باركولى باركولى أنا انضميت لعائلة أوبل

**ahmedmaklad** · 30-01-2009 12:05 PM

هو انا على طول متاخر بص يا سيدي انت لازم تروح التوكيل اول مره تعمل الصيانة او تعمل الكشف و الصيانة الدورية لو عملت الصيانة العادية هتكلفك شوية لو عملت كشف بس هتبقي حاجة بسيطة بس انت لازم في الاول تدفع شوية كده مش كتير احسبها انت بقة و المالية
بالنسبة لل Abs ممكن يكون من حاجات كتير ممكن يكون من سنسور عجلة مفصول او زيت الفرامل او ال Abs نفسة فية مشكلة بس الراجل عنده ضمير انه قالك كده في ناس كتير تقولك اللمبة محروقه بس هو شغال

**فادى محمد** · 30-01-2009 12:25 PM

1000 مبروك يا مان

**tananybasha** · 30-01-2009 09:14 PM

الف مبروك ربنا يديك خيرها و يكفيك شرها و شر العين
قولوا امين

**Ahmad Allawy** · 31-01-2009 01:28 AM

المشاركة الأصلية كتبت بواسطة mexmarine

اولا نصيحتى تغير الفلاتر .. بنزين و زيت و هواء و شوف السيور اتغيرت امتى و شيك عالكاوتش عامل كام كيلو لان العربيه عدادها فوق ال100 الف و غير الزيوت كلها و الردياتير عاوز غسله فى موبيل برضه و بعد كده روح التوكيل اكشف عالعيب فى abs و روح صلح العيب بره التوكيل عند حد من ميكانيكيه الاوبل الجامدين فى الحرفيين
و 1000 1000000 مبرووووووووووووك

تمام كده كلامك..
بس احب اضيف و اوضح.. غسيل الردياتير ف المحطة بالمية الضغط العالي خطر جدااااااااااااااااا
و بيبوظه.. و ممكن يمشي الشوائب و الصدا داخل كل دورة التبريد.. و كده هتعمل مصيبة كبيرة..

بيتغسل ازاي.. تفضل زجاجة خل او شوية جاز في المية.. و العربية دايرة. و تسيبها شغالة شوية.. و هي سخنة.. و فضي المية دي خالص.. ارميها كلها... و حط مية نضيفة و سيبها شوية.. و هكذا.. لحد المية ما تنزل من العربية نضيفة تماما.. فضيها و حط مية حمرا نضيفة.. ماركة كويسة.. و بلاش مية خضرا عشان مضروبة..

و علي البركة..

**Mustafa_Farouk** · 31-01-2009 10:55 AM

Welcome Home, Mabroooooook

**M.Mokhtar** · 02-02-2009 10:47 PM

انا جيت متأخر اوى

الف مبروك يا باشا وربنا يديك خيرها ويبعد عنك شرها

انا مش هضيف عن اللى اخواتى الكبار قالوه

بالنسبة لل Abs ممكن تجربه تشوفه شغال ولا لأ
شوف حته فيها رمله او ماية ودوس فرامل جامد
لو حسيت بحاجات بتتكسر تحت رجلك يبقى شغال

لو العربيه اتزحلقت منك وسمعت صوت الفرامل يبقى مش شغال

وكده لازم تكشف عليه عند واحد بيفهم فى الاوبل

**فادى محمد** · 03-02-2009 01:19 PM

الزميل العزيز محمد ... بصراحه الاخوه هنا ماسابوليش اي حاجه علشان اقولها . روح التوكيل اكشف بالجهازواعمل اللي فيها بره وعناوين الاخصاءيين في الاوبل مزكوره علي المنتدي وانصحك تغير (طقم سيور-بوجيهات-زيت وفلاتر-اغسل الرادياتيروغير ميه حمرا اوخضرا) واهم شيء تشيك علي الخراطيم ( حيبان لو في تسريب عند كبس دوره التبريد في التوكيل )واي سؤال انا في الخدمه علي فكره انا راكب نفس العربيه مو99 .