ماذا عن سرقة علامة الفولكس؟!

**hanady** · 03-02-2009 02:30 AM

شكرا على المعلومات من الأخ mohamed hamdi
أنا أمس شفت علامات فولكس مسروقة على عربيتين تاكسى شاهين كان نفسى أنزل أتخانق مع سواقينهم

**Ahmed Samy** · 03-02-2009 02:34 AM

انا شوفت موتوسيكل حاطط ورا اتنين
والله العظيم اتنين

سألته وانا راكن ليه كده ؟
قاللي شاريهم
قولتلو دول بتوع عربيات مش اكسسوار شاريهم منين
قاللي من بتوع الكماليات (كداب في أصل وشه)

طب تشتري حاجة مسروقة من ناس ؟؟؟

قاللي : "كفاية عليهم العربيات, مستخسرين فينا العلامة على مكنة صيني!"

فهمتوا ليه البلد دي السرقة و افساد مقتنيات الغير كترت ليه

**crazylambada** · 03-02-2009 02:48 AM

ما لو البلد محترمة
الكماين يمسكوا الناس ديه حيبطلوا يحطوها تاني

**Atef Saleh** · 03-02-2009 12:19 PM

يا اخوانى العلامات المسروقه اغلبها راكب فى التوك توك لأن السواقين معجبين جدا بعلامه الفولكس و بيركبوهم مقلوبين كمان على اساس انهم - ام ان - مش فى دبليو و عموما ربنا يكون فى عون اصحاب الجيتا و الباسات لأنهم اغلى علامتين و يوفق الباقين .

**snakeson2** · 03-02-2009 10:19 PM

ياجماعة الحل بسيط , انا ساكن في فيصل والعلامة مسروقة من يومين عالعموم انا متأكد انة واحد من اصحاب التوكتوك .انا مستني اخد اجازة بعد بكرة وانزل الشارع من الصبح والي اشوفة مركب علامة ومش هاسيبة الا لما اكون عاملة محضر وهخلية يلعن اليوم الي فكر يركب فية علامة مسروقة , اكيد هاقفش يجي خمسة ستة , وان شاء الله هاخد حقي .
ياريت ياجماعة كلنا نتصرف كدة . انا مش هتبلي بس هوة حرامي وانا اتسرقت ...
حسبي الله ونعم الوكيل ,,

**dr_bassem** · 17-02-2009 05:21 PM

انا والله شفت موتوسيكل في المنصوره عليه 11 علامة جيتا و دول اللي لحقت اعدهم,كنت هتجنن

**crazylambada** · 17-02-2009 07:13 PM

يا جماعة اللي عاوز علامات مسروقة
و من المنصورة
يقف ربع ساعة في شارع البحر او المشاية حيلقطلوا خمسة ستة علامات
من عربيات التاكسي الشاهين
وللاسف كلها كانت لجيتا

**hanady** · 18-02-2009 01:46 AM

و الله العظيم اللى بيحصل ده حرام. نفسى اعرف اللى بيعمل كده مستفاد أيه؟ و اللى بيخربش عربية جديدة بمفك و لا مفتاح من أولها لأخرها مستفيد أيه؟ و لماذا هذا فقط فى بلدنا؟ اخلاق الناس حصلها أيه!!!
حد يا عالم عنده تفسير؟؟!!!

**RAAFAT10** · 18-02-2009 10:51 AM

الأخوة الأعزاء
شفت أمبارح منظر زعلنى , عربية أسبرانزا جديدة راكنة جة واد بفزبة عامل زى الشحط وما بيعرفش يسوق وراح داخل فى الباب الأولانى وبوظ حتة فى الباب الثانى والباب ما بقش ينفع وجةأبوة ولا صاحب الفزبة وخدوها ومشيوا ولا كأن حاجة حصلت وصاحب العربية يروح فى داهية , ولوكان صاحب العربية جة ساعتها ما كنتش سبتة . ما بقاش فية أحساس