أبيع عربيتى وأجيب مستعمل تانى ولا جديد ؟؟

**Ahmed Hamdy** · 28-01-2009 03:13 PM

عايز رأيكوا يا جماعة فى موضوع ...
دلوقتى أنا معايا عربية ماروتى عايز أغيرها لحاجة أحسن ..
بفكر فى اختيارين :
1- أبيعها وتجيب فى حدود 20000 ... أكمل عليهم 20000 كمان وأجيب حاجة مستعملة أحسن شوية .. (الفلوس دى مش معايا كاش .. حعمل جمعية عشان أجيبهم) ..

2- أبيعها وأدفع تمنها مقدم عربية جديدة وأكملها أقساط ..

محدش يقولى ادفع 40000 مقدم وكده لانه مش حينفع يا إما أدفع قسط جمعية يا إما قسط عربية .. مش حينفع الاتنين مع بعض ..

بصراحة شايل هم التدوير على عربية مستعملة نضيفة وخاصة ان المبلغ ده ميجبش حاجة حلوة اوى يعنى وكمان خايف من المستعمل ومشاكله والميكانيكية والهم .. وبرضه شايل هم القسط وعربية جديدة حبقى خايف عليها ..
رأيكوا ايه ؟

**belal rashed** · 28-01-2009 06:12 PM

سورى فى اللفظ بس ده مثل قديم سمعناه(الفقير يشترى ع الزيرو).

**moudy88** · 28-01-2009 06:34 PM

بص ياسيدي اي عربيه مستعمله هتحتاج مصاريف وشغل حتلى لو موديل السنه والعربيه المستعمله في حدود 40000 الف هتبقى اما لانوس 1 اواكسنت ......وفيه عربيات زيرو بتبتدي من46 الف زي البرايد الايراني او الادا او اسبيرانزا a113 ودي تقريبا فوق الخمسين...ولو عالقسط في راي بتبقى الفوائد كتير وهتلاقي نفسك في لاخر دافع فوق العربيه ربع تمنها زياده.....وربنا يوفقك

**shanodaa** · 28-01-2009 09:59 PM

خلي العربيه معاك اوعي تبيعها لما الظروف تتحسن وتخلص الجامعيه انصحك تشتري زيرو ليه طعم تاني خالص

**Ahmed Hamdy** · 30-01-2009 03:13 AM

المشاركة الأصلية كتبت بواسطة moudy88

بص ياسيدي اي عربيه مستعمله هتحتاج مصاريف وشغل حتلى لو موديل السنه والعربيه المستعمله في حدود 40000 الف هتبقى اما لانوس 1 اواكسنت ......وفيه عربيات زيرو بتبتدي من46 الف زي البرايد الايراني او الادا او اسبيرانزا a113 ودي تقريبا فوق الخمسين...ولو عالقسط في راي بتبقى الفوائد كتير وهتلاقي نفسك في لاخر دافع فوق العربيه ربع تمنها زياده.....وربنا يوفقك

انا عارف طبعا ان القسط بيبقى فى زيادة على تمن العربية بس لو حسبته ممكن تلاقيه زى المصاريف اللى حتصرفها على العربية المستعملة ..
بس طبعا المستعمل بيبقى مصاريف وهم ومشاوير الميكانيكية والصنايعية ومحلات قطع الغيار و و و ..

أنا فعلا كنت بفكر جديا فى البرايد الإيرانى بس لما رحت اتفرجت عليها معجبتنيش خالص للأسف ..
والـ A113 .. لسه مش واثق فى الصينى ..

**احمدعبدالعزيز** · 01-03-2009 01:53 PM

المشاركة الأصلية كتبت بواسطة shanodaa

خلي العربيه معاك اوعي تبيعها لما الظروف تتحسن وتخلص الجامعيه انصحك تشتري زيرو ليه طعم تاني خالص

هو ده الكلام الصح

**أشرف فتحى** · 06-03-2009 01:49 AM

ما تبعش واعمل جمعيه وحوش لما تقدر تجيب جديد او كسر زيرو يادوب علقت نمر

**hesham_shousha** · 06-03-2009 05:24 AM

من راىى أنسب حاجه ليك المستعمل بس يكون نظيف
الجديد النهارده موش زى زمان لانه عايز مصاريف عاليه للصيانه - العربيات القديمه وخصوصا سيارات الثمانينات مصاريف صيانتها مناسبه للمواطن المصرى اللى ماعندوش إستعداد يصرف كتير على العربيه والرفاهيه بتاعه العربيات الجديده زى التكييف والشكل الجديد ما تفرقشى معاه
فيه عربيات ممكن تختار منها حلوه وشديده وأشد كتير من العربيات الجديده منها :
الفولكس بيتلز - فيات 131 - مازدا 323 - بيجو 304 - بيجو 305 -
إختار واحده منهم وماتشتريش غير عربيه نظيفه ( المهم حاله الصالون والشاسيه والصاج وموش مهم خالص حاله الموتور )
وطبعا لازم تعمل حسابك إنك لما هتشتريها هتصرف عليها حوالى 5000 جنيه توضبها وبعد كده هترتاح وتدعيلى

**ahmedsameir** · 09-03-2009 04:05 PM

و الله العظيم القسط ده سرقه علنى و كمان بتوافق عليها
قولى كده اى عربية مثلا
النترا - ب 110000 جنيه
مقدم كام 50000 جنيه
و اضرب ثمن العربية الاساسى فى عدد السنين فى الفايدة يبقى كام
110000 × 5 سنين قسط × 9 % على السنه
يعنى
110000 × 45% = فوائد العربية 495000 جنيه
و المقدم كمان راح
يبقى العربية تقف بكام
110000 + 49500 = 159500 جنيه
تبيعها كمان سنه بكام بقى ده لو عرفت تبيعها اصلا
80000 جنيه
ايه رايكوا بقى فى الكلام ده
انا كنت بشتغل فى غبور و عارف الكلام ده كويس قوى

الموضوع: أبيع عربيتى وأجيب مستعمل تانى ولا جديد ؟؟

LinkBack

أدوات الموضوع

عرض

-

-

-

-

المواضيع المتشابهه

أبيع عربيتى لا أجددها

أبيع برافو وأجيب 318 ??????

بافكر أبيع السيفيك وأجيب جراند تريوس

مش عارف أبيع عربيتى

أبيع الميجان ... وأجيب ميجان برضه ؟

الكلمات الدلالية لهذا الموضوع

المفضلات

المفضلات

ضوابط المشاركة