بونتو نوفا2009-2008 ؟؟؟specificaions

**SharpArrow** · 22-02-2009 10:49 AM

السلام عليكم
ازيك يا روكا
مبدئيا انتي امكانياتك ايه
تحبي موتور كبير و تقدري تصرفي بنزين على العربية كتير
لو كده يبقى هاتي جيتز, عربية حلوة جدا
انما لو تحركاتك معظمها جوه المدينة و مش عايزة تصرفي بنزين كتير يبقى بونتو بلا منازع, رغم اني جربت بونتو في السفر عربية حلوة جدا و مريحة جدا ما شاء الله

انا سألت واحد اعرفه شغال في البافارية عن العربية الـ Frv قللى انها تقفيل صيني و جميلة جدا بس الناس مش عارفين يدوها تقييم عنها لانها لسه نازلة و الناس ملحقتش تجربها على المدى الطويل, فا لو عايزة تغامري هاتيها هي عربية شيك جدا و من شركة محترمة جدا و انا بصراحة لو كنت ضامنها كنت اشترتها.

بس فيه حاجة كمان ان البونتو واخدة 5 نجوم في الامان عند الاصطدامات - لاقدر الله - فهي عربية امان جدا بس زي ما قلت قبل كده ان عزلها عن العالم الخارجي مش 100% انما بتحسي شوية بيه بس مش كتير, انما اي حاجة تانية فيها فهي ممتازة.
تكييف حلو اوي ما شاء الله و عن تجربة احسن من اللانسر 1300
جنوط سبور مدياها توازن احسن من الجيتز بكتير
نظام قيادة السيتي ( يعني الدركسيون بيتقل مع زيادة السرعة و ده عامل امان اكبر)

انا بصراحة جبت العربية و كنت حاطط في دماغي اني اغيرها بعد 3 او 4 سنين بالكتييييييير او و لو نفع قبلها يبقى كويس
انما دلوقتى بعد ما جربتها و بمنتهى الامانة انا مستحرم ابيع العربية دي بجد لدرجة اني فكرت لو حيبت اجيب حاجة تانية اجيبها و اسيب دي و مبعهاش (رغم صعوبة الموضوع) انا بس بقلك كده لاني فعلا عشقت العربية دي جدا و كفاية ان صيانتها سهلة و رخيصة و قطع غيارها سهلة زي الكوري في السعر و التركيب

من الاخر مش هتندمي لو جبتيها فعلا و ربنا يوفقك للخير ان شاء الله

**amir** · 22-02-2009 01:46 PM

المشاركة الأصلية كتبت بواسطة Roka

ana 3ayza agib 3arbya fi range 70000 ...agib punto walla FRV walla GETZ...7d y2oly 3shana ana m7tara gdn?

بدايه سؤالك مش مكانه هنا ممكن تعملي موضوع تسألي فيه
ثانيا ممنوع صيغه الكتابه دي في المنتدي
اكتبي عربي

**Roka** · 24-02-2009 12:50 AM

thanks ya hibbas 4 ur informations.......ana bd2t f3ln aktn3 bl punto.....hsta7yr rbna w rbna yshl....

**SharpArrow** · 24-02-2009 09:46 AM

السلام عليكم
هو انا في التليين انا كمان و بمشي بهدوء نسبيا و حرقي بسيط جدا لا يذكر
و يمكن انا عشان عايش في مدينة 6 اكتوبر فا الاستهلاك عندي اقل من عندك لان مدينة اكتوبر مش زحمة زي المهندسين و الهرم و وسط البلد و هكذا
و تعتبر مدينة مفتوحة يعني شبه اني ماشي في طريق سريع طول الوقت و مفيش في اكتوبر انك تقفي في اشارات و الكلام ده
فا يمكن ده السبب اللى مخلى الاستهلاك عندي في البنزين اقل من عندك
فا انا اقتراحي تعالى عيشي في 6 اكتوبر

