شباب مشكلة في الاسترا عايزين حد خبرة

**steam** · 30-01-2009 01:45 AM

هو الموضوع فعلا في نظام الحقن وغالبا الضغط ضعيف اما بسبب الطرمبة او بسبب سدد في الرشاش لاني لسه مغيرالفلتر علي العموم انا رايح التوكيل النهاردة ربنا يستر شكرا ياشباب علي المشاركة وان شاء الله لما ارجع هقولكم علي اللي حصل فيا قصدي في العربية

**A.Elsheikh.01** · 30-01-2009 02:10 AM

تروح وتيجي وانت بكامل قواك العقليه

**KHALED AYMAN** · 30-01-2009 03:11 AM

الموضوع ده عندى بالظبط كالاتى لما ادور العربيه (خصوصا لما تكون سخنه) الاقى الموتور يدور بس بيبطل على طول و الحل انى اعد احاول معاها كذا مره او اكبسلها بنزين و انا بدورها سالت فى فرع طنطا منصور (عجلاتيه) قالولى حساس كرنك مش عارف ايه ده؟؟؟؟
شوف كلام الرجاله هنا و هم يقولولك لانى بصراحه مش عارف فى الموضوع ده اوى .
احمد باشا علاوى فينك يا عم مختفى ليه ؟؟؟عيب طلمبه الميه بسرعه يعنى كام كيلو انا ماشى 122 و محصلش حاجه او بمعنى اصح العربيه معطلتش ؟؟؟طمنى

**Ahmad Allawy** · 30-01-2009 09:05 AM

المشاركة الأصلية كتبت بواسطة venus-doom

الموضوع ده عندى بالظبط كالاتى لما ادور العربيه (خصوصا لما تكون سخنه) الاقى الموتور يدور بس بيبطل على طول و الحل انى اعد احاول معاها كذا مره او اكبسلها بنزين و انا بدورها سالت فى فرع طنطا منصور (عجلاتيه) قالولى حساس كرنك مش عارف ايه ده؟؟؟؟
شوف كلام الرجاله هنا و هم يقولولك لانى بصراحه مش عارف فى الموضوع ده اوى .
احمد باشا علاوى فينك يا عم مختفى ليه ؟؟؟عيب طلمبه الميه بسرعه يعنى كام كيلو انا ماشى 122 و محصلش حاجه او بمعنى اصح العربيه معطلتش ؟؟؟طمنى

معلش والله يا جماعه انا الشغل عندي مضغوط جدا اليومين دول.. مش بايدي والله..

عموما.. انا عارف انه مشهور فيها حوار طلمبة البنزين مش المية.. و ممكن تشتريها و تطلع بايظة.. عشان كده تشتريها من مكان ثقة.. و تكون مظبط معاه انها لو فيها حاجة هترجعهاله..
الحمد لله انت حظك كويس انها معملتش حاجة معاك.. و الحاجات اللي بيبقي فيها عيوب دي بتبقي حظوظ.. مع واحد تضرب قبل ما يكمل 50 الف.. و مع واحد متعملش معاه اي حاجة لحد ما يبيق العربية اصلا..
و بعدين ممكن تكون انت من النوع اللي بيحافظ علي البنزين انه مينزلش عن ربع التانك.. و بتحافظ علي الطلمبة..

**KHALED AYMAN** · 31-01-2009 12:57 AM

المشاركة الأصلية كتبت بواسطة Ahmad Allawy

معلش والله يا جماعه انا الشغل عندي مضغوط جدا اليومين دول.. مش بايدي والله..

ربنا يعينك
عموما.. انا عارف انه مشهور فيها حوار طلمبة البنزين مش المية.. و ممكن تشتريها و تطلع بايظة.. عشان كده تشتريها من مكان ثقة.. و تكون مظبط معاه انها لو فيها حاجة هترجعهاله..
الحمد لله انت حظك كويس انها معملتش حاجة معاك.. و الحاجات اللي بيبقي فيها عيوب دي بتبقي حظوظ.. مع واحد تضرب قبل ما يكمل 50 الف.. و مع واحد متعملش معاه اي حاجة لحد ما يبيق العربية اصلا..
و بعدين ممكن تكون انت من النوع اللي بيحافظ علي البنزين انه مينزلش عن ربع التانك.. و بتحافظ علي الطلمبة..

فعلا انا دايما بمون العربيه قبل متفضى او قبل مالبنزين يقل اوى !! الحمد لله انها معملتهاش معايا.

**steam** · 01-02-2009 10:15 PM

صباح الفل انا روحت التوكيل اوتو ماستر واتفرجت هناك علي فيلم كارتون بجد مش هزار قابلت مهندس كده شكله خريج جديد وقلتله علي العيب رفع النضارة وقللي بكل ثقة هنكشف علي دائرة الكهرباء قولتله الموضوع في دائرة الحقن قللي بكل ثقة ماتخفش هنعمل اللازم المهم اترميت 3 ساعات في الاستراحة وبعدين قاللي اتفضل استلم العربية ركبت وبدور مافيش اي فرق قاللي مش العيب لما تدور الصبح قلت ايوه قاللي بس جرب بكره الصبح ولو فيها حاجة تعالي تاني .تاني يوم بدور ولا الهوا الرجالة في التوكيل غيرو كابلات البطارية علي اساس انها بتهرب شحنالمهم رجعتلهم وانا بطلع دخان قابلت مهندس اكبر شوية قاللي حاجة بجد سكتتني قاللي نظام الحقن لو فيه حاجة لاز الكمبيوتر يدي alarm وقاللي انتا محتاج بطارية اكبر وقاللي لو مش مصدق بيت العربية هنا ونجرب نغير البطارية الصبح انا بصراحة مش مقتنع اوي وفي نفس الوقت مش عارف اعارض بس انا راي اجرب موضوع بيات العربية ونشوف

