لأهل الخبرة فقط من الريجاتاوية وخصوصا الباشا سبعاوي .بالصور

**ahmad5997** · 31-01-2009 09:42 AM

السلام عليكم ورحمة الله وبركاتة
اولا احب ان اوجة الشكر لكل اعضاء المنتدي علي المجهود الجميل ده بجد والله انتوا احلي شباب في الدنيا
ثانيا بفضل من ربنا امبارح اشتريت ريجاتا 85 واليكم الاحداث
بعد لف اسبوعين في سوق الجمعة وللأسف المرتين كنت لوحدي كنت كل ما اتفق مع ميكانيكي وسمكري يفلسعوني مش عارف ليه المهم اخر الطريق قولت انا اعتمد علي الله ثم علي نصائحكو في الشراء
وبالفعل لقيت واحدة بنت حلال وقلبي حبها من اول نظرة ولما قلبت فيها الحمد لله لقيتها ولا صبغت شعرها ولا حاطه باروكة اقصد ولا رشت جوة ودواخل الشركةالازاز الكهربا شغال السنتر مش شغال بس الراجل قالي انه موجود وعايز يتظبط وكمان فيها انذار والسرينة بتاعته موجودة بس مش شغال هو كمان مش عارف واقف علي ايه وللاسف من غير تكيف وجيبتها ب 23500 بعد فصال خنقني انا شخصيا
المهم يا بشوات وانا مروح بيها وبقي ما شاء الله عليها سحبها حلو وبتجري بس مش عراف الفتيس بتاعها خانقني الغيار بيجي بالعافية نسب البوش فيه عالية حبتين
سؤالي للريجاتاوية الخبرة بقي
1- مشكلة الفتيش لو فيه بوش والغيارات بتتعب كده يبقي حلها ايه وبكام
2- كمبيوتير الاعطال بتاعها شغال وبينور علي شكل الباب وشكل العجلة اللي ورا مش فاهم حاجة طبعا يعني ايه الباب منور علي الكمبيوتير والابواب كلها مقفولة صح وايه العطل اللي ممكن يكون في العجل اللي ورا
3- انا صورت التابلوة بتاعها وباين طبعا هي عاملة كام ياتري ده حلو ولا كتير وياريت بردو حد يفيدنا ويقولنا ايه اللمبات اللي في التابلوة دي كلها
4-العربية بتسخن موووووووت تكاد توصل ل 130
5- هو السنتر والانذار يتكلفو كام جديد ولو هصلح الموجود ينفع اصلا التصليح ولا ايه وبكام
6-الشنطة اللي بفضل افتح فيها بالساعات وكل مرة بتتفتح وانا مش عارف هي بتتفتح ازاي يعني الف المفتاح من غير ما ادوس علي الزرار ولو اه الفه يمين ولا شمال ولا ما ادوس وبعد كده الفه ولو اه بردو الفه يمين ولا شمال طبعا نفس اللخمة دي بتبقي في القفل
7- في زرار صغير لونة اسود فوق المفتاح بتاع الكونتاكت علي طول بتاع ايه ده وبيعمل ايه
8- في بكرة +- زي بتاعة الصوت مثلا تحت دراعات الاشارات والانارة بتاعة ايه دي
9-دراع الانارة بيلف يمين وشمال تكتين ده طبعا غير التقليب مش فاهم ايه يمين وشمال دي بتعمل ايه يعني
10- زرار بتاع النور اللي فوق الانتظار لازمتة ايه
11- في الناحية التانية موجود زرار مرسوم عليه مربع وداخل فيه حبة خطوط معوجة ياتري ده بتاع المروة اني اشغلها باستمرار من غير الترموستات ولا ده بتاع ايه

نسيت اقولكو اني انهاردة صحيت من النوم ونازل اصبح علي حبيبتي الجديدة لقيتها مخبوطة من الجنب تقريبا واحد اتحرش بيها بليل بعد ما سيبتها قدر الله وما شاء فعل

اسف علي الاطالة جداااااااااا
بس ياريت اللي يرد عليا يحاول جاهدا انه يفيديني وبالاخص في موضوع التابلوة والزراير اللي مش فاهم حاجة دي

واشكركم يا احلي شباب في الدنيا

**ahmad5997** · 31-01-2009 09:57 AM

دي صورة تابلوة ريجاتا 85 ياريت اللي يعرف كل رقم بيشاور علي ايه يقولنا وبالذات اللي منورين في كمبيوتير الاعطال دي
وشكرا

**ahmad5997** · 31-01-2009 01:42 PM

معقول يا شباب 13 واحد يزور الموضوع ومافيش حد يعبرني بكلمة مبروك حتي

**sobhysm** · 31-01-2009 03:29 PM

مبروك يا باشا بس للأسف انا عندى 128 ومعرفش حاجة عن الريجاتا بس ناوى أجبها إن شاء الله

**masam55** · 31-01-2009 07:48 PM

اولا: ربنا يبارك لك فيها 0
ثانيا :العربية بتسخن موووووووت تكاد توصل ل 130
شوف الشبكة الأمامية مفتوحة ولا لأ يعنى فيه شبك بيكون الفتحات بتاعته مش مفتوحة لأنها جاية من ايطاليا مش محتاجين تبريد

**masam55** · 31-01-2009 07:50 PM

في زرار صغير لونة اسود فوق المفتاح بتاع الكونتاكت علي طول بتاع ايه ده وبيعمل ايه

ده علشان لو عاوز تنور النور الصغير والعربية مبطلة بتلف المفتاح عكس الكونتاكت وتضغط على الزرار ده

**masam55** · 31-01-2009 07:51 PM

8- في بكرة +- زي بتاعة الصوت مثلا تحت دراعات الاشارات والانارة بتاعة ايه دي

دى علشان تزويد وتقليل شدة نور التابلوه

**ahmedmohamed7** · 01-02-2009 02:36 AM

- كمبيوتير الاعطال بتاعها شغال وبينور علي شكل الباب وشكل العجلة اللي ورا مش فاهم حاجة طبعا يعني ايه الباب منور علي الكمبيوتير والابواب كلها مقفولة صح وايه العطل اللي ممكن يكون في العجل اللي ورا
3la falra 2n 2ol a shoft sort al tablow 2ftkrtha 3arbitna :D bas b2a 27na 3andana nafs al lamptin dol manworin wa sa2lna kza 7ad wa tab3n homa kda bayzen wa msh 2i 7ad bay3rf yasl7ha ll2sf l2n al computer mo3kd gadn bas mat2l2sh al lamptin dol msh mo2srin 2oi
*al 3dad ali fi 2ksy ymen tablowo dah bta3 mo3dl 2sthlak al bezen
modo3 al so7'na dah bardo kan 3andana tal3t al marw7a bayza msh batsht3'l ella lo 5tad za2a:D bas bsra7 ma3rfsh modo3 2nha gaya mn italy wa msh m7taga tabrid
bas bagd al 3arbia basm allla masha allla2 gamila gadn rabn yakfik shrha isa
3la fakra 2na m3aya Nova regat 1990 2wel yad :D

**mrghost** · 01-02-2009 05:58 AM

اولا ياباشا الف الف مبروك على العربيه وربنا يكفيك شرها
ثانيا حكايه اللمبه اللى منوره على الباب ده كده احتمال انه يكون اى زرار من الازرار الاربعه بتوع الباب بايظ وبالتالى بيدى ارضى علطول
ثالثا اللمبه بتاعة العجله الخلفيه دى بتبين ان التيل اللى ورا استهلك وعاوز يتغير فاكشف عليه عند الميكانيكى

**ahmad5997** · 01-02-2009 09:52 AM

شكرا يا جماعة علي اهتمامكم وردكم
بس ما حدش يعرف الارقام بتاعة التابلوة دي وبالاخص رقم 1.5.6 وكمان طريقة فتح وقفل الشنطة اللي هتجنيني دي
وبعدين فين ابو السباع واحشنا مداخلاتو الجميلة والتفصيلية اللي بتفهم الواحد