و بالنسبة للتانك انا ملاحظ ان كل الناس بيقولو انه 40 مع ان عندي 50 معرفش ازاي بجد
يمكن موديل 2009 بس اللى 50, الله اعلم
انا اول مرة لما فولت اول ما استلمت العربية عملت 47 لتر و انا كان عندي يمكن 3 او 4 لتر ساعتها بالكتير يعني 50
عموما هتأكد تاني و اقلكو ان شاء الله

**emadosman63** · 24-02-2009 10:56 AM

صباح الخير1 - حضرتك اشتريت السيارة كاش ولاتقسيط 2 - بتمون 92 ولا 95 3 -أخبار السيارة مع المطبات مع خالص تحيلتى

**SharpArrow** · 24-02-2009 02:29 PM

صباح النور
انا اشتريت العربية كاش الحمد لله لاني مش من انصار التقسيط اساسا
و بحط بنزين 92
السيارة في المطبات حلوة جدا بس فيه نشوفيه بسيطة اوي بس اعتقد ان ده بسبب ان العربية لسه بتلين لان احساسي بالمطبات قل عن من ساعة ما استلمتها
بس هو عموما معروف ان الفيات ناشفة سنة عن اي عربية تانية او على الاقل الفئة دي زيها زي الباليو و السيينا
بس هي مريحة جدا و مش بعاني في موضوع المطبات اساسا

**zeyad1810** · 24-02-2009 02:42 PM

الف مبروك على العربية وهى اختيار ممتاز مش هتندم علية
ربنا يحفظهالك ويكفيك شرها
بالنسبة للتانك انا اعرف انة 47 لتر

**emadosman63** · 24-02-2009 03:56 PM

ألف مبروك ياباشا سبب سؤالى عن طريقة الشراء أنى كنت بالتوكيل يوم الجمعة وسألتهم عن السعر فقالوا حوالى 73 ألف مع كاسيت هدية وعندما أخبرتهم عن السعر الجديد وهو70 ألف فقالوا أنه بالمصرية وغالبا للتقسيط فقط وأعتقد أن سعر 70 ألف مناسب جدا بعد أن نزلت السريون الى 70 ألف أيضا ويجعل لها فرق سعر جدير بالنظر عند مقارنتها سعريا بالجين 2 مثلا

**SharpArrow** · 25-02-2009 10:31 AM

السلام عليكم
هو بالنسبة للسيريون 1300 سعرها دلوقتى 85000 جنيه
انما اللى بـ 70000 دي 1000 سي سي بس نازلة جديد و مفيهاش لا كاسيت ولا سنتر لوك و فتح الزجاج يدوي ومفيهاش فتحة شنطة من الداخل كمان
انا شفتها بنفسي في معرض الاهرام اللى فات
ثانيا بالنسبة البونتو هي سعرها 70000 في المصرية فقط لانها كانت عاملة عرض لكل العربيات و لفترة محدودة و معرفش اذا كان العرض لسه ساري ولا لا بس هو كان ساري حتى نفاذ الكمية

و لما سألت عن موضوع الكاسيت في اوماترا قالو لازم اكون شاري العربية من اوماترا عشان اخده انما لو من حتة تانية مش هخده
بس ادفع 70000 بدون كاسيت ولا 73000 بالكاسيت؟
طبعا 70000 احسن و ممكن اجيب كاسيت نضيف جدا جدا ب 1000 او 1500 بالكتير

عموما لو عايز العربية يا ريت تسأل في المصرية ان كان العرض مازال موجود ولا, و ان كان موجود الحق اشتريها لان لما انا اشتريتها كان على وشك الانتهاء

و ربنا يوفقك لما فيه الخير ان شاء الله

الموضوع: بونتو نوفا2009-2008 ؟؟؟specificaions

LinkBack

أدوات الموضوع

عرض

-

-

-

-

المواضيع المتشابهه

بونتو 2008 للبيع

>>> بونتو 2008 <<<

أنا بجد محتار اشتري افيو 2008 ولا بونتو 2008 ؟؟؟؟

بونتو 2008 ولا افيو2008 ؟؟؟؟

بونتو 2008 ولا افيو 2008؟؟

الكلمات الدلالية لهذا الموضوع

المفضلات

المفضلات

ضوابط المشاركة