صوت غريب فى الاوبترا عند تشغيل التكييف

**hanyathlon** · 09-06-2008 02:07 AM

اول حاجة ازيكم ...
و اسف انى اختافيت بس فعلا لظروف خارجة عن اردتى لانى استلمت الاوبترا
و ملحقتش اتهنى بيها و سافرت اسبوعين و لسة جاى .. :]

المهم اول ما رجعت اخت الاوبترا رحت طالع بيها على شارم الشيخ و خلصت التلليين فى اقل من يومين :] و عملت 1200 كيلو .... مفتر مفترى يعنى

و شكرا يا أ\ احمد بجد انت كنت السبب الرئيسى فى انى اجيب الاوبترا
بعد م ابعت الرينو الكليو ...

و فاكر يا أستاذ احمد اول ما جبتها و بعتلك رسالة على الخاص و قلتلك حاسس بخشونة فى طلعت الاول و حاسس ان الموتور صوتة عامل زى السولار كدة .. بس فعلا الصوت دة قل اوى اول ما خلصت ال 1000 كيلو وسافرت ورحت بيها ....

بس فى حاجة مقلاقانى اوى حاسيت بيها .. انا اول ما رجعت من السفر من يومين كدة سفرت بالعربية شرم و حسيت بيها فعلا بقى بعد التليين و التظبييط

بس فى حاجة عاوز اسأل عليها هى انى اول ماشغل التكييف و ازود بنزين شوية و الف البارو ستيرنج احس بصوت غلايب من قدام .. زى ما يكون صوت علبة الباور او زى صوت تانى بيعلى كدة اوى ..
بس دة بيحصل و انا مشغل التكيف و بلف الطارة يمين او شمال .. زى ما يكون بياخد طاقة زيادة و صوت جامد انا حاسيس ان فعلا مكن يكون فى حاجة او عيب
بس لما اققفل التكيف الصوت بيروح .....ز

فى حد حس او لاحظ الصوت دة عندة فى الاوبترا ..

**dinow** · 09-06-2008 02:57 AM

انا بسمع صوت زى تك كده لما بشغل التكييف و انا واقف بس مش قلقان منه

**osman hisham** · 09-06-2008 09:04 AM

التكه دى عادى ده الكومبريسور بيشتغل أما المشكله التانيه دى لازم تروح مركز الصيانه

**أبو عمار** · 09-06-2008 09:20 AM

لا تقلق يا أخى ، الصوت ده موجود فى كل العربيات لما تلف الدريكسيون الباور على الآخر و على فكرة لو سيبت الدريكسيون هتلاقى الصوت إختفى و مش هتفرق فى زاوية العجل

**hanyathlon** · 09-06-2008 01:08 PM

دة صوت زى ما يكون عيب .. صوت بيعلى اوى و مبيكونش مريح ...
زى ما يكون فى صوت حاجة خشنة وبيعلى مع لف الطارة

**M.Nasr** · 10-06-2008 11:30 AM

اى عربية فيها باور بتعمل صوت لما بتلف التارة على الاخر وسمعت ان المفروض ماتسيبش التارة جايبة اخرها يمين او شمال لمدة اكتر من 10 ثوانى عشان كدا بتحمل جامد على الباور بس مش متأكد من المعلومة دى لكن حاسس انها صح عشان الصوت ده

**aif** · 10-07-2008 10:58 PM

اولا انت فين يا هاني ... بقالك شهر مش معانا
ثانيا اعتقد ان الصوت ده طبيعي .. انت بس موسوس حبتين :)
عموما ابقى اسألهم في صيانة 5000
وطمننا عليك ياهاني يا أوبتراوي

**hanyathlon** · 11-07-2008 01:38 AM

لا مبيبقاش موجود

**Adham** · 12-07-2008 11:19 AM

عادي جدا

التكييف بيعللي العربية شوية

و الباور لما بتلف الطلمبة بتعمل الصوت دة (صوت زي صوت موتور كهرباء)

و لو التكييف مبطل برضة حاتسمعه بس واطي

و عاوز تتأكد.؟؟

و انت مبطل التكييف حمل رجلك عالاكسراتير سنة بسيطة لغاية 1200 دورة مثلا و ثبتها
لف الدركسيون هااه سمعت نفس الصوت من الباور !!!