الموضوع: لأهل الخبرة فقط من الريجاتاوية وخصوصا الباشا سبعاوي .بالصور

المشاركة الأصلية كتبت بواسطة karmoty

يا باشا ألف مبروك عالعروسة الجديدة وربنا يباركلك فيها أنا برضه ريجاتاوي زيك بس بحذرك انك هتقع اسيرها زي اخوك كده
شوف ياسيدي:
أولا:معرفش مشكلة الفتيس ايه بالضبط بس لازم تملاله زيت في البنزينة لو مبيجيش معاك بسهولة أو تكشف على دواسة الدبرياج.
ثانيا:ممكن يكون احد اقفال البيبان بايظ و فيه مشكلة في الفرامل او ممكن تكون اللمبتين دول بينوروا على الفاضي بس برضه راجع الكهربائي احتياطي
ثالثا:سخونة العربية ممكن تكون لاحد الاسباب التالية(لو المروحة ما بتلفش يبقى تخلع سلكين المروحة من الكوبس بتاعهم لما تكون العربية حرارتها 90 وتوصلهم ببعض لو اشتغلو يبقى انت عايز ترموستات جديد,لو عملت كل ده وما اشتغلتش برضه يبقى العيب في موتور المروحة,لو السبب مش في دول يبقى في دورة التبريد واول حاجة تعملها تكشف عالمية بتاعة الموتور ,او تشوف لو فيه تسريب ولا حاجة, لو مطلعش ولا سبب من دول يبقى تراجع الميكانيكي)
رابعا:الانذار والسنتر جديد بيعملو بتاع 350 جنيه وما فيش حاجة ما بتتصلحش بس تروح لواحد معرفة او معروف عنه حسن السمعة عشان ما يحرقكش في التصليح
خامسا:شوف يا عمنا لفتح الشنطة(ضع المفتاح ثم لفه ناحية الشمال ثم إضغط لجوة جامد,للغلق حط الفتاح لفه ناحية اليمين لحد ماتحس بتكة بسيطة واعدل المفتاح واسحبه ,عشان تتاكد انها قفلت دوس على القفل من غير المفتاح لو القفل دخل من غير ما يعصلج في حاجة يبقى تمام أو لو ما دخلش خالص)
سادسا:ده لعمل وضع الباركينج وبيتعمل لما تطفي العربية خالص تخلي المفتاح في الكونتاكت وتلفه لفه كمان لتحت مع الضغط عالمفتاح ده وشيل المفتاح هتلاقي النور الامامي والخلفي منورين وانت معاك المفتاح هو ده الباركينج,وليه استخدام تاني لما يكون الدركسيون مقفول(لف لفة صغيرة والمفتاح مش فيه او والعربية مقفولة)الحل بانك تحط المفتاح وتلفه تكة واحدة بس من غير ماتدور العربيةوتدوس على الزرار ده مع تحريك الدركسيون يمين
سابعا:البكرة دي لتعلية وتخفيض اضاءة التابلوه
ثامنا:مش فاهم بصراحة ازاي يعني اول لفة في المفتاح بيفتح نور واطي تاني لفة نور عالي تنزل الدراع بالوضع ده لتحت يديك نور عالي اوي(الرعاش) لو حاجة غير كده يبقى ارجوك وضحلي
تاسعا:ده نور شبورة وراني
عاشرا:ده زرار تسييح التلج من على الازاز الوراني(الخطوط السودا اللي على الازاز من ورا دي سخانات) او لازالة الشبورة من الازاز الوراني

انا اسف جدا لان فيه سؤال مردتش عليه سامحني بس انا معرفش حله اكيد
ربنا يباركلك فيها ويكفيك شرها وشر الطريق
انا عارف انت حسيت زي ما يكون حد خبطك انت صح؟
معلش ربنا يحافظلك عليها
بس ارجوك حاول ما تركنش صف تاني حتى لو هتركنها بعيد بس على الاقل تبقى مطمن عليها.
مبروك مرة تانية ياأحمد وسلامو عليكو:k32:

مش عارف اشكرك ازاي
شكرا جداااااا علي ردك وزوقك وربنا يجازيك خير

والحمد لله كتير من اللي قولته نفعني جدااااااا
بس في شوية حاجات كده لسة زي
1- الزرار الاسود اللي فوق المفتاح عملت معاه كل الحيل ولاعبته كل الاعاب ومالقيتش اي تأثير له ف ياريت تشرحلي بالظبط اعمل ايه
2- هو استفسار بس مش باب اولي يبقي السخانات بتاعة التلج دي تبقي علي الزجاج الامامي
يعني ايه فايدتها انها علي الخلفي ومش علي الامامي

