استشارة بخصوص طنابير الافيو

**tafa17** · 31-01-2009 10:52 PM

السادة الاعضاء مالكي الافيو
السلام عليكم ورحمة الله وبركاته
ان كنت بعمل صيانة 10000 عند اوتو ماستر وكنت بشتكي من الطنابير لما اكون جايب سرعة عالية وآجي اهدي بحس برعشة جامدة في الدريكسيون

فالمهندس اللي هنالك قالي لازم تروح الفرع الرئيسي اول طريق مصر الاسكندرية الصحراوي علشان هما اللي بيغيروا الحاجات دي قلتله امال انتو ايه قالي مركز خدمة ، قلتله طيب المركز اللي في رابعة العدوية بيغير الطنابير ؟ قال معرفش روح وجرب و طبعا بعد لما مشيت من عنده رحت علي المركز اللي في رابعة العدوية
وقعدت ادور علي المهندس لغاية لما لاقيته وبعدين سألته نفس السؤال عندي مشكلة في الطنابير ومش عايز اخبط مشوار لغاية الصحراوي وانا ساكن في مدينة نصر وبرده نفس الرد بس كنت شاكك في كلامه حسيت انه بيوزعني فعايز اعرف هل في حد فيكوم غير قبل كده طنابير في رابعة العدوية ؟؟؟؟؟؟؟
وايه الحل ؟ لازم اروح الصحراوي ولو رحت الطنابير دي في الضمان ولا هادفع حسابهم لو علي التيل ماشي مفيش مشكلة لكن الطنابير انا مالي ؟؟؟؟
ممكن الافادة افادكم الله وجزاكم الله كل خير وانا منتظر الرد من الاعضاء المحترمين كما تعودنا منهم حسن المشورة والرد
والسلام عليكم ورحمة الله وبركاته

**khaledhendawy** · 31-01-2009 11:13 PM

انا غيرت قبل كده طنابير في رابعة العدوية بعد ماطلع معايا فنى وجربها ده كان بعد عيد الفطر الماضى
وغيرت مساعد عندهم ايضا من حوالى 4 شهور
بس ده كان ايام المهندس المسئول السابق/الشافعى
انصحك تتعامل مع المهندس المسئول عن المركز
بس على فكرة مركز الهرم احسن وافضل

**Hosam_Optrawy** · 31-01-2009 11:23 PM

يعنى انت مكسل تضرب المشوار فى حاجه مهمه زى الطنابير
انصحك لازم تروح الصحراوى عشان اضمن
مادام عندك مشكله لازم تروحلهم
انما الصيانه وتغييرالزيت والكلام ده ابقى كسل براحتك وروح اى مركز

**egyptianmafia** · 01-02-2009 12:45 AM

ya gam3a.....The Tayran is a Quick Service not a full service....for major stuff you need to go to the Haram station....

**tafa17** · 01-02-2009 01:41 AM

المشاركة الأصلية كتبت بواسطة khaledhendawy

انا غيرت قبل كده طنابير في رابعة العدوية بعد ماطلع معايا فنى وجربها ده كان بعد عيد الفطر الماضى
وغيرت مساعد عندهم ايضا من حوالى 4 شهور
بس ده كان ايام المهندس المسئول السابق/الشافعى
انصحك تتعامل مع المهندس المسئول عن المركز
بس على فكرة مركز الهرم احسن وافضل

اشكرك علي سرعة الرد وخايف احجز واروح وبعدين يقوللي اطلع علي الهرم علي العموم جزاك الله كل خير

**tafa17** · 01-02-2009 01:45 AM

المشاركة الأصلية كتبت بواسطة Hosam_Optrawy

يعنى انت مكسل تضرب المشوار فى حاجه مهمه زى الطنابير
انصحك لازم تروح الصحراوى عشان اضمن
مادام عندك مشكله لازم تروحلهم
انما الصيانه وتغييرالزيت والكلام ده ابقى كسل براحتك وروح اى مركز

ياخي مش مكسل بالمعني المفهوم ولكن انتا عارف الزحمة والقرف بتاع المشوار من مدينة نصر الي اول الصحراوي وبعدين الاستئزان من الشغل و حاجات زي كده و متقوليش روح يوم السبت علشان اكيد ضرب نار و زحمة يعني انزل من البيت الساعة 7 علشان اوصل بدري واحجز ، بس انا هاخد بنصيحتك و هاروح الهرم بس المهم مايقوليش تتحمل ثمن الطنابير و اشكرك علي النصيحة

**tafa17** · 01-02-2009 01:47 AM

المشاركة الأصلية كتبت بواسطة باسم انور

اخى tata17
انا معايا افيو 2007 كورى وكان نفس المشكلة دى عندى وهى لما اكون ماشى فوق ال100 ك واجى اهدى الاقى رجة فى الدريكسيون ورحت بيها التوكيل الى فى مقار معملش حاجة وفى الاخر رحت بيها التوكيل فى الصحراوى وقلتلهم على المشكلة دى دخلت جوة وقال لى جربها وفعلا من سعتها مافيش رجة واظن انهم ربطو على حاجة فى الدريكسيون

اخي باسم انور ، اشكرك علي الرد بس انا حاسس ان الموضوع فعلا طنابير مش حاجة في الدريكسيون ، المهم تتصلح لما اروحلهم وجزاك الله الف خير