انا بقول يفضل خاصة فى الشتاء، لكن انا بمشى عليها عادى خالص ودة لان العربيات الحديثة كلها لا تحتاج للتسخين وممكن تجرب بنفسك

**umoussa** · 28-01-2009 02:44 AM

الكلام بتاع مفيش عربية عايزة تسخين سواء جديدة أو قديمة كلام غلط 100% وإلي قال لحضرتك الكلام ده ميفهمش حاجة.

أولاً لما حضرتك بتركن العربية أثناء الليل وتسيبها والموتور يبدأ يبرد يبدأ الزيت ينزل عن الموتور ويتجمع كله في حوض الزيت أسفل البلوكة والي بيسميه الصنيعية كرتيرية الزيت وداخل كرتيرية الزيت دي في طرمبة الزيت.

الصبح بقى لما حضرتك بدور العربية، سواء صيف أو شتاء لازم العربية تدفى وحرارة سائل التبريد تصل إلى 80 درجة على الأقل.

أول لما تدور العربية الصبح، بتبدأ طرمبة الزيت تضخ الزيت على الجزء العلوي من الموتور (الكامات) وخلال حوالي دقيقتين بيكون الزيت انتشر داخل الأجزاء التي تحتاج إلى تزييت داخل الموتور، لما حضرتك تدور وتمشي أماكن كتير مبيوصلهاش زيت قبل ما العربية تدفى والنتيجة معروفة وسهلة وبسيطة:

1. طقم سبيكة حيبوظ
2. جوانات ممكن تضرب
3. الكوستبانات الموجودة في وش السلندر حتبوظ تبدأ تعمل صوت ون وزن في الموتور

دا غير حاجات تانية أكثر تعقيداً مش لازم نتكلم عليها.

ويا سلام بقى لو دورت العربية ورحت مديها أول تاني تالت رابع خامس وجايب سرعة فوق 80 كم/س قبل ما العربية تدفى وخصوصاً والـ Rpm بتاع العربية عالي، دا بيساوي إنك بتقول للموتور أن حبوظك غصب عنك.

لمعلوماتك بس،

في كندا بيحطوا سخان تحت كرتيرة الزيت علشان يدفي الزيت الصبح والعربية ترضى تدور.

لو كانت العربية مش محتاجة تسخين مكنوش حطو طرمبة الزيت في الكرتيرة كانوا حطوها في اي حتة تانية في دورة الزيت.

عايز تبوز موتور عربيتك انت حر، بس متشورش على الناس بمعلومات غلط

-

-

الموضوع: البلوتوث فى السيارات؟

LinkBack

أدوات الموضوع

عرض

البلوتوث فى السيارات؟ - انشر الموضوع فى :

-

-

-

-

-

-

المواضيع المتشابهه

البلوتوث

البلوتوث

صوت المرايا البلوتوث

تقنية البلوتوث

المرايا البلوتوث؟

الكلمات الدلالية لهذا الموضوع

المفضلات

المفضلات

ضوابط المشاركة