المشاركة الأصلية كتبت بواسطة kazanova7

بص يا عم انا عندى ريجاتا 100 - 1600cc و اعرف الريجاتا دة مصمار مصمار
1- اللبة اللى منورة فى الكمبيوتر بتاع التبلوة اللبة اللى منورة تحت بتاعة تيل الفرامل ورا منورة على شان تيل الفرامل الللى راكب مش بتعها و بتعها بيكون فى سلك بتوصل بصلك فى العربية و طبعا التيل دة ما فيش منو فا بيحطلو واحد هما اخترعوة على شان كدة هو منور
2- الانوار اللى فى الخط اللى تحت فى الطبلوة ما بينورش منها الا النور و العالى بتاع النور و الانتظار و هو هو بتاع الاشارات و نور لما تشد الهند براك
3- انت المفروض ما تسيش العربية تسخن دة انت كدة استنيت لغاية ما العربية صفرت و الحل بيكون فى فى الريدياتير بتاعة نحاسس كدة اللى بتايش الحرارة دى بتتغير و دى تمنها رخيص و الطبيعى ان عداد الحرارة اللى فى الطبلوة ما يزدش عن 90
4- السنتر بيصلح عادى و الانزار بيتركب على حسب الرغبة و بردو ما بيكنش غالى اما الشنطة شفلك واحد بتاع ابوب كويس و هو ها يعملهالك
5- الفتاح اللى فوق الكونتاكت دة على شان لما الدركيسون يسوجر طحت المفتاح و تدوس علية يفك المسوجر و غالبا مش شغال عندك
6- البكرة الللى فيها +- دة على شان يزود و يقلل نور التبلوة
7 - الزرار اللى فوق الانتظار دة بتاع السخان بتاع الازاز اللى و را و اللى فى اليمين دة زرار بتاع السخان اللى فى الازا اللى ادام و دة لو كان الازاز فية سلك حرارى و طبعا لو الازا اتغير ابل كدة بينا مش شغال و لو شغال حاول تفصلة على شان لو ضغت الزرار فترة و كانت الدنيا حر ممكن يخلى الازاز يطق


اتمنى اكون فدتك لو عايز اى استفساس فى اى خرم فى الريجاتا

M.ALI

انا فعلا روحت بالعربية لورشة فرامل وكشف علي التيل اللي ورا لقاه خلاص بح وغيرو بتيل مش بتاعها لأنه ببساطة لفة كبيرة وقطع منها حتة علي اد التيل الاصلي
عامة شكراااااا جدا علي ردك ومشاركتك وان شاء الله بينا كلام كتير بمناسبة انك ريجاتاوي قديم
وسؤال معلش انت تعرف بتاع كربراتير كويس لو اه ياريت اسمه وعنوانة
وياريت بردو تقولنا علي معدل استهلاك البنزين معاك

الف مبروك ياباشا على الريجاتا انا كانت معايا واحدة اشترتها مستعملة وقعدت معايا 8 سنين والله اخر جمال وكنت بستعملها يوميا وكانت اصيلة ماقلتش باصلها غير مرة واحدة فى 8 سنين ومعملتش فيها حاجة خالص غير دهان خارجى بس للنظافة بعد 4 سنين وبعتها مش علشان عيب فيها لا علشان اجيب بس عربية زيرو
مبروك عليك مرة تانية وانا بعتبر الريجاتا هى مرسيدس الفيات وربنا يباركلك فيها

الف الف مبروك وربنا يديك خيرها ويكفيك شرها ويبارك لك فيها
الموضوع بسيط جدا
كنضافة واضافة لحالة العربية ونصيحة لوجه الله ومش هتخسر حاجة
ودى العربية لواحد بتاع ريدياتير يفك وينضف وتحط ميه خضرا وتركب لك صباع حرارة جديد ( او ساعة حرارة )
والوقاية خير من العلاج زى مبيقولو (ومتحكمش على حالة الريدياتير من الشكل الخارجى الجميل بتاعة لان انت متضمنش فيه ايه من جوا
طبعا مع تغيير سير الدينامو وسير الكاتينة وطقم الكهربا
حجات فعلا هتفرق معاك كتيير قوى بدون تكلفة تذكر
وبالنسبة للفتيس راجع معلقة الفتيس او دواسة الدبرياج
والف مبروك

المشاركة الأصلية كتبت بواسطة kefafy

الف الف مبروك وربنا يديك خيرها ويكفيك شرها ويبارك لك فيها
الموضوع بسيط جدا
كنضافة واضافة لحالة العربية ونصيحة لوجه الله ومش هتخسر حاجة
ودى العربية لواحد بتاع ريدياتير يفك وينضف وتحط ميه خضرا وتركب لك صباع حرارة جديد ( او ساعة حرارة )
والوقاية خير من العلاج زى مبيقولو (ومتحكمش على حالة الريدياتير من الشكل الخارجى الجميل بتاعة لان انت متضمنش فيه ايه من جوا
طبعا مع تغيير سير الدينامو وسير الكاتينة وطقم الكهربا
حجات فعلا هتفرق معاك كتيير قوى بدون تكلفة تذكر
وبالنسبة للفتيس راجع معلقة الفتيس او دواسة الدبرياج
والف مبروك

تسلم ايديك يا باشا وشكرا علي النصايح الغالية
وانا متعود مع كل عربية اعمل الحاجات دي الاول من تغير سيور وطقم كهربا
بس ما جاتش في بالي تنضيف الريداتير ده
عامة كتر خيرك وشكرااااااااااااا