الموضوع: بونتو نوفا2009-2008 ؟؟؟specificaions

المشاركة الأصلية كتبت بواسطة hibbsa

انما اللى بـ 70000 دي 1000 سي سي بس نازلة جديد و مفيهاش لا كاسيت ولا سنتر لوك و فتح الزجاج يدوي ومفيهاش فتحة شنطة من الداخل كمان

فيها سنترلوك و4 زجاج كهرباء ومرايات كهرباء

السلام عليكم
هو انا اولا كنت حيران جدا جدا فعلا قبل ما اشتري العربية و يمكن البونتو في الاول مكنتش على بالي تقريبا
بس كنت بفكر فيها وسط عربيات كتير جدا
كنت في الاول حاطط مبلغ لغاية 80000 لـ 85000 على اساس فلوس تيجي معينة بس محصلش نصيب بس قبل كده كانت عيني على:
1- الجراند بونتو
2- جين 2
3- صني
4- لانسر
5- سيراتو
6- واجا

و كان اكتر حاجة داخلة دماغي الجراند بونتو لشكلها الجامد و انها فيات و تقفيل ايطالي يعني تقفيل بلدها و لما قعدت جواها انبهرت بيها اوي اكتر حاجة
و بعد كده الجين تو و الواجا بس صرفت نظر عنهم لغلو صيانتهم في التوكيل و قطع الغيار لقيتها اكبر من سعر صيانة السيات ليون بكتير او في اي عربية في نفس الفئة تقرييا فا قلت حرام اروح التوكيل ادفع 1500 لغاية 2200 عشان اغير زيت و تيل و سير و مية و كلام فاضي

و بعدها الصني و اللانسر و السيراتو بس في الاخر لقيت ان الموضوع كبير بالنسبالي فا عشان كده حطيت اسس جديدة للعربية اللى هشتريها

اولا سعرها لا يتجاوز 75000
ثانيا موفرة في استهلاك البنزين
ثالثا تكون تقفيل نضيف و محتاجش اني اروح للميكانيكي كتير
رابعا تكون عزمها حلو و تستحمل لو قرصت عليها و تعيش في حالة اني مش هغير الا بعد مدة
تكون عربية امان يعني تبقى Stable عشان امشي براحتي على سرعة عالية و الملفات.
و طبعا المكاليات العادية تكييف باور سنتر لوك كاسيت

بس هي تقريبا الأسس اللي حطيتها عند شراء السيارة

بصيت للكوري لانوس و فيرنا
بالنسبة للسعر: تمام
البنزين: غير موفرة خالص عشان 1600 و 1500
تقفيل نضيف: لاتعليق
عزمها حلو: الفيرنا عزمها رهيب و اللانوس بعدها
موتور يستحمل و يعيش: مش اللانوس و الفيرنا بدليل اني بشوفهم عند الميكانيكي اكتر اتنين

بصيت للنيو اكسنت لقيتها محترمة جدا و تقفيل كوري نضيف بس موتورها 1600 و استهلاكها كتير برضه و صيانتها غالية شوية

بصيت للباليو و السيينا لقيتهم ممتازين بس السيينا تقفيل صيني فا استبعدتها لاني عرفت انها عاملة مشاكل كتير جدا جدا و كل الناس بتشتكي من السيينا التقفيل ده بالذات
و الباليو حلوة بس تقفيل برازيلي و قلت طالما هجيب هاتش باك يبقى اجيب بونتو احسن على الاقل تقفيل ايطالي و الميزة الى فيها كمان عن الباليو ان موتورها اصغر و موفر اكتر

و لقيت فيها كل الاسس اللى انا حاططها كلها بلا استثناء

و كمان قابلت واحد معاه بونتو موديل 95 و سألته عنها قللي ممتازة و رغم ان الناس قاله عليه مجنون لما راح يجيبها بس قال انا مبسوط فيها جدا و عمري ما هفكر ابيعها غير انك تحط الحاجة فيها و تنساها فين و فين لما تحتاج تغيرها تاني
و فعلا انا مبشوفش بونتو عند الميكانيكي تقريبا
فا اتجهت جدا للعربية و حبيتها اوي ده غير شكلها الكلاسيكي الرياضي و عجبني فيها الجنوط الاسبور اللى نازلة معاها في الموديل الجديد 2009
فا استقريت عليها و استخرت و جبتها على طول و هي الحمد لله بتحقق كل الاغراض اللى انا عايزها منها الحمد لله و موتورها ما شاء الله يقدر يقوم مع مواتير اكبر منه زي الفيرنا او اقل سنة بس هو يعدي اللانوس من 0 لـ 100

و فوق كل ده يستحمل جدا ما شاء الله
اللي كان معاه بونتو 95 كان شاب زينا 25 او 26 سنة و كانت عربيته ما شاء الله كأنها موديل سنتين فاتو مش شغاله من 14 سنة (مستحيل تلاقي كوري نفس موديل السنة بنفس النضافة دي حتى لو اتحافظ عليها)

الحمد لله انا شايف ان الفيات من اقوى الشركات العالمية اللى اثبتت وجودها فعلا بس للأسف مش واخدة حقها في الشرق الاوسط نهائي و الناس مستغربينها و قلقانة منها رغم ان اللانوس و الفيرنا و الأفيو في كل حتة و الناس مش قلقانة منهم رغم ان كلهم مشاكل و تقفيل وحش جدا و دي واخدها من لسان واحد صاحبي شغال في GM في خط التجميع
بيقول الأفيو (((زباااااااالة))) و كويس اني مجبتهاش
المهم ان الناس بتبص للانتشار اكتر ما بتبص للنضافة

اتمني اني اكون قلت اللى ممكن يفيد اللى بيفكر يشتري فعلا و عايز حاجة محترمة
و ربنا يوفقكو لما فيه الخير :)

Hi everybody

i believe fiat groupin nile motors is so active group i am a member of a very active group
Renult & i will be happy to be a member also in fiat group



I am planning to buy one of these two cars for my wife
Hyuandi Getz
Fiat Punto

after readying your topic i begain to be attrached to punto

it fits our requirment

1-low fuel consumption
2-Low running Cost
3-Durable Spare Part
4-small in size
5-Original Manufacturing Car
6-Attractive Shape
7-Full option
8-Stable car
9-Warranty 3 years with no limit for KM
10-But all i am afraid of is the agent i don't anything about ometra

But all i am afraid of the agent i don't Know anything about ometra

اناكنت بفكر فيها بجدية بس اجى فالاخر اتراجع..يعنى حضرتك شايف انها اعتمادية يعنى متعملش اى حركة مش تمام..وراى حضرتك فى الجراند وهل تستاهل فرق السعر دة..واداء التكييف بصفة عامة..شكرااااااااا جزيلا لحضرتك

انا نسيت اقول بالنسبة للتعامل مع المصرية
هو عادي زي اي شركة انا رحت هناك بس عشان العرض بتاعهم
و مبدئيا انت متبصش لعروض الاسعار اللى عملينها في الجرايد لان معظمها كذب
زي ما قلتلك ان سعر العربية 73000 و عاملين 3 جنيه دهب يعني تقريبا 3000 جنيه خصم
انما اللى مكتوب في سوق السيارات الاهرام ليوم الجمعة كان مكتوب فيه في الاسبوعين اللى قبل ما اشتري العربية
اول اسبوع السعر 71900 و 3 جنيه دهب يعني 69000
و تاني اسبوع 71900 و 4 جنيه دهب يعني 68000
و لما سألت موظف خدمة العملاء على الموضوع ده طبعا قالي انها غلطة مطبعية و بتاع وجبلي ورقة الاسعار اللى ماشيين عليها قلتله انا مالي بيها انا جي على اساس الاسعار اللى في الجرنان, فا قعد يلف و يدور المهم اشتريتها ب 70000
من الاخر هم بيجذبوا العملاء اليهم بأي شكل حتى لو بالكذب و دي النقطة اللى معجبتنيش فيهم انما كتعامل في الشركة نفسها هما كويسين جدا مفيش مشكلة.

و بالنسبة لاوماترا انا بصراحة لسه متعاملتش معاهم لحد دلوقتى عشان اقدر اقيم اي درجة هم فيها لان اول صيانة 5000 و انا لسه في 2300 كم
اول ما اروحلهم اول مرة ان شاء الله لازم هبلغكو و اديكو FeedBack

و بالنسبة ليها كعربية هي الحمد لله اعتمادية جدا و تقدر تعتمد عليها فعلا و البونتو زي ما قلتلك معروفة من زمان بانها عربية قوية و تستحمل و معروفها بعزمها الشديد ما شاء الله ده غير ان بالرغم انها هاتش باك الا ان الشنطة ما شاء الله بتاخد حاجات كتير جدا اكتر مما كنت اتصور فعلا و فرق حجم الشنطة ما بينها و بين اللانوس مش رهيب (ده بدون ثني الكنبة الخلفية)
و ميزتها انها Stable و عالية مع نفس الوقت
و ده يحقق اتزان جميل جدا و مع نفس الوقت مناسبة للطرق المصرية (المطابات وا للذي منه)
فا حسب رأي و تجربتي الشخصية انا شايف انها عربية منتهي الاحترام و اللى يشتريها هيستحرم يبيعها

بالنسبة للجيتز على فكرة هي عربية حلوة جدا و اللى خلاني استقريت على البونتو موتورها الصغير عشان استهلاك البنزين و يمكن الجيتز بتحقق جميع الاغراض التانية باستثناء الجنوط الاسبور (توازن البونتو احسن) بس موتورها 1600 للي محتاج سرعات عالية و عزم اقوى.

اتمني اكون جاوبت على اسئلتكو و لو فيه اي استفسار عن اي حاجة لا تترددوا و ان شاء الله اقدر اوفيها كلها

و ربنا يوفقكو للخير ان شاء الله :)