فرامل اللانوس والزيت....حد يفهمنى يا جماعه

**Dr Kento** · 12-11-2012 11:17 PM

انا بحس الفرامل مش كويسه ومتسعفنيش على 80 او 90 كيلو حتى لو ضربت فرامل مفاجئ لا قدر الله ياترى دى فرامل اللانوس كدا ولا المشكله فى عربيتى؟
والسؤال التانى انا غيرت زيت موبيل 1 50/20 من 1100 كيلو تقريبا ومش مرتاح للسحب ولصوت الموتور تفتكرو ايه انسب زيت ؟ واغير موبيل دا على 3000 كيل زى ما ماكتب عليه ولا ايه ؟

**Ahmed Nasser** · 12-11-2012 11:37 PM

بالنسبة للفرامل ممكن تقول حالة الطنابير والتيل والزيت عاملين ايه
اما بالنسبة لزيت موبيل فالكل بيشتكى منة هات فيسكو 5000 او كرستول ايدج احسن بكتير

**Dr Kento** · 12-11-2012 11:45 PM

انا اطمنت على التيل الخلفى والطنابير عند عفشجى الاسبوع اللى فات وخلانى امسح الطنابير عشان مكنوش متساويين بس برضو لسه مش مرتاح للفرامل بخاف منها العربيه مبتفرملشى فى مسافه صغيره بتاخد وقت لحد لما تفرمل ولو استخدمت الفرامل كتير اشم شياط

**Dr Kento** · 12-11-2012 11:47 PM

ضغط الزيت عايز يتضبط لان الداسه بتنزل اكتر سنه من الاول بس ياترى اظبط ضغط الزيت فى الاربع عجلات ولا كفايه انى اسحب الزيت من عجله واحده

**mero100** · 13-11-2012 12:21 AM

لازم تراجع علي الفرامل في الاربع عجلات . مع سحب الهواء منهم
شوف حاله التيل أمامي و خلفي .
لو مغيرتش زيت الفرامل من فتره يستحسن تغيره بنوع كويس dot 4 ممكن موبيل او بندكس او لوكهيد ( بس لو لوكهيد في علبه صاج ) و فيه نوع ألماني كويس حتلاقيه في موضوع عصام غنايم بتاع تغيير زيت الفرامل . لما تغيره حتفرق معاك الفرامل .
بالنسبه للماستر العمومي ( اللي تحت خزنه زيت الباكم مباشره ) لو بتضغط فرامل مفاجيء و مبتلاقيش فرامل و ترجع تدوس تاني تمسك ... ده يبقي عيب ماستر عمومي .
و أهم حاجه بعد ماتظبط كل ده انك تراقب مستوي زيت الفرامل في خزنه الزيت و المهم انه ميكونش بينقص .

و عموما فرامل اللانوس مش قويه اوي بس مش سيئه .

و عشان كده بعض الاعضاء عملوا موضوع تعديل فرامل اللانوس و حسوا بفرق جامد في قوه الفرمله مع ثبات العربيه . بس الموضوع مكلف شويه .

**Ahmed Nasser** · 13-11-2012 12:41 AM

المشاركة الأصلية كتبت بواسطة dr kento

انا اطمنت على التيل الخلفى والطنابير عند عفشجى الاسبوع اللى فات وخلانى امسح الطنابير عشان مكنوش متساويين بس برضو لسه مش مرتاح للفرامل بخاف منها العربيه مبتفرملشى فى مسافه صغيره بتاخد وقت لحد لما تفرمل ولو استخدمت الفرامل كتير اشم شياط

والزيت اخبارة اية والتيل والطنابير الخلفية عاملة اية

**amer_el7op** · 13-11-2012 12:43 AM

المشاركة الأصلية كتبت بواسطة mero100

لازم تراجع علي الفرامل في الاربع عجلات . مع سحب الهواء منهم
شوف حاله التيل أمامي و خلفي .
لو مغيرتش زيت الفرامل من فتره يستحسن تغيره بنوع كويس dot 4 ممكن موبيل او بندكس او لوكهيد ( بس لو لوكهيد في علبه صاج ) و فيه نوع ألماني كويس حتلاقيه في موضوع عصام غنايم بتاع تغيير زيت الفرامل . لما تغيره حتفرق معاك الفرامل .
بالنسبه للماستر العمومي ( اللي تحت خزنه زيت الباكم مباشره ) لو بتضغط فرامل مفاجيء و مبتلاقيش فرامل و ترجع تدوس تاني تمسك ... ده يبقي عيب ماستر عمومي .
و أهم حاجه بعد ماتظبط كل ده انك تراقب مستوي زيت الفرامل في خزنه الزيت و المهم انه ميكونش بينقص .

و عموما فرامل اللانوس مش قويه اوي بس مش سيئه .

و عشان كده بعض الاعضاء عملوا موضوع تعديل فرامل اللانوس و حسوا بفرق جامد في قوه الفرمله مع ثبات العربيه . بس الموضوع مكلف شويه .

+11111111111111111

**مصطفى دايو** · 13-11-2012 03:19 AM

غير زيت الفرامل وخد هوا فرامل من اربع عجلات ورجلش عجل خلفى ولو متحسنتش راجع المستر العمومى مصطفى دايو

**abo rodina** · 13-11-2012 08:16 PM

بص ياباشا انا معايا اللانوس من شهرين وأول ماجبتها كنت حاسس زيك كده ان الفرامل بتاعت العربية ضعيفة وعملت كل حاجة تتخيلها عشان تبقي أقوي بس مافيش فايدة وسألت ناس كتير عندهم لانوس قالولي ان ده عيب في اللانوس عموما فراملها مش قوية........
فحاول وانت ماشي غلي سرعة عالية ماتقربش من اللي قدامك اوي وسيب دايما مسافة بينك وبينه وربنا يسترها معانا يارب