**samirayad** · 01-02-2009 10:48 PM

طيب ماتحاول برضه تنظف بوابه الانجكشن....يمكن تكون معلقه شويه.....ومحتاجه نظافه وتليين.....وبتعطل الذاكره بتاعة وحدة التحكم.....على مايتعرف فعلا من حساس حرارة الميه وحساس حرارة الهواء ...أن الوضع بتاع السلانسيه مش بتاع زاوية خنق وناتجه من اشارة حساس البوابه الخطأ نتيجة تعليق البوابه قليلا......وعلشان كده الوحده ممكن تأخذ وقت على ماتتعرف على الوضع الصحيح

**tananybasha** · 02-02-2009 12:19 AM

طيب انا عندى سؤال
العربية عندى بحمد الله بتدور صبح و مسا زى الفل
بس طول ما هى باردة بتنتنش لما اجى ازود
نضفت الماف
بس كان فيه مشكله انه اتلعب فيه لغاية ما بانله اصحاب و مش عارف اضبطة - يومياً العب فيه عشان اجيب ضبطته مش عارف
و عندى العربية بتطلع ميه سوداء بكمية من ورا مش تعريق
يعنى الأرض بتبقى بركة صغيرة تحتها و المية ما بتنقصاشى بالصلاة على النبى كده انا قربت اتجنن خصوصا ان واحد قاللى الرشاشات تعيش انت
ارجو الأفادة

**samirayad** · 02-02-2009 12:47 AM

المشاركة الأصلية كتبت بواسطة tananybasha

طيب انا عندى سؤال
العربية عندى بحمد الله بتدور صبح و مسا زى الفل
بس طول ما هى باردة بتنتنش لما اجى ازود
نضفت الماف
بس كان فيه مشكله انه اتلعب فيه لغاية ما بانله اصحاب و مش عارف اضبطة - يومياً العب فيه عشان اجيب ضبطته مش عارف
و عندى العربية بتطلع ميه سوداء بكمية من ورا مش تعريق
يعنى الأرض بتبقى بركة صغيرة تحتها و المية ما بتنقصاشى بالصلاة على النبى كده انا قربت اتجنن خصوصا ان واحد قاللى الرشاشات تعيش انت
ارجو الأفادة

طالما العربيه بدور زى الفل كده ....يبقى الرشاشات سليمه(دا لو بدور من أول مره)......وموضوع الميه السوداء ده حيكون بسبب حساس الmaf على أساس انه بيقيم كمية الهواء بصوره غلط....وبيودى اشاره لوحدة التحكم ان الهواء كتير وهو قليل.....فبتقوم وحدة التحكم مزوده فترة ضخ البنزين......وطبعا ده بيكون زياده على الهواء الحقيقى اللى معرفش الحساس يقيمه صح....وبالتالى الخليط بيبقى غنى بدون داعى وده يعمل العمليه السوداء اللى نازله من الشكمان

**tananybasha** · 04-02-2009 12:45 AM

هى بدور من اول تكة صبح ليل مركونه من يومين اى جن ازرق بتدور
بس الميكانيكى قاللى الرشاشات بتخليها تأكل بنزين و الماف عايز يتغير
طيب قول الرشاشات امرها سهل و كل ب 200 جنية البوش بتوع البى ام
طيب الماف انا نضفته و كان فيه بلاوى و العربية كانت بتقطع و تفتف و العملية قلت 90% كلام كويس
طيب الماف يعمل هبابه على البوجيهات زى البنزين مع العلم ان بوجيه رقم 4 بيطلع فابريكة
اشمعنى - دى حكمة ربنا بالرغم ان كلهم المفروض يهببوا من الماف
اللهم لا اعتراض
انا عايز حل و لو الماف ينفع يتظبط كمبيوتر بدل ما اغيره و انضف الرشاشات الترا سونبك بيقولوا فى حد فى فيصل بس ما اعرفش فين - انا ساكن فى الهرم ؟؟ - بس عايز اراء قبل ما اعمل خطوات غير محسوبة العواقب
شكراً

الموضوع: شباب مشكلة في الاسترا عايزين حد خبرة

LinkBack

أدوات الموضوع

عرض

-

-

-

-

المواضيع المتشابهه

مشكلة في زجاج الاسترا 2004

مشكلة فى عفشة الاسترا

عايز خبرة شباب المتندى ودو الخبره في تشطيب شقة

شباب المنتدي عايزين نعمل مقابلة

مشكلة عندى فى الفرامل ارجو من لديهم خبرة بأن يفيدونى a516

الكلمات الدلالية لهذا الموضوع

المفضلات

المفضلات

ضوابط المشاركة