محتار بين A620 و Tiggo

**Truman** · 09-07-2009 10:45 PM

ممطن تجيب تيجو 1600 إذا كنت مقلق من البنزين و بالنسبة للألوان فى ال Grey Wolf شيك و مش بيحتاج تنضيف أكتر من المعتاد

**h_shahin** · 10-07-2009 12:30 AM

لو بنتكلم عن الألفين سى سى
يبقى 620 أحسن طبعا

موضوع التيجو ده بقى للى عايز الشكل suv

**blazer** · 10-07-2009 01:07 AM

المشاركة الأصلية كتبت بواسطة alshahba

انا رأيي 620 لانها اكتر فى البشن بكتير جدا وقويه جدا وسريعه جدا
ومن زياده عن سنه شفت حادث فى صلاح سالم فى القاهره 620 ماشيه علي 200 وخبطت فى اشارة مرور ولكن الحمد لله كان فيها 3 شباب خرجوا سلام بدون خدش واحد بس كان اعصابهم تعبانه شويه
ده مثال علي القوه والسرعه والامان

!
مش للدرجه دى
و العربيات الصينيه معروف اصلا ان اكبر عيوبها هو معدل الامان المتدنى جدا بتاعها
والا مكانتش عربياتها تتمنع من دخول اسواق الاتحاد الاوروبى بسبب عدم تجاوزها لاختبار التصدام

**Truman** · 10-07-2009 03:06 AM

موضوع إختبار التصادم مش هو العامل الحاسم فى قرار شراء عربية فى مصر و بعدين إذا كان على الأعمار فالأعمار بيد الله و أظن إن الأميرة ديانا ماتت فى تصادم و هى راكبة مرسيدس فئة s شبح بالرغم من سمعة مرسيدس المشهودة بالأمان

**ALshahba** · 10-07-2009 04:05 AM

المشاركة الأصلية كتبت بواسطة blazer

!
مش للدرجه دى
و العربيات الصينيه معروف اصلا ان اكبر عيوبها هو معدل الامان المتدنى جدا بتاعها
والا مكانتش عربياتها تتمنع من دخول اسواق الاتحاد الاوروبى بسبب عدم تجاوزها لاختبار التصدام

يا استاز انا شفت الحادث بعيني ومش حد يحكيلي عليه او يقلل من شأنه, والعربيات التانية بصراحه ورق بس اسمائها مشهوره
وانا شخصيا حصلتلي حادث من يومين الحمد لله طلعت منه علي خير دخلت فى اتوبيس وكنت ماشس علي 80 عربيتي 516 من قدام طبعا اتبهدلت لكن جميع السياره بالكابينه سليمة جدا وده مثال مني ووقع ليه شخصيا مش محتاج تزييف علشان اي شيء