فرامل يا جماعه .. سؤال

**mexmarine** · 31-01-2009 01:16 AM

يا عصابه .. السلام عليكم و رحمة الله و بركاته

سؤالى .. عندى صفاره مع خبطه خفيفه فى الفرمله فى العجله الشمال من الخلف و ساعات بتكون صفاره مقطعه

هل ده تيل فرامل؟؟
و هل اى ميكانيكى كويس مش شرط اوبلاوى يشتغل فيه

منتظر الاجابه
للعلم الراجل اللى باع لى العربيه قال لى انه لسه مغيره و الفرامل فعلا كويسه جدا بس الصفاره بدات تظهر

**Ahmad Allawy** · 31-01-2009 02:25 AM

شوف يا باشا..
الصفارة دي معناها انه التيل لسة مطبعش..
او التيل نوعه مش كويس قوي.. و في العجل اللي ورا يبقي اوضح لسبب..
ان الشنبورة مقفولة.. التيل مش بييجي عليه تراب ولا اي حاجة عشان يصفر.. و بالنسبة لموضوع الخبطة دي بقي لازم يتفك و يتشاف.. عشان مكن يكون مش راكب كويس.. و بيتحرك من مكانه.. و بيخبط و اوقات بيصفر..
بس خلي حد كويس يبص عليه و خلاص.. و دي مش مهم قوي يكون اوبلاوي يعني..

و ربنا يستر و تطلع بسيطة ان شاء الله..

**nemonemo430** · 31-01-2009 09:38 AM

اخى الكريم

اولا نوع الفرامل الخلفى بتعتك اية

لقم ولا اطواق

لو لقم

خلى حد يفك التيل ويشيل الساج الى بيكون علية اسم الشركة لانة مع السخونة بيفك ويعمل شوية اصوات

اما لو

اطواق

لو فى صوت كمان مع دوسة الفرملة زى طبقة خفيفة كدة

يبقى لازم حد يبص عليها هتلاقى فى سوستة من مجموعة السوست الى فى المجموعة واقعة من مكانها