الموضوع: مساحات أرض بعجيبة مرسى مطروح بتسهيلات فى السداد

بإذن الله يا فندم قريبا جدا ،

السعر الجديد مع التسجيل النهائي بإذن الله، وفيه بالفعل حركة لتشكيل لجان المعاينة، لكن انته عارف الروتين الحكومي !!.

ممكن ان شاء الله أعيد عرض الثلاث قطع فقط اللي لم يتم حجزهم سابقا بالسعر القديم مؤقتا حتى يصدر العقد النهائي بإذن الله.

جزاكم الله خيرا كثيرا.

السلام عليكم ورحمة الله وبركاته،

الأخ الكريم / الأخت الكريمة،

التطورات الحالية انه تم تشكيل لجان المعاينة بالفعل لكن لم تعمل بعد ومش عارف فيه تعديل فيها ولا لأ، لأن يوم الحكومة بسنة زي ما الكل عارف،

ان شاء الله هأقولكم أخبار جديدة الإسبوع القادم اول ما آخد أجازة من الجيش.

هيه الاراضى دى اللى فى مطروح ممكن الواحد يبنى عليها سكن خاص ولا ممنوع للانه زراعى---وكمان عايوه اعرف هيه لسه فيه اراضى تانى ولا خلاص---ولو هايزه تشترى قطعه ارض هلى البحر مباشره فى مطروح حتى لو فى منطقه جديده الاقى--شكرا

ممكن حضرتك تبني عليها سكن خاص بإذن الله لكن بعد تحويل ترخيصها من زراعي الى مباني وده هياخد وقت لن يقل عن سنتين تقريبا،

فيه أراضي تانية ان شاء الله،

أما لو حضرتك بتدوري على أماكن على البحر مباشرة فأكيد موجود في مناطق تانية في مطروح والسعر بيختلف على حسب المنطقة برضه.

جزاكم الله خيرا.

شكر خاص بالاخ الكريم --وياريت توضح لما قريبا عن الاراضى التى ستطرح للبيع وموقعها لمطروح--وياريت بصفه تقدريريه من حضرتك تقولى على الارض اللى على البحر المتر منها تقريبا بكام----وياريت اللمنطقه اللى بعد رومل بكام -- والبعيده بكام اللى على مدخل مطروح--بس تكون مسجله

الأخت الكريمة،
بالنسبة للأرض بتاعتي فإن شاء الله هناك خمس قطع اﻵن متاحة للحجز بالسعر القديم وسأضع التفاصيل في مداخلة منفصلة.
أما الأراضي الاخرى في مطروح فلا أعلم عن أسعارها، لكن الغالبية العظمى تكون وضع يد فقط، وده الشائع في مطروح نظرا لطبيعة الوضع هناك.

طب وبعد تقسيم الشوارع مش حياخدو من مساحات الاراضى دى عشان الشوارع
وايه الى يضمن انه ميطلعش قرار بطريق اى اى حاجه تمنع البناء وخصوصا ان حضراتكم بتقولو اراضى عسكريه تبع الجيش
والقانون مش عبيط عشان يدى ناس امر بناء منازل وعماير جنب الجيش ويبقى مكشوف لكل النتاس
ارجو التحرى من دقه ان الاراضى ده مصرح للبناء عليها
وانا اول واحد اجيب ناس تشترى من حضرتك بعد فتح باب الحجز مره اخرى
صدقنى انا لا اقصد اى اسائه لحضرتك بس احنا كده بنشترى سمك فى مياه
لان كل الى حيشترى عاوز يبنى على الارض مش حيزرع ويقلع

الأخ الكريم،

بداية اغلب الأماكن الخالية في مصر بتكون تبع للجيش غالبا، وده مش معناه انها قواعد سرية،
بل حتى مدينة نصر على ما أعلم كانت معظمها تبع الجيش.

أما عن اﻷرض فهي ليست تابعه للجيش لأنها قبلي الطريق، والمنطقة بالكامل داخلة في خطة التنمية السياحية للمحافظة نظرا لطبيعتها وطبيعة منطقة عجيبة كمزار سياحي، والمعلومات دي من المحافظة نفسها.

أما بخصوص الطريق فالأرض تبعد 100 متر عن الطريق، يعني حتى لو أخذت المحافظة قرار بتوسعة الطريق الرئيسي فالأرض لن تدخل ضمن نطاق هذه التوسعة.

بخصوص الترخيص الزراعي فهو مش علشان الناس هتروح تزرع وتقلع، لكن أي أرض تبع الدولة بتكون ليها اجراءات في حجزها لأنك بتشتريها من الدولة،
والأرض حاليا لو فكرت في ترخيصها كمشروع اسثماري سياحي فلابد أن أدفع مبالغ ضخمة جدا للمحافظة، بالإضافة الى شرط سرعة البناء وتنفيذ المشروع ضمن جدول زمني سريع،

لكن ما أفعله هو انني أقوم بترخيص الأرض ترخيص زراعي حتى أحصل على العقد النهائي من الحكومة ثم أقوم بعمل قرار تبوير الأرض لتحويلها الى سكني دون تقيد بجدول زمني للبناء او دفع مبالغ ضخمة جدا للمحافظه،

علشان كده انا وضحت من الاول ان الأرض مش للبناء السريع لأن الإجراءات دي فيها سنتين على الأقل،

لكن في المقابل احنا بنتكلم في سعر 50 جنيه للمتر، يعني متر القماش أغلى من متر الأرض ! وحضرتك تقدر تستنى ان شاء الله لما أحصل على العقد النهائي، لكن أكيد السعر مش هيكون كده ابدا.

واللي راح عجيبة يقدر يتوقع مكان زي ده ممكن سعر المتر يوصل فيه لقد ايه بعد كام سنة.

فيه خمس قطع متاحين اﻵن بالسعر القديم (50 جنيه للمتر) وبأسبقية الحجز لأن كذا واحد اتصل وبيسأل عن قطع متاحه، لأني كنت ناوي ارفع السعر اليومين الجايين ان شاء الله اول ما أحصل على العقد الزراعي، لكن لسه معرفش بالتحديد امتى لأن الروتين الحكومي ممل جدا جدا.

بالتوفيق بإذن